Juan 18:37 - Ñandeyara Ñe'ẽ

³⁷ Upéramo Pilato he'i ichupe: --¿Aipóramo piko nde Rey? Jesús he'i ichupe: --Ha'e, upe nde ere háicha. Che anace va'ekue ha aju ko yvy ári ha'e haguã pe añetegua. Opa umi ojapóva mba'éramo pe añete, ohendu pe che ha'éva.

Tûpâ Ñandeyára 1913

³⁷ Upei catu Pilato jei Ichupe: ¿Ndepa mburuvicha guasu, upeicharamo? Ja Jesús jei: Upeicha! Che voí mburuvicha guasu ere jaicha nde. Upearâ voí añemoña vaecue, upearâ avei Che ayu vaecue co ybyari aicuaauca jaguâ pe jecopegua, ja opa umi jecopegua rejegua ojendu Che ñeê Che jaeva.

Ñandejára Ñe’ẽ

³⁷ Upépe Pilato oporandu chupe: --Mburuvicha guasu piko nde aipóramo? Jesús he'i chupe: --Ndéma niko ere, che mburuvicha guasuha. Che niko aju vaekue ko yvy ári ha'e haguã umi mba'e añeteguáva. Ha opa umi oikóva añete guápe, che rendu.

Ñandejara Ñe’ẽ ✟

³⁷ Upépe Pilato oporandu chupe: --Mburuvicha guasu piko nde aipóramo? Jesús he'i chupe: --Ndéma niko ere, che mburuvicha guasuha. Che niko aju vaekue ko yvy ári ha'e haguã umi mba'e añeteguáva. Ha opa umi oikóva añete guápe, che rendu.

Ñanderuete Ñe’ẽ Porã 2015

³⁷ Upéramo Piláto he’i Hesúpe: Péicha ramo piko Nde avei peteĩ tetã ruvicha. Hesu ombohovái ichupe: Peichaite, Che ningo peteĩ tetã ruvicha. Pévarã Che anaceva’ekue ha aju ko yvy ape ári amombe’u hag̃ua pe añetegua. Ha opaite umi ohayhúva guive pe añetegua, cherenduva’erã.

Juan 18:37 Referencias Cruzadas

Matéo 26:64

Ha Jesús he'i ichupe: --Upéicha, upe nde ere háicha. Ha ha'e avei peẽme, pehecha va'erãha ko kuimba'éicha ou va'ekue yvy ári oguapy ramo Tupã Ñandejára ipu'akáva akatúape ha ou ramo arai ári yvágagui.

Matéo 27:11

Ogueraha hikuái Jesúspe pe mburuvicha guasu renondépe ha ha'e oporandu ichupe: --¿Ndépa ha'e pe Israelita kuéra Rey? Jesús he'i ichupe: --Upéicha, upe nde ere háicha.

Márcos 14:62

Ha Jesús he'i: --Che ha'e, ha pehecha vaerã ko kuimba'éicha ou va'ekue yvy ári oguapy ramo Tupã Ñandejára akatúa pu'aka kotyo, ha oúvo yvágagui arai ári.

Márcos 15:2

Ha Pilato oporandu ichupe: --¿Ndépa ha'e Israelita kuéra Rey? Ha Jesús he'i ichupe: --Upéicha, upe nde ere háicha.

Lúcas 22:70

Ha oĩ haguéicha oporandu hikuái ichupe: --¿Aipóramo piko nde Tupã Ñandejára Ra'y? Ha Jesús he'i ichupe kuéra: --Che ha'e, peẽma voi peje haguéicha.

Lúcas 23:3

Upérõ Pilato oporandu ichupe: --¿Ndépa ha'e Israelita kuéra Rey? Ha Jesús he'i ichupe: --Upéicha, upe nde ere háicha.

Juan 1:14

Ha pe Tupã Ñandejára Ñe'ẽ oiko kuimba'e ramo ha oiko sapy'a va'ekue ñande apytépe, mborayhu ha añetégui henyhẽte. Ore rohecha va'ekue iglória, pe Túva Ra'y peteĩetéva gloria teete.

Juan 1:17

Tupã Ñandejára niko Moisés rupi ome'ẽ va'ekue pe ley, Jesucristo rupi katu ome'ẽ ñandéve pe mborayhu ha pe añete.

Juan 14:6

Jesús he'i ichupe: --Che ha'e pe tape, ha che ha'e pe añete ha che ha'e avei pe tekovete. Che rupi mante ikatu oñeguahẽ che Ru rendápe.

