Juan 16:22 - Ñandeyara Ñe'ẽ

²² Upéicha avei, peẽ pene mba'embyasy peína ko'ãga, che pohecha jevývo katu pende py'apýpe pene renyhẽ vaerã vy'águi, peteĩ vy'a avave ikatu'ỹ vaerã oipe'a pende hegui.

Tûpâ Ñandeyára 1913

²² Upeicha avei peêcuera añeté coanga pene pya mbyasy peina, upegui Che pojecha yebyne ja uperamo pende pya rorŷ yebŷne, ja ndiporichene omboí vaerâ pendejegui pende rorŷjá.

Ñandejára Ñe’ẽ

²² Péicha avei peẽ, ko'ágã pehasa asy peína. Ágã che aju jey vove pohechávo katu, pene renyhẽta vy'águi ha avave ndaikatu mo'ã oipe'a pende hegui upéva.

Ñandejara Ñe’ẽ ✟

²² Péicha avei peẽ, ko'ágã pehasa asy peína. Ágã che aju jey vove pohechávo katu, pene renyhẽta vy'águi ha avave ndaikatu mo'ã oipe'a pende hegui upéva.

Ñanderuete Ñe’ẽ Porã 2015

²² Upéicha ojehu avei penendive ko’ág̃a, penemba’embyasypeína. Og̃uahẽta katuete pe ára aju jevytaha, upéramo pende py’apy henyhẽta vy’águi, ha avave ndaikatumo’ãi oipe’a jevy pendehegui.

Juan 16:22 Referencias Cruzadas

Matéo 28:8

Upérõ umi kuña oje'ói pe sepultúragui tagẽ pópe tuicha kyhyje ha vy'a reheve avei, ha oho hikuái ñaniháme omombe'u haguã umi hemimbo'e kuérape.

Lúcas 10:42

ha peteĩ mba'e añoite oĩ tekotevẽva. Ha María oiporavo upe iporãvéva ojepe'a'ỹ vaerã ichugui.

Lúcas 16:25

Abraham katu he'i ichupe: “Che ra'y, ne mandu'áke rereko hague mba'e porãita nde rekove pukukue, ha upeichaite avei Lázaro ohasa asy heta hague; ko'ãga katu ha'e oñemoangapyhy ko'ápe, ha nde rehasa asy reína.

Lúcas 19:26

Pe rey katu he'i: “Che ha'e peẽme upe oguerekóvape voi oñeme'ẽve va'erãha; pe oguereko'ỹvagui katu, upe michĩmí oguerekóva jepe, ojepe'a va'erãha ichugui.

Lúcas 24:41

Ha ndogueroviáigui gueteri ha'e kuéra ovy'águi ha ohecharamo etereígui, Jesús he'i ichupe kuéra: --¿Perekópa ko'ápe hi'upyrã?

Juan 14:1

‘Ani pejepy'apy. Pejerovia Tupã Ñandejára rehe ha pejerovia avei che rehe.

Juan 14:19

Nda hi'are mo'ãi ha yvypóra kuéra nda che recha mo'ãvéi; peẽ katu che recháta, che aikovégui ha peẽ peikovétagui avei.

Juan 14:27

‘Ahávo aheja peẽme py'aguapy. Ame'ẽ peẽme pe che py'aguapy, name'ẽi peẽme yvypóra kuéra ome'ẽ háicha. Ani pejepy'apy terã pekyhyje.

Juan 16:16

‘Nda hi'are mo'ãi peẽ nda che rechavéivo; uperiremínte katu che recha jevýta, che ahátagui che Ru rendápe.

Juan 16:20

Añetéko ha'e peẽme, peẽ pejahe'o ha pene mba'embyasy va'erãha, yvypóra kuéra katu ovy'a vaerã. Opáichavo, peẽ pene mba'embyasy ramo jepe, pe pene mba'embyasy hekovia vaerã vy'ápe.

Juan 16:6

Pene mba'embyasy eterei uvei che ha'e hague rehe peẽme ko'ã mba'e.

Juan 21:7

Upévo pe Jesús remimbo'e ha'e ohayhuetéva, he'i Pédrope: --¡Ñandejára Jesucristo niko! Ohendúvo Simón Pedro Ñandejára Jesucristoha, omonde ijao jo'aha (omboi ra'e), ha ojepoi pe ýpe.

Juan 4:14

pe hoy'úva pe ý che ame'ẽvagui ichupe katu máramo nda ijyuheivéima vaerã. Pe ý che ame'ẽva ichupe oikótagui peteĩ yvu opupu vaerã ipype tekove apyre'ỹ meve guarã.

Apostolkuéra 13:52

Umi Jesús rehe ojerovia va'ekue katu ovy'a eterei hikuái ha henyhẽ Espíritu Sántogui.

Apostolkuéra 16:25

Pe pyharepytévo katu Pablo ha Silas oñembo'e ha opurahéi jave hikuái Tupã Ñandejárape, ha umi preso ambue kuéra ohendu hikuái,

Apostolkuéra 2:46

Ha opa árape oĩ tupaópe oñondive peteĩ py'ápe, ha omboja'o pe pan hóga kuéra rupi, ha okaru oñondive torypa ha py'a porã reheve.

Apostolkuéra 5:41

Ha osẽ umi apóstol kuéra pe Concíliogui torypápe ija haguére ichupe kuéra ohasa asy Jesús réra rehe.

2 Corintoyguakuérape 6:10

Ore mba'embyasy ramo guáicha rovy'a tapia ramo jepe, ore poriahúvaicha, romomba'éta ramo jepe hetápe, ndoroguerekói ramo guáicha mba'eve, roguerekopa ramo jepe opa mba'e.

2 Tesalonicayguakuérape 2:16

Ñandejára Jesucristo ete voi, ha Tupã Ñandejára ñande Ru, upe ñande rayhúva ha ome'ẽ va'ekue ñandéve py'apytu'u tapia guarãva ha esperanza añeteguáva ipy'aporã rupi,

hebreoyguakuerape 10:34

Peẽ peiporiahuvereko va'ekue umi oĩ va'ekuépe cárcelpe, ha ojepe'a ramo jepe pende hegui umi pene mba'e teéva, pevy'ánte va'ekue avei, peikuaágui perekoha peteĩ pene mba'erã iporãitevéva ha tapia guarãva.

hebreoyguakuerape 6:18

Ha upéicha, oĩ mokõi mba'e ikatu'ỹva oñemoambue, ohechauka haguã Tupã Ñandejára ndaikatuiha ijapu, ha umi mba'e rupi ñande py'apytu'u haguã ñande ñaguahẽ va'ekue ñañemomba'e haguã upe esperanza rehe.

1 Pédro 1:8

Peẽ niko pehayhu Jesucrístope pehecha'ỹ rehe ichupe, ha pejerovia hese ndapehechái ramo jepe ichupe ko'ãga. Ha upéicharamo jepe pereko peteĩ vy'a tuicháva ikatu'ỹva ja'epa ñane ñe'ẽme,