Juan 15:4 - Ñandeyara Ñe'ẽ

⁴ Pepytákena juajuhápe che rehe, che ajuaju háicha pende rehe. Pe hakãngue ha'eño rei ndaikatúi hi'a oĩ'ỹ ramo pe imáta rehe; upéicha avei peẽ ndaikatúi pende'a pejuaju'ỹ ramo che rehe.

Tûpâ Ñandeyára 1913

⁴ Pepytá peê Che pype, ja tapyta Che pende pype. Pe jâcâ icatu ŷ jaicha jiá oyejegui voínte, opyta ŷ ramo oyueje pe parral reje, upeicha avei peê ndicatui, pepyta ŷ ramo oyueje Che pype.

Ñandejára Ñe’ẽ

⁴ Pejoajuke che rehe, che ajoajuháicha pende rehe. Peteĩ yvyra rakã niko ndahi'ái ha'eño ndojoajúi ramo imátare. Péicha avei peẽ, ndaikatúi pejapo mba'eve ndapejoajúi ramo che rehe.

Ñandejara Ñe’ẽ ✟

⁴ Pejoajuke che rehe, che ajoajuháicha pende rehe. Peteĩ yvyra rakã niko ndahi'ái ha'eño ndojoajúi ramo imátare. Péicha avei peẽ, ndaikatúi pejapo mba'eve ndapejoajúi ramo che rehe.

Ñanderuete Ñe’ẽ Porã 2015

⁴ Pepyta chepype, upérõ che apytáta avei pendepype. Pe parral rakã ndaikatúi hi’a ijehegui rei, oĩ’ỹ ramo pe parral máta rehe, upéicha avei peẽ ndaikatúi pejapo mba’eve iporãva napeiméirõ chepype.

Juan 15:4 Referencias Cruzadas

Matéo 12:33

‘Pe yvyra máta iporã ramo hi'a porã vaerã, ha ivai ramo katu, hi'a vai vaerã. Pe yvyra máta ojekuaa mba'eichaguápa hi'a rehe.

Lúcas 8:15

Pe ho'a va'ekue yvy porãháme katu umi ohendúva pe ñe'ẽ ha py'aporã ha py'apeteĩ reheve oñongatu pe ohendu va'ekue, ha hi'a porã ohasa asy ramo jepe.

Juan 14:20

Upeha