Juan 3:32

ha oñe'ẽ pe ohecha ha ohendu va'ekue rehe; upéicharamo jepe avave nohendúi ichupe.

Juan 7:17

Pe ojaposéva Tupã Ñandejára rembipota ohechakuaáta pe che aporombo'évapa Tupã Ñandejára mba'e terãpa che añe'ẽ che jeheguínte.

Juan 8:14

Jesús he'i ichupe kuéra: --Ovale katu upe ha'éva añe'ẽ ramo jepe che jehe. Che aikuaa mamóguipa aju ha mamópa aha; peẽ katu ndapeikuaái mamóguipa aju ha mamópa aha.

Juan 8:45

Che katu ha'e peẽme pe añetegua, ha upéva rehe peẽ nda che reroviái.

Juan 8:46

¿Mávapa peẽ kuérava ikatu ohechauka che arekoha pecado? Ha ha'e ramo pe añetegua ¿piko mba'e rehe nda pe che reroviái?

Juan 8:47

Pe Tupã Ñandejára mba'éva, ohendu pe Tupã Ñandejára ñe'ẽ; peẽ katu ndaha'éi Tupã Ñandejára mba'e ha upéva rehe na che renduséi.

1 Timotéope 6:13

Ha ko'ãga, Tupã Ñandejára omoingovéva opa mba'e, ha Jesucristo renondépe, he'i va'ekue hekopete pe he'i vaerã Poncio Pilato renondépe, ajerure ndéve,

1 Pédro 1:22

Ha ko'ãga peẽ, Espíritu Santo rupi, pene ñe'ẽrendu pe ñe'ẽ añetetévape ha upéicha pemopotĩ pene ánga ha peju pehayhu tova mokõi'ỹ reheve pene hermano kuérape. Pejuayhúkena aipóramo pende py'aite guive ha opa ikatu háicha.

1 Juan 2:21

Amoĩ peẽme ko'ã ñe'ẽ kuatia rehe ndaha'éi peikuaa'ỹgui pe añete, peikuaágui uvei. Peẽ peikuaa mba'eveichagua japu nosẽiha pe añetégui.

1 Juan 3:14

Ñande jaikuaa jahasáma hague manógui pe tekovetépe jahayhu rehe ñane hermano kuérape. Pe ohayhu'ỹva iñehermano omano gueteri.

1 Juan 3:19

Kóva rehe ikatu jaikuaa pe añete reheguaha ñande, ha ñande py'aguapy vaerã Tupã Ñandejára renondépe;

1 Juan 4:6

Ñande kuéra katu Tupã Ñandejára mba'e. Pe oikuaáva Tupã Ñandejárape ñane rendu ha pe Tupã Ñandejára mba'e'ỹva katu na ñane rendúi. Upéicha ikatu jaikuaa mávapa oguereko pe espíritu añetéva ha mávapa oguereko pe espíritu japu.

1 Juan 5:20

Jaikuaa avei Tupã Ñandejára Ra'y ou hague, ha ome'ẽ hague ñandéve akã porã jaikuaa haguã pe Tupã Ñandejára añetetévape. Ñaime pe Tupã Ñandejára añetetévape ñaimégui peteĩ py'ápe Ta'ýra Jesucristo ndive. Ha'e niko pe Tupã Ñandejára añetetéva, ha pe tekove tapia guarãva.

Apocalípsis 1:4

Che, Juan, amoĩ ko'ã ñe'ẽ kuatia rehe umi siete iglésia oĩva Ásiape. Tupã Ñandejárape ha'éva, ha'e va'ekue voi, ha ou vaerã, ha umi siete espíritu oĩva itrono renondépe, ha Jesucristo, pe testigo fiel, mborayhu ha py'aguapy toĩ penendive. Jesucristo niko pe oikove jevy va'ekue tenonderã omanóva apytégui, yvy arigua mburuvicha guasu kuéra Ruvicha. Ha'e ñande rayhu ha ñane mopotĩ va'ekue ñande pecado kuéragui huguýpe,

Apocalípsis 3:14

Emoĩ ñe'ẽ kuatia rehe pe iglésia Laodicéape oĩva rembijokuái peguarã: “Péicha he'i pe Añetetéva, pe testigo fiel iñe'ẽ añetéva, opa umi mba'e Tupã Ñandejára ojapo va'ekue ñepyrũhare: