Juan 17:11 - Ñandeyara Ñe'ẽ

¹¹ ‘Che niko naime mo'ãvéima ko yvy ári; ha'e kuéra katu niko opytáta gueteri ko yvy ári ha che aháta ne rendápe. Che Ru marangatu, eñangarekomíkena nde réra rehehápe umi reme'ẽ va'ekue chéve rehe, ta peteĩ mba'e ñandéicha.

Tûpâ Ñandeyára 1913

¹¹ Anga rire Che naimeveima co yby ári. Jaecuerante oime vaerâ co yby ári, ja Che ayu aina Ne rendape. Che Ru marangatu, eñongatu ichupecuera co Nde réra co Cheve remoî vaecuepe, oico jaguâ peteînte ramo Ñandeichante avei.

Ñandejára Ñe’ẽ

¹¹ Che niko ahátama aime haguã ne ndive ha naime mo'ã véima ko yvy ári. Ha'e kuéra katu opytáta gueteri ko yvy ári. Che Ru Marangatu, eñangareko hese kuéra nde réra pokatu, chéve reme'ẽ vaekue rupi, peteĩcha oiko haguã ha'e kuéra, nde ha che peteĩháicha.

Ñandejara Ñe’ẽ ✟

¹¹ Che niko ahátama aime haguã ne ndive ha naime mo'ã véima ko yvy ári. Ha'e kuéra katu opytáta gueteri ko yvy ári. Che Ru Marangatu, eñangareko hese kuéra nde réra pokatu, chéve reme'ẽ vaekue rupi, peteĩcha oiko haguã ha'e kuéra, nde ha che peteĩháicha.

Ñanderuete Ñe’ẽ Porã 2015

¹¹ Che ningo ndapytamo’ãvéi ko yvy ári, ko’ãva katu opytatahína gueteri, Che katu aháta ne rendápe. Che Ruete nde reko potĩete rasa ha hekoitépe reñangareko umi Nde reme’ẽmava’ekue chéve rehe nde réra rehehápe, oiko hag̃ua peteĩ ñe’ẽme, ñande jaiko háicha.

Juan 17:11 Referencias Cruzadas

Matéo 10:16

‘¡Pema'ẽke! Che pomondo peẽme ovecháicha aguara guasu apytépe. Upéva rehe pende katupyry vaerã mbóicha ha pende reko kirirĩ vaerã pykasúicha.

Matéo 5:48

Peẽ pende py'aporãiteve vaerã, pe pende Ru yvága pegua ipy'aporã háicha avei.

Matéo 6:9

Upéva rehe peñembo'e peẽ kóicha: Ore Ru reiméva yvágape, toñemomarangatu nde réra.

Juan 13:1

Pe Pascua arete ára mboyvéma. Jesús oikuaa oguahẽmaha hi'ára oho haguã ko yvy árigui Túva rendápe; ha'e tapia ohayhu va'ekue umi imba'éva ko'a yvy ariguápe, ha ko'ãga ohechauka ichupe kuéra pe imborayhu tuichakue.

Juan 14:20

Upeha árape peẽ pehechakuaáta che aimeha che Rúpe, ha peẽ peimeha che pype ha che aimeha pende pype.

Juan 16:28

Che asẽ va'ekue che Rúgui ha aju ko yvy ári, ha ko'ãga aheja ko mundo ha aha jevýta che Ru rendápe.

Juan 16:33

Ha'éko peẽme opa ko'ã mba'e pende py'aguapy haguã pejerovia rupi che rehe. Peẽ peiko asy vaerã ko yvy ári, opáichavo, ani pekyhyje, che che pu'aka va'ekue ko mundo rehe ha amoĩ va'ekue ko mundo che poguýpe.

Juan 17:23

Che ipype kuéra ha nde che pype, peteĩeténte haguã ha'ekuéra, ha upéicha ikatu haguã yvypóra kuéra ohechakuaa nde che mbou hague, ha nde rehayhuha ichupe kuéra chéve che rayhu haichaite.

Juan 17:25

Che Ru marangatu, yvypóra kuéra na nde kuaái, che katu roikuaa, ha ko'ãva oikuaáma nde che mbou hague.

Juan 17:6

‘Umi nde reme'ẽ va'ekue chéve yvypóra kuéra apytégui aikuaauka ichupe kuéra mávapa nde. Ne mba'e voi niko ha nde reme'ẽ va'ekue chéve, ha ojapo hikuái ne ñe'ẽ.

Juan 7:33

Upéramo Jesús he'i: --Sapy'ami aiméta penendive, ha upéi katu aha jevýta pe che mbou va'ekue rendápe.

Apostolkuéra 3:21

tekotevẽva gueteri opyta yvágape oñemyatyrõmbaha ára peve opaite mba'e, umi oñe'ẽ hague Tupã Ñandejára umi ñemoñe'ẽhára marangatu juru rupi ymaite guive.

Romayguakuérape 12:5

upéicha avei ñande kuéra, ñande reta ramo jepe, peteĩ teténte Cristo ndive, ha jajuaju ojuehe peteĩ tete reheguáicha.

Romayguakuérape 9:17

Pe Kuatiañe'ẽ Marangatúpe niko Tupã Ñandejára he'i Faraónpe: “Ajapo va'ekue nde hegui Rey ahechauka haguã nde rupi che pu'akakue, ha aikuaauka haguã che réra yvy jerekuévo.”

1 Corintoyguakuérape 1:10

Che ryvy kuéra, ajerure peẽme Ñandejára Jesucristo rérape, peñemoĩ haguã peteĩ ñe'ẽme ha ani haguã pejuavy oñondive kuéra, tapeiko uvei oñondive kuéra peteĩ py'ápe ha peteĩ ñe'ẽme.

Galaciayguakuérape 3:28

Ndaiporivéima Israelita terã griégova, tembiguái terã tembiguai'ỹva, kuimba'e terã kuña, opavave peẽ peteĩ añóguima peñemopeteĩ rupi Cristo Jesús ndive.

Efesoyguakuérape 4:4

Oĩ niko peteĩ tete añó, ha peteĩ Espíritu, pe Tupã Ñandejára pene renói haguéicha peteĩ ñeha'arõrã añóme.

Filipoyguakuérape 2:9

Upéva rehe Tupã Ñandejára omoĩ ichupe yvateteve opavavégui ha ome'ẽ ichupe peteĩ téra oĩva opa téra ambue ári.

hebreoyguakuerape 1:3

Pe Tupã Ñandejára gloria ojehecha Ta'ýra rehe, ha ha'e niko peteĩchaite Tupã Ñandejára ndive ha pe iñe'ẽ pu'aka rupi oĩmba hendápe opaite mba'e. Ha'e ñane mopotĩ va'ekue ñande pecádogui, ha upéi oguapy yvágape Tupã Ñandejára akatúape.

hebreoyguakuerape 9:24

Cristo ndoikéi va'ekue pe tabernáculo yvypóra rembiapokuépe, pe añetetéva joguahápe, oike va'ekue yvagaitépe voi katu, upe ko'ãga oihápe Tupã Ñandejára renondépe ñande rehehápe.

Tiágo 4:4

¡Ha! peẽ tekove infiel. ¿Ndapeikuaái piko peẽ umi yvypóra reko rayhuhára Tupã Ñandejára enemigoha? Oimeraẽva oikoséva yvypóra reko rayhuhára ramo, oiko Tupã Ñandejára enemigo ramo.

1 Pédro 1:5

Ha Tupã Ñandejára ipu'aka rupi oñangareko pende rehe pejerovia rupi hese, pehupity haguã pe salvación ñembosako'i pyre ojehechauka vaerã pe ára pahápe.

1 Juan 3:12

Ha ani Caíncha, Aña mba'e va'ekue ha'e ha ojuka tyvýrape. ¿Ha mba'e rehe piko ojuka? Caín rembiapokue ivaígui, ha tyvýra rembiapokue iporãgui.

1 Juan 5:19

Jaikuaa Tupã Ñandejára mba'eha ñande ha ko mundo oĩmbaha Aña poguýpe.

Júdas 1:1

Che Judas, Jacobo ryvy, Jesucristo rembiguái, amoĩ ko'ã ñe'ẽ kuatia rehe umi oñehenói va'ekuépe guarã Tupã Ñandejára ñande Ru ohayhúva ha oñangarekóva hese kuéra Jesucristo mba'erã.

Júdas 1:24

Ha pe Tupã Ñandejára peteĩ añónteva, iñarandúva, pe ñande Salvador, ipu'akapa oñangareko haguã pende rehe ani haguã pe'a, ha pene moguahẽ haguã marã'ỹ rehe ha torypaitépe iglóriape. Gloria Tupã Ñandejárape, ñemomba'eguasu pu'aka ha autoridad, Ñandejára Jesucristo rupi, ko'ãga ha tapia guarã. Amén.

Apocalípsis 15:4

¿Mávapa ndokyhyjéi chéne nde hegui Ñandejára? ¿mávapa na ne momba'eguasúi chéne? Nde añoite niko ne marangatu, ha ou vaerã opa tetã nguéra ha ne momba'eguasu vaerã, ojehecha hague rehe ne rembiapo kuéra hekopeteha.

Apocalípsis 19:12

Pe hesa tata rendýicha, ha iñakã rehe oguereko heta corona, ha oguereko ojehe peteĩ téra ha'e mante oikuaáva.

Apocalípsis 4:8

Ha umi irundyvéva seis ipepo peteĩ teĩ, ha henyhẽte teságui okávo ha hyepývo; ha ára ha pyharépe he'i: Santo, santo, santo, Tupã Ñandejára ipu'akapáva, pe ha'e va'ekue voi, ha'éva, ha ou vaerã.