Juan 19:17 - Ñandeyara Ñe'ẽ

¹⁷ Ha osẽ Jesús ikurusu reheve pe Akãngue renda hérava kotyo, hebreo ñe'ẽme he'iséva Gólgota.

Tûpâ Ñandeyára 1913

¹⁷ ja Jae icurusu rejeve iyatiŷ ári osê pe tenda jérava Âcâ cangue rendague pe oyee jague hebreo ñeême Golgota-Calvario.

Ñandejára Ñe’ẽ

¹⁷ Jesús osẽ pe távagui ikurusu ijapére oho haguã “Akã kãngue Renda” gotyo, hebréo ñe'ẽme hérava Gólgota.

Ñandejara Ñe’ẽ ✟

¹⁷ Jesús osẽ pe távagui ikurusu ijapére oho haguã “Akã kãngue Renda” gotyo, hebréo ñe'ẽme hérava Gólgota.

Ñanderuete Ñe’ẽ Porã 2015

¹⁷ Ha ojapyhy hikuái Hesúpe ogueraha hag̃ua pe tenda oñembohérava Akãnguépe, hebreoygua ñe’ẽme oje’e Gólgota. Hesu voi katu ogueraha ikurusu.

Juan 19:17 Referencias Cruzadas

Matéo 10:38

ha pe ohupi'ỹva ikurusu che moirũ haguã, ndaikatúi oiko che mba'éva ramo.

Matéo 16:24

Upérõ Jesús he'i hemimbo'e kuérape: --Oime ramo che moirũséva toñembuesarái ojehegui, tohupi ikurusu, ha ta che moirũ.

Matéo 27:37

Ha iñakã ári katu omoĩ hikuái pe hembiapokue réra he'íva kóicha: “Kóva ha'e hína Jesús umi Israelita kuéra Rey.”

Márcos 10:21

Ha Jesús oma'ẽvo hese ohayhuete, ha he'i ichupe: --Peteĩ mba'e ofalta ndéve: Tereho eñemumba rerekóva rehe, eme'ẽ hepykue mboriahúpe, ha rerekóta mba'eta yvágape; upéi katu ehupi nde kurusu ha che moirũ.

Márcos 15:26

Ha omoĩ ikurusu akã ári icausa réra he'íva: “Judío kuéra rey.”

Márcos 15:32

Pe Cristo, Israel pegua Rey, toguejy ko'ãga pe kurusúgui torohecha roguerovia haguã. Ha umi oñemosaingo va'ekue hendive kurusu rehe oja'o avei ichupe.

Márcos 8:34

Ha ohenói hemimbo'e kuérape ha umi gente ijaty va'ekuépe ha he'i ichupe kuéra: --Oime ramo ouséva che rapykuéri, toñembotove ojupe, tohupi ikurusu ha tou che rapykuéri.

Lúcas 14:27

Ha pe ohupi'ỹva ikurusu ha ou'ỹva che rapykuéri, ndaikatúi oiko che remimbo'e ramo.

Lúcas 23:26

Ha oguerahávo ichupe ojuka haguã ojapyhy hikuái peteĩ kuimba'e Cireneyguápe, hérava Simón, ou va'ekue hína ñugui, ha omoĩ ijape rehe pe kurusu ogueraha haguã Jesús rapykuéri.

Lúcas 23:33

Ha oguahẽma ramo pe Akãngue renda héravape, omosaingo hikuái Jesúspe kurusu rehe, ha umi mba'e vai apoharépe, peteĩ ijakatúa kotyo ha pe ambue ijasu kotyo.

Lúcas 23:38

Ha oñemoĩ avei iñakã ári hembiapokue réra, griego, latín ha hebreo ñe'ẽme, he'íva: “Kóva ha'e pe judío kuéra rey.”

Lúcas 9:23

Upéi he'i opavavépe: --Oime ramo che moirũséva, toñembuesarái ojehegui, tohupi ikurusu opa árape ha ta che moirũ.

Juan 19:13

Pilato ohendúvo upéva oguenohẽuka Jesúspe okápe, ha oguapy pe tribunálpe, pe hebreo ñe'ẽme herahápe Gabata, he'iséva Itaguigua.

Juan 5:2

Upépe, pe Ovecha kuéra rokẽ hérava ypýpe oĩ peteĩ ý renda hebreo ñe'ẽme hérava Bete da, oguerekóva cinco ogaguy'i.

Apostolkuéra 7:58

ha oguenohẽ ichupe pe ciudádgui ha ojapi hikuái ichupe itápe, ha umi hechahare oñangarekouka ijao kuéra rehe peteĩ karia'y hérava Saulo pýpe.