Juan 17:3 - Ñandeyara Ñe'ẽ

³ Kóva niko ha'e pe tekove tapia guarã, ta nde kuaa hikuái ndéve nde añoiteha Tupã Ñandejára añetegua, ha toikuaa Jesucrístope, pe nde rembou va'ekue.

Tûpâ Ñandeyára 1913

³ Cóva voí pe Tecové iyapyraŷva Nde cuaa ramo Ndeve añó Tûpâ Ñandeyára jaetéva ramo ja oicuaa ramo Ne remimbou Jesúspe pe Cristo ramo.

Ñandejára Ñe’ẽ

³ Ha upe jeikove opa'ỹva niko kóva: Ta nde kuaa ndéve Tupã añete ha peteĩetéva, ha Jesucrístope, upe nde rembou vaekuépe.

Ñandejara Ñe’ẽ ✟

³ Ha upe jeikove opa'ỹva niko kóva: Ta nde kuaa ndéve Tupã añete ha peteĩetéva, ha Jesucrístope, upe nde rembou vaekuépe.

Ñanderuete Ñe’ẽ Porã 2015

³ Ha pe tekove tapia g̃uarãva ningo kóva: Tandekuaa hikuái ndéve, Ndémante Ñanderuete añeteguáva, ha toikuaa avei pe Nde rembouva’ekue, Hesu Crísto.

Juan 17:3 Referencias Cruzadas

Márcos 9:37

--Oimeraẽva oguerohorýva che rérape mitãmi koichagua, chéve che rerohory; ha pe chéve che rerohorýva, nda che rerohorýi chéve añó, oguerohory pe che mbouharépe avei.

Lúcas 9:48

ha he'i ichupe kuéra: --Pe oguerohorýva ko mitãmíme che rérape, chéve che rerohory; ha pe chéve che rerohorýva, oguerohory avei pe che mbouharépe. Pe michĩetevéva pende apytépe, upéva pe tuichavéva.

Juan 10:36

Ha Tupã Ñandejára niko che moĩ chéve ha che mbou yvy ári; ¿mba'éicha katu piko aipóramo ikatúta peẽ peje che añe'ẽ vaiha Tupã Ñandejára rehe ha'e ramo che Tupã Ñandejára Ra'yha?

Juan 11:42

Che niko aikuaa tapia che renduha, opáichavo, ha'e kóva ko'ã ko'ápe oĩva rehehápe, oguerovia haguã nde che mbou hague.

Juan 14:26

pe Espíritu Santo, che Ru omboútava che rérape Pytyvõhára ramo katu pene mbo'e ha pene momandu'a vaerã opa umi mba'e che ha'e va'ekue peẽme rehe.

Juan 17:18

Nde che mbou haguéicha yvypóra kuéra apytépe, upéicha avei che amondo ichupe kuéra yvypóra kuéra apytépe.

Juan 17:21

Ajerure ndéve hese kuéra ta ipy'a peteĩ oñondive kuéra; ta peteĩ mba'e añónte ñanendive, che Ru, nde reime háicha che pype ha che aime háicha nde pype. Toĩ peteĩ py'ápe oñondive yvypóra kuéra oguerovia haguã nde che mbou hague.

Juan 17:23

Che ipype kuéra ha nde che pype, peteĩeténte haguã ha'ekuéra, ha upéicha ikatu haguã yvypóra kuéra ohechakuaa nde che mbou hague, ha nde rehayhuha ichupe kuéra chéve che rayhu haichaite.

Juan 17:25

Che Ru marangatu, yvypóra kuéra na nde kuaái, che katu roikuaa, ha ko'ãva oikuaáma nde che mbou hague.

Juan 17:8

ambo'e va'ekue ichupe kuéra pe nde reikuaauka va'ekue chéve, ha ha'e kuéra oguerovia va'ekue. Ohechakuaáma añetehápe che aju hague ne rendágui, ha oguerovia hikuái nde che mbou hague.

Juan 3:17

Tupã Ñandejára nomboúi Ta'ýrape yvy ári ocondena haguã yvypóra kuérape, ojesalvánte haguã uvei ha'e rupi.

Juan 3:34

pe Tupã Ñandejára ombou va'ekue oñe'ẽgui pe Tupã Ñandejára ñe'ẽ teete voi, ha Tupã Ñandejára ome'ẽ va'ekue ichupe Ijespíritu takate'ỹ'ỹ rehe.

Juan 5:44

¿Mba'éicha piko ikatúta perovia peẽ peñomomba'eguasu ramo peẽ oñondive, ha napemomba'éi pe ñemomba'eguasu oúva pe Tupã Ñandejára ha'eñoiténte añetévagui?

Juan 6:57

Pe che Ru che mbou va'ekue oikove, ha che aikove ha'e rupi; upeichaite avei, pe okarúva che hegui, oikovéta che rupi.

Juan 7:29

Che katu aikuaa ichupe aju hague rehe hendágui ha ha'e che mboúgui.

Juan 8:19

Upéramo oporandu hikuái ichupe: --¿Mamo piko oime nde Ru? Jesús he'i ichupe kuéra: --Peẽ nda che kuaái chéve ha che Rúpe upéichante avei; chéve che kuaa rire, peikuaa vaerã mo'ã che Rúpe avei.

1 Corintoyguakuérape 15:34

Pepáykena tekotevẽ háicha ha ani pepeca, oĩ niko pende apytépe oikuaa'ỹva Tupã Ñandejárape, ha'e peẽme ko'ã mba'e pomotĩ haguã.

1 Corintoyguakuérape 8:4

Ha pe tembi'u oje'úva ta'anga rérape katu, jaikuaa pe ta'anga ndaha'eiha mba'eve añetegua, ha Tupã Ñandejára peteĩ añonteha.

2 Corintoyguakuérape 4:6

Pe Tupã Ñandejára ete voi he'i va'ekue pe tesapehára ohesape haguã pe pytũnguýpe, ohesape va'ekue ore py'apy, ikatu haguã upe tesapeha rendy rupi rohecha pe Tupã Ñandejára gloria omimbíva Jesucristo rova rehe.

Filipoyguakuérape 3:10

aikuaa haguã Crístope ha pe pu'aka omoingove jevy va'ekue ichupe, ha pe jehasa asy ha'e ohasa va'ekue ha pe imano meve taikuaa.

Filipoyguakuérape 3:8

Ha oimeraẽva mba'e ikatu vaerã mo'ãva che areko, ndajapói mba'evete ramo, ambojojáta ramo pe tuichaite mba'e ajúva rehe aikuaa Cristo Jesús che Jaraha. Cristo rayhupápe ahejapa opa umi mba'e ha areko yty ramo, che mba'e guive Crístonte,

1 Tesalonicayguakuérape 1:9

Upéva rangue, ha'e kuéra voi omombe'u mba'éichapa peẽ ore moguahẽ raka'e ha mba'éichapa pejere Tupã Ñandejárape umi ta'angágui peñemoĩ haguã pe Tupã Ñandejára oikovéva ha añetetéva ñe'ẽme,

2 Tesalonicayguakuérape 1:8

oúvo tata rendýpe ocastiga haguã umi oikuaase'ỹva Tupã Ñandejárape ha iñe'ẽ rendu'ỹva pe Ñandejára Jesucristo evangéliope.

hebreoyguakuerape 3:1

Upéva rehe, che ryvy kuéra marangatu, peẽ Tupã Ñandejára ohenói va'ekue imba'erã, pema'ẽ porãkena Cristo Jesús rehe, pe apóstol ha pa'i guasu pe ñande jeroviaha rehe.

2 Pédro 1:2

Ta pene renyhẽ jehovasa ha py'aguapýgui peikuaa rupi Tupã Ñandejára ha Ñandejára Jesucrístope.

2 Pédro 1:3

Tupã Ñandejára ome'ẽ va'ekue ñandéve, ipu'aka rupi opa ñane remirekotevẽrãva jaikove ha jahayhu haguã ichupe, jaikuaávo upe ñane renói va'ekuépe iglória ha milagro kuéra ojapo va'ekue ipu'aka rupi.

2 Pédro 1:8

Peẽ pereko ramo ko'ã mba'e ha heta hetave ramo pende pype na pende reko reivéima vaerã ha ndapeikuaa rei mo'ãi Ñandejára Jesucrístope.

1 Juan 1:2

Upe tekovete ojehechauka va'ekue ha ore rohecha va'ekue, ha péina romombe'u roikuaauka haguã peẽme ko tekovete tapiaguáva, oĩ va'ekue Túva ndive ha ojehechauka va'ekue oréve.

1 Juan 1:3

Roikuaauka peẽme upe rohecha ha rohendu va'ekue, peẽ peime haguã avei orendive, pe ore roime háicha añetete Tupã Ñandejárape Túva ha Ta'ýra Jesucristo ndive.

1 Juan 2:23

Upe omomba'e'ỹva pe Ta'ýrape, ndoguerekói Tupã Ñandejárape Túva ramo; ha upe omomba'éva pe Ta'ýrape katu, oguereko Túva ramo Tupã Ñandejárape.

1 Juan 4:6

Ñande kuéra katu Tupã Ñandejára mba'e. Pe oikuaáva Tupã Ñandejárape ñane rendu ha pe Tupã Ñandejára mba'e'ỹva katu na ñane rendúi. Upéicha ikatu jaikuaa mávapa oguereko pe espíritu añetéva ha mávapa oguereko pe espíritu japu.

1 Juan 5:20

Jaikuaa avei Tupã Ñandejára Ra'y ou hague, ha ome'ẽ hague ñandéve akã porã jaikuaa haguã pe Tupã Ñandejára añetetévape. Ñaime pe Tupã Ñandejára añetetévape ñaimégui peteĩ py'ápe Ta'ýra Jesucristo ndive. Ha'e niko pe Tupã Ñandejára añetetéva, ha pe tekove tapia guarãva.