Juan 20:17 - Ñandeyara Ñe'ẽ

¹⁷ Jesús he'i ichupe: --Ani repoko che rehe, ne'ĩra gueteri ajupi che Ru rendápe. Opáichavo, tereho ha emombe'u che ryvy kuérape ajupitaha che Ru ha pende Ru, che Tupã ha pende Tupã rendápe.

Tûpâ Ñandeyára 1913

¹⁷ Ja Jesús jei ichupe: Ani repoco Chereje, neira gueteri ayupi pe Túva rendape. Terejónte pyae umi Che reyi cuerape, ja ere ichupecuera co jaéucáva: Che ayupi Che Rú rendape, upe pende Rú rendape voi, ja Che Tûpâ Ñandeyára rendape, upe pene Tûpa Ñandeyára rendape voí.

Ñandejára Ñe’ẽ

¹⁷ Jesús he'i chupe: --Ani che joko, ne'ĩra gueteri niko ajupi jey che Ru rendápe. Tereho emombe'u che ryvy kuérape aha jeytaha che Ru ha pende Ru rendápe, che ha pene Tupã rendápe.

Ñandejara Ñe’ẽ ✟

¹⁷ Jesús he'i chupe: --Ani che joko, ne'ĩra gueteri niko ajupi jey che Ru rendápe. Tereho emombe'u che ryvy kuérape aha jeytaha che Ru ha pende Ru rendápe, che ha pene Tupã rendápe.

Ñanderuete Ñe’ẽ Porã 2015

¹⁷ Hesu katu he’i ichupe: Ani repoko cherehe, ne’ĩra ajupi che Ruete rendápe, tereho uvei che hermanokuéra rendápe, ha ere ichupekuéra: Che ajupitaha che Ruete ha pende Ruete rendápe, che Jára ha pende Jára rendápe.

Juan 20:17 Referencias Cruzadas

Matéo 12:50

Ha oimeraẽva ojapóva che Ru yvága pegua ñe'ẽ, upéva ha'e che ryvy, che reindy ha che sy.

Matéo 25:40

Ha pe Rey he'i vaerã ichupe kuéra: “Añetehápe ha'e peẽme, upe pejapo va'ekue peteĩva ko'ã che ryvy kuéra michĩvéva rehe, che rehe voi pejapo.”

Matéo 28:7

Ha pya'e tapeho peje hemimbo'e kuérape oikove jevy hague omanóva apytégui ha ko'ãga ohoha pene renonderã Galiléape, upépe pehecháta ichupe. Kóva kuri pe che ha'éta va'ekue peẽme.

Márcos 12:26

¿Ha omanóva oikove jevy va'erãha piko ndapeleéi ra'e pe Moisés kuatiañe'ẽme, mba'éichapa Tupã Ñandejára oñe'ẽ raka'e ichupe pe jukeri máta guive ha he'i: “Che ha'e Abraham Tupã, ha Isaac Tupã, ha Jacob Tupã”?

Márcos 16:19

Ha oñemoñe'ẽmba rire ichupe kuéra, Ñandejára Jesús, ojehupi yvate, oñemoguahẽ yvágape, ha oguapy Tupã Ñandejára akatúape kotyo.

Lúcas 10:4

Ani peraha vosa, terã plata ryru, terã pende py rehegua; ha ani pepyta pemomaitei avavépe tape rehe.

Juan 13:1

Pe Pascua arete ára mboyvéma. Jesús oikuaa oguahẽmaha hi'ára oho haguã ko yvy árigui Túva rendápe; ha'e tapia ohayhu va'ekue umi imba'éva ko'a yvy ariguápe, ha ko'ãga ohechauka ichupe kuéra pe imborayhu tuichakue.

Juan 14:2

Che Ru rógape oĩ heta rendaguã, upeicha'ỹ rire, che ha'éma vaerã mo'ã peẽme. Upéicharamo, aháta ambosako'i pene rendaguã.

Juan 14:28

Peẽ niko che rendúma kuri ha'e ramo ahataha, ha aju jevytaha aime jevy haguã penendive. Peẽ che rayhu rire añete, pevy'a vaerã mo'ã peikuaávo ahataha che Ru rendápe, ha'e mba'eguasuvégui che hegui.

Juan 14:6

Jesús he'i ichupe: --Che ha'e pe tape, ha che ha'e pe añete ha che ha'e avei pe tekovete. Che rupi mante ikatu oñeguahẽ che Ru rendápe.

Juan 16:28

Che asẽ va'ekue che Rúgui ha aju ko yvy ári, ha ko'ãga aheja ko mundo ha aha jevýta che Ru rendápe.

Juan 17:11

‘Che niko naime mo'ãvéima ko yvy ári; ha'e kuéra katu niko opytáta gueteri ko yvy ári ha che aháta ne rendápe. Che Ru marangatu, eñangarekomíkena nde réra rehehápe umi reme'ẽ va'ekue chéve rehe, ta peteĩ mba'e ñandéicha.

Juan 17:25

Che Ru marangatu, yvypóra kuéra na nde kuaái, che katu roikuaa, ha ko'ãva oikuaáma nde che mbou hague.

Juan 17:5

Ko'ãga, aipóramo, che Ru, eme'ẽ chéve pe nde reimehápe upe gloria che areko va'ekue nendive ko mundo oiko ñepyrũ mboyve guive.

Juan 20:27

Upéi katu he'i Tomáspe; --Emoinge ko'ápe ne kuã, ha ema'ẽ che po rehe, ha emoinge nde po che yképe. Ha anive nde py'amokõi, erovia uvei.

Juan 7:33

Upéramo Jesús he'i: --Sapy'ami aiméta penendive, ha upéi katu aha jevýta pe che mbou va'ekue rendápe.

Romayguakuérape 8:29

Umi Tupã Ñandejára oikuaa va'ekuépe yma guive, umívape omboyke va'ekue iñepyrũha guive oiko haguã ichugui kuéra Ta'ýra joguaha, pe Ta'ýra oiko haguã tyke'ýra ramo heta tyvýra kuéra apytépe.

2 Corintoyguakuérape 6:18

ha che ha'éta pende Ru, ha peẽ ha'éta che ra'y ha che rajy kuérata, he'i pe Ñandejára ipu'akapáva;

Galaciayguakuérape 3:26

Opavave peẽ niko Tupã Ñandejára ra'y pejerovia rupi Cristo Jesús rehe.

hebreoyguakuerape 11:16

Opáichavo, ha'e kuéra oipota va'ekue peteĩ hetã nguérarã iporãvéva, pe yvága pegua. Upéva rehe Tupã Ñandejára notĩri oñembohéra haguã Itupã Ñandejára kuéra, ha oguereko peteĩ ciudad mbosako'ipyre ichupe kuéra guarã.

hebreoyguakuerape 8:10

Pe pacto ajapótava Israel retãygua kuéra ndive umíva umi ára rire, kóichata, he'i Ñandejára; Amoĩta iñakãme kuéra che rembiapoukapy ha kuatiañe'ẽmeguáicha ipy'apýpe kuéra. Ha Tupã Ñandejára ta che ichupe kuéra ha ha'e kuéra che mba'éta.

1 Pédro 1:3

Ñamomba'eguasu Tupã Ñandejára, Ñandejára Jesucristo Rúpe, ipy'a poriahuvereko tuichaite rupi ñane moingo jevy pyahu va'ekue Jesucristo oikove jevy rupi omanóva apytégui. Upéva ome'ẽ ñandéve peteĩ esperanza tapia guarãva,

1 Juan 3:2

Che ryvy kuéra ahayhuetéva, ko'ãga voi ñande Tupã Ñandejára ra'ýma, ha ndojehechaukái gueteri mba'e va'erãpa gueteri ñande. Opáichavo, jaikuaa Jesucristo ojehechauka ha'ára ha'eichataha ñande jahecháta rehe ichupe ha'e ha'e haichaite.

Apocalípsis 21:3

Ha ahendu peteĩ ñe'ẽ hatãva yvágagui, he'íva: Péina ko'ãga Tupã Ñandejára santuario oĩ yvypóra apytépe. Ha Tupã Ñandejára oiko vaerã hendive kuéra, ha ha'e kuéra hesegua vaerã, ha Tupã Ñandejára voi oĩ vaerã hendive kuéra Itupã Ñandejára kuéra ramo.

Apocalípsis 21:7

Pe ovencévape oñeme'ẽ vaerã ko'ã mba'e herencia ramo, ha che vaerã Itupã Ñandejára, ha ha'e che ra'y vaerã.