Juan 3:18 - Ñandeyara Ñe'ẽ

¹⁸ ‘Pe ojeroviáva Tupã Ñandejára Ra'y rehe, noñecondenái; pe ojerovia'ỹva katu, oñecondenáma, ndojeroviái hague rehe pe Tupã Ñandejára Ra'y peteĩetéva rehe.

Tûpâ Ñandeyára 1913

¹⁸ Upe oyeroviáva Jese noñemoî vaíri, upe oyeroviaŷva oñemoî vaíma, ndoyeroviai jaguéreje Tûpâ Ñandeyára Raŷ peteî jaeñomíva réra reje.

Ñandejára Ñe’ẽ

¹⁸ Pe ojeroviáva Tupã Ra'ýre noñehundíri. Pe ojerovia'ỹva katu oñehundíma, ojerovia'ỹ haguére Tupã Ra'ýre.

Ñandejara Ñe’ẽ ✟

¹⁸ Pe ojeroviáva Tupã Ra'ýre noñehundíri. Pe ojerovia'ỹva katu oñehundíma, ojerovia'ỹ haguére Tupã Ra'ýre.

Ñanderuete Ñe’ẽ Porã 2015

¹⁸ Upe ojeroviáva guive hese noñembojovakemo’ãi, upe ojerovia’ỹva hese katu oñembojovakéma oñehundi hag̃ua, ndojeroviái haguére Ñanderuete Ra’y peteĩete réra rehe.

Juan 3:18 Referencias Cruzadas

Márcos 16:16

Upe ogueroviáva ha ojebautizaukáva, ojesalva vaerã, ha pe oguerovia'ỹva katu oñecondena vaerã.

Juan 1:12

Upéicharamo jepe, oĩ va'ekue orecibíva ichupe ha ojerovia va'ekue hese; umívape ome'ẽ oiko haguã ichugui kuéra Tupã Ñandejára ra'y.

Juan 1:18

Tupã Ñandejárape máramo avave ndohechái va'ekue; opáichavo, pe Ta'ýra peteĩmí, oĩva Túva corazõ ypypete, oikuaauka va'ekue ñandéve mba'éichapa Ha'e.

Juan 20:31

Ko'ãva katu oñemoĩ peẽ perovia haguã Jesús ha'eha pe Cristo, Tupã Ñandejára Ra'y, ha peroviávo pereko haguã pe tekove tapia guarã héra rupi.

Juan 3:16

‘Tupã Ñandejára ohayhu etereígui yvypóra kuérape, ome'ẽ va'ekue Ta'ýra peteĩete, opa umi hese ojeroviáva ani haguã oñehundi, oguereko haguã uvei pe tekove tapia guarã.

Juan 3:36

Pe ojeroviáva pe Ta'ýra rehe oguerekóma pe tekove tapia guarãva; pe ojeroviase'ỹva pe Ta'ýra rehe katu, ndoguereko mo'ãi upe tekove, ohupity vaerã uvei pe Tupã Ñandejára castigo ipohyietéva.

Juan 5:24

‘Añetehápe ha'e peẽme: Pe ohendúva upe che ha'éva, ha ojeroviáva pe che mbou va'ekue rehe, oguerekóma tekove tapia guarã; noñecondena va'erãi, ohasáma manógui tekovépe.

Juan 6:40

Pe che mbou va'ekue rembipota niko kóva, opa umi oma'ẽva guive pe Ta'ýra rehe ha ojeroviáva hese, toikove tapia guarã; ha che amoingove jevýta pe ára pahápe.

Juan 6:47

Añetehápe ha'e peẽme, upe ojeroviáva che rehe oguerekoha tekove tapia guarã.

Romayguakuérape 5:1

Upéicha rupi, jajerereko rire heko potĩva ramo jajerovia rupi ñande py'aguapy Tupã Ñandejára ndive Ñandejára Jesucristo rupi.

Romayguakuérape 8:1

Ha upéicha noñecondenavéima umi oñemopeteĩva Cristo Jesús ndive, umíva ndoikovéima yvypóra rekovekue oipota háicha, pe Espíritu oipota háicha uvei oiko.

Romayguakuérape 8:34

¿Mávapa ikatúta ocondena ichupe kuéra? Cristo niko pe omano va'ekue, ha hi'ariete ha'e pe oikove jevy va'ekue ha oĩva Tupã Ñandejára akatúape ha ojeruréva ñande rehe.

hebreoyguakuerape 12:25

Upéva rehekena, pema'ẽ anítei napehenduséi pe oñe'ẽva ñandéve ñe'ẽ. Umi ohenduse'ỹ va'ekuépe pe oporohekombo'éva ñe'ẽ ko yvy ári ndojeheja reíri va'ekue, ha ¿piko mba'éicha ojeheja reíta ñandéve ñahenduse'ỹ ramo pe ñane rekombo'évape yvága guive?

hebreoyguakuerape 2:3

¿mba'éichapa upéicharamo ndajajecastigái chéne nañamomba'éi ramo pe salvación tuichaitéva? Pe salvación Ñandejára raẽ voi omoherakuã va'ekue ha upéi umi ohendu va'ekue ichupe omoañete upe ñe'ẽ ha oikuaauka ñandéve.

hebreoyguakuerape 3:19

Ha upéicha jahecha ndaikatúi hague oike hikuái ndojeroviái hague rehe.

1 Juan 3:23

Ha upe hembiapoukapy niko kóva; ta jajerovia Ta'ýra Jesucristo rehe, ha ta jajohayhu ha'e ojerure haguéicha ñandéve.

1 Juan 4:9

Tupã Ñandejára ohechauka va'ekue imborayhu ñanendive guarã ombou pype Ta'ýra peteĩmíva ko múndope jaikove haguã ha'e rupi.

1 Juan 5:10

Pe ojeroviáva Tupã Ñandejára Ra'y rehe oguereko pe kuaaukapyre ipype voi, pe oguerovia'ỹva Tupã Ñandejárape katu ombojapu ichupe, ndogueroviái hague rehe pe Tupã Ñandejára he'i va'ekue oikuaaukávo Ta'ýra reheguáva.

1 Juan 5:12

Pe oguerekóva pe Tupã Ñandejára Ra'y, oguereko avei pe tekovete; ha pe oguereko'ỹva pe Tupã Ñandejára Ra'y katu, ndoguerekói avei upe tekovete.