Juan 3:2 - Ñandeyara Ñe'ẽ

² Upe Nicodemo oho peteĩ pyharépe ohechávo Jesúspe, ha he'i ichupe: --Mbo'ehára, roikuaa niko Tupã Ñandejára ete voi ne mbou hague ore mbo'e haguã, ndaipórigui ikatúva ojapo ko'ã milagro nde rejapóva Tupã Ñandejára oĩ'ỹ ramo hendive.

Tûpâ Ñandeyára 1913

² Upéva ou Jesús rendape pyjarépe ja jei Ichupe: Carai, ore roicuaa Nde reyú jague Tûpâ Ñandeyára gui poro mboejára ramo. Ndipóri voí avave icatúva oyapo co âmbae jechapyrâ Nde reyapova oi ŷ ramo jendive Tûpâ Ñandeyára.

Ñandejára Ñe’ẽ

² Peteĩ pyharépe oho Jesús rendápe, ha he'i chupe: --Mbo'ehára, roikuaa niko Tupã ne mbou hague ore mbo'e haguã oréve. Ndaipóri niko avave ikatúva ojapo umi mba'e hechapyrãva nde rejapóva, Tupã noĩri ramo ne ndive.

Ñandejara Ñe’ẽ ✟

² Peteĩ pyharépe oho Jesús rendápe, ha he'i chupe: --Mbo'ehára, roikuaa niko Tupã ne mbou hague ore mbo'e haguã oréve. Ndaipóri niko avave ikatúva ojapo umi mba'e hechapyrãva nde rejapóva, Tupã noĩri ramo ne ndive.

Ñanderuete Ñe’ẽ Porã 2015

² Nicodémo ou pyhare jave Hesu rendápe, ha he’i ichupe: Mbo’ehára, ore ningo roikuaa rejuha Ñanderuetégui reporombo’e hag̃ua, avavete ndaikatúigui ojapo ko’ã techaukaha (señal) Nde rejapóva, Ñanderuete oĩ’ỹrõ hendive.

Juan 3:2 Referencias Cruzadas

Matéo 22:16

Ha omondo hikuái hendápe umi fariseo remimbo'éva ha Herodes partido reheguávape, he'i haguã Jesúspe: --Mbo'ehára, roikuaa niko nde ereha pe añetéva ha reporombo'eha hekopete Ñandejára rape rehe, repena'ỹ rehe yvypóra kuéra he'íva rehe, nderejuzgáigui yvypóra kuérape ojehechauka háicha rehe.

Matéo 23:7

ha oipota oñemomaitei ichupe kuéra karai guasúicha cállepe, ha umi gente te'i ichupe kuéra mbo'ehára.

Matéo 23:8

‘Peẽ katu ani peñembohéra mbo'ehára, peteĩ añóntegui pe pene mbo'ehára, ha upéva pe Cristo, ha peẽ ojoryvy kuerapágui.

Márcos 12:14

Ou hikuái ha he'i ichupe: --Maestro, roikuaa niko ne ñe'ẽ añeteha ha nde rekyhyjeiha avavégui, ha ne rema'ẽiha yvypóra rembiechauka rehe, añete háichante uvei reporombo'e Tupã Ñandejára rape rehe: ¿Ikatúpa oñeme'ẽ impuesto Césarpe, terãpa ahániri? ¿Rome'ẽ va'erãpa, terãpa ahániri?

Juan 1:38

Upérõ Jesús oñembojere ha ohecha ohoha hapykuéri ha he'i ichupe kuéra: --¿Mba'e piko peheka? Ha'e kuéra he'i ichupe: --Mbo'ehára, ¿mamo piko nde róga?

Juan 10:38

Ajapo ramo katu che rerovia'ỹ ramo jepe chéve perovia umi mba'e ajapóva; peikuaa porã haguã che Ru oiha che pype ha che aimeha Ipype.

Juan 12:37

Jesús ojapo ramo jepe heta milagro hesa renondépe kuéra, ha'e kuéra ndojeroviái hese;

Juan 14:10

¿Ndereroviái piko che aimeha pe che Rúpe ha pe che Ru oiha che pype? Umi mba'e che ha'éva peẽme, nda'éi che jehegui rei, che Ru uvei che pype oĩva ha omba'apóva hína.

Juan 15:24

Ndoguerekói vaerã mo'ã culpa che ajapo'ỹ rire ijapytépe kuéra mba'e avave ojapo'ỹ va'ekue; opáichavo, ohecháma umi mba'e ha upeve rehe nda ija'éi che rehe, ha nda ija'éi avei che Ru rehe.

Juan 2:11

Ko milagro ypykue rupi, Jesús ojapo va'ekue Caná Galilea peguápe, ohechauka iglória, ha hemimbo'e kuéra ojerovia hese.

Juan 20:16

Upéramo Jesús he'i ichupe: --¡María! Ha'e oñembojere ha he'i ichupe hebreo ñe'ẽme: --¡Rabóni! --he'iséva “Mbo'ehára”.

Juan 3:26

Ha oho hikuái he'i Juánpe: --Mbo'ehára, ku oĩ va'ekue nendive Jordán ysyry mboypýri, ku nde reñe'ẽ porã hague oréve hese, ko'ãga oime oporobautiza ha ojehopa hapykuéri.

Juan 4:31

Upéva aja Jesús remimbo'e kuéra ojerure jevy jevy ichupe, he'ívo: --Mbo'ehára, ekarúna michĩmínte jepe.

Juan 5:36

Che katu areko oñe'ẽ porãvéva che rehe pe Juan he'i va'ekuégui. Umi mba'e che ajapóva, umi mba'e che Ru ojapouka va'ekue voi chéve, umíva ohechauka sakã porã añetehápe che Ru che mbou hague.

Juan 6:2

Heta gente oho hapykuéri ohechágui umi milagro ojapóva omonguerávo umi hasývape.

Juan 7:31

Heta gente katu ojerovia hese, ha he'i joa: --Pe Cristo ou ha'ára ¿piko ojapóta nga'u hetave milagro ko kuimba'e ojapóvagui?

Juan 9:16

Upéramo oime umi fariseo kuérava he'i va'ekue: --Upe kuimba'e kóva ojapo va'ekue ndaikatúi Tupã Ñandejára remimboúvo nomomba'éigui pe pytu'uha ára. Ambue kuéra katu he'i: --¿Mba'éicha piko ikatúta ojapo ko'ã milagro ha'e pecador ramo? Ha ojuavy hikuái oñoñe'ẽme,

Apostolkuéra 10:38

Peikuaa mba'éichapa Tupã Ñandejára ome'ẽ Jesús Nazarénope, Espíritu Santo pu'aka, ha mba'éichapa oiko raka'e ojapo iporãva ha omonguera opavave umi oiko asývape mba'epochy poguýpe. Ojapo umi mba'e Tupã Ñandejára oĩgui hendive.

Apostolkuéra 2:22

‘Kuimba'e kuéra Israel pegua, pehendu ko'ã ñe'ẽ: Jesús Nazareno, kuimba'e Tupã Ñandejára ohechauka va'ekue peẽme oiha hendive mba'e oporomondýi va'ekue rupi ha mba'eguasueta ha techaukarã Tupã Ñandejára ojapo va'ekue ipo rupi pende apytépe, peẽ voi peikuaa háicha,

Filipoyguakuérape 1:14

ha upéva omokyre'ỹ haimete opavave hermano kuérape oñe'ẽ haguã Tupã Ñandejára ñe'ẽ rehe, okyhyje'ỹ rehe ha jeroviave reheve Ñandejára rehe.