Juan 17:23 - Ñandeyara Ñe'ẽ

²³ Che ipype kuéra ha nde che pype, peteĩeténte haguã ha'ekuéra, ha upéicha ikatu haguã yvypóra kuéra ohechakuaa nde che mbou hague, ha nde rehayhuha ichupe kuéra chéve che rayhu haichaite.

Tûpâ Ñandeyára 1913

²³ Che nico ipype cuera ja Nde Che pype icatu jaguâ jaecuera oñemoingo jecópe peteînte ramo, oicuaa jaguâ umi ybypóra Nde Che mbou jague ja Nde rejayjújá ichupecuera Che rayjú jaichante Cheve voí.

Ñandejára Ñe’ẽ

²³ Che aiméta ipype kuéra ha nde che pype, ojoaju porã ha peteĩnte haguã ha'e kuéra oñondive. Péicharõ, opavave ohecha kuaáta nde che mbou hague ha nde rehayhuha chupe kuéra, chéve che rayhuháicha.

Ñandejara Ñe’ẽ ✟

²³ Che aiméta ipype kuéra ha nde che pype, ojoaju porã ha peteĩnte haguã ha'e kuéra oñondive. Péicharõ, opavave ohecha kuaáta nde che mbou hague ha nde rehayhuha chupe kuéra, chéve che rayhuháicha.

Ñanderuete Ñe’ẽ Porã 2015

²³ Che ipypekuéra ha Nde chepype, upéichamante oiko porã hag̃ua hikuái oñondive, ha yvyariguakuéra oikuaa hag̃ua Nde chembou hague, ha Nde rehayhuha ichupekuéra, Nde cherayhu háicha chéve.

Juan 17:23 Referencias Cruzadas

Juan 10:38

Ajapo ramo katu che rerovia'ỹ ramo jepe chéve perovia umi mba'e ajapóva; peikuaa porã haguã che Ru oiha che pype ha che aimeha Ipype.

Juan 13:35

Pejuayhu ramo, opavave ohechakuaa vaerã peẽ che remimbo'eha.

Juan 14:10

¿Ndereroviái piko che aimeha pe che Rúpe ha pe che Ru oiha che pype? Umi mba'e che ha'éva peẽme, nda'éi che jehegui rei, che Ru uvei che pype oĩva ha omba'apóva hína.

Juan 14:23

Jesús he'i ichupe: --Pe che rayhúva ojapo pe che ha'éva, ha che Ru ohayhu vaerã upévape, ha che Ru ha che roju vaerã ropyta haguã hendive.

Juan 15:9

Che pohayhu peẽme pe che Ru che rayhu háicha chéve; peikókena aipóramo che mborayhúpe.

Juan 16:27

che Ru voi pende rayhúgui. Pende rayhu peẽ che rayhu hague rehe chéve ha perovia hague rehe che aju hague Tupã Ñandejára gui.

Juan 17:11

‘Che niko naime mo'ãvéima ko yvy ári; ha'e kuéra katu niko opytáta gueteri ko yvy ári ha che aháta ne rendápe. Che Ru marangatu, eñangarekomíkena nde réra rehehápe umi reme'ẽ va'ekue chéve rehe, ta peteĩ mba'e ñandéicha.

Juan 17:21

Ajerure ndéve hese kuéra ta ipy'a peteĩ oñondive kuéra; ta peteĩ mba'e añónte ñanendive, che Ru, nde reime háicha che pype ha che aime háicha nde pype. Toĩ peteĩ py'ápe oñondive yvypóra kuéra oguerovia haguã nde che mbou hague.

Juan 17:24

‘Che Ru, nde reme'ẽ va'ekue chéve, ha aipota oĩ ha'e kuéra chendive upe che aimetahápe, ohecha haguã nde che momba'eguasu hague ko mundo oiko mboyve guive.

Juan 17:26

Che aikuaauka va'ekue ichupe kuéra ndépa máva, ha aikuaaukavéta gueteri ichupe kuéra, pe mborayhu rerekóva chéve oĩ haguã ipype kuéra avei, ha chete voi aime haguã ipype kuéra.

Juan 17:3

Kóva niko ha'e pe tekove tapia guarã, ta nde kuaa hikuái ndéve nde añoiteha Tupã Ñandejára añetegua, ha toikuaa Jesucrístope, pe nde rembou va'ekue.

Juan 17:8

ambo'e va'ekue ichupe kuéra pe nde reikuaauka va'ekue chéve, ha ha'e kuéra oguerovia va'ekue. Ohechakuaáma añetehápe che aju hague ne rendágui, ha oguerovia hikuái nde che mbou hague.

Juan 3:17

Tupã Ñandejára nomboúi Ta'ýrape yvy ári ocondena haguã yvypóra kuérape, ojesalvánte haguã uvei ha'e rupi.

Juan 6:56

Pe ho'úva che rete ha omboy'úva che ruguy, oĩ chendive, ha che hendive.

1 Corintoyguakuérape 1:30

Opáichavo, Tupã Ñandejára voi pene mopeteĩ Cristo Jesús ndive ha ojapo avei Cristo oiko haguã ñandéve arandu ramo, ha Cristo rupi ñande culpa'ỹ haguã, ñane marangatu haguã ha jajesalva haguã.

2 Corintoyguakuérape 5:21

Cristo ndopecái va'ekue, opáichavo, ñande rayhupápe Tupã Ñandejára oguereko va'ekue ichupe pecador ramo, ñañe mopeteĩvo Cristo ndive ikatu haguã jahupity pe teko potĩ Tupã Ñandejára ome'ẽva.

Galaciayguakuérape 3:28

Ndaiporivéima Israelita terã griégova, tembiguái terã tembiguai'ỹva, kuimba'e terã kuña, opavave peẽ peteĩ añóguima peñemopeteĩ rupi Cristo Jesús ndive.

Filipoyguakuérape 3:15

Ha upéicha ñañandu vaerã ñande kuéra ñane tyarõmava ñande jeroviápe. Ha peñandu ramo ambue hendáicha, upéva avei Tupã Ñandejára ohechauka vaerã peẽme.

Colosayguakuérape 1:28

Ore niko romoherakuã Cristo ñe'ẽ. Rohekombo'e opavavépe, ha rombo'e opavavépe oikuaa porã haguã, ikatu haguãicha peteĩ teĩva pene tyarõ ñemopeteĩme Cristo ndive.

Colosayguakuérape 2:2

Hi'ãite niko chéve ha'e kuéra oñembopy'a kyre'ỹ, toñemopeteĩ mborayhúpe, ta henyhẽte jeroviágui oúva pe jekuaa porã rupi oikuaa haguã pe Tupã Ñandejára mba'e ojekuaa'ỹ va'ekue, ha upéva niko hína Cristo ete voi,

Colosayguakuérape 3:14

Hi'ariete, ta pene renyhẽ mborayhúgui, upe ombojuaju ha omporãmbáva opaite mba'e.

1 Pédro 5:10

Pe pehasa asy sapy'ami rire katu Tupã Ñandejára pene moĩ vaerã hekopete, pene moĩ hatã ha pene mombarete vaerã, avave pene mongu'e'ỹ haguãicha. Pe Tupã Ñandejára opáicha ñande rovasáva ha ñane renói va'ekue ñane moĩ haguã iglória tapia guarãvape Cristo ndive.

1 Juan 1:3

Roikuaauka peẽme upe rohecha ha rohendu va'ekue, peẽ peime haguã avei orendive, pe ore roime háicha añetete Tupã Ñandejárape Túva ha Ta'ýra Jesucristo ndive.

1 Juan 3:1

Pema'ẽna mba'eichaitépa ñande rayhu Tupã ñande Ru ñane mbohéra haguã Tupã Ñandejára ra'y, ha ñande ha'e. Upéva rehe, yvypóra kuéra na ñande kuaái, ndoikuaáigui Tupã Ñandejárape.

1 Juan 4:19

Ñande niko jahayhu Tupã Ñandejárape ha'e raẽ ñande rayhúgui.

Apocalípsis 3:9

Upéva rehe, amondóta ne rendápe umi Satanás sinagoga pegua kuérava he'íva ojehe kuéra Israelitaha ha ndaha'éi, ijapu uvei katu ha amoñesũta ne renondépe, ha oikuaa haguã hikuái rohayhu hague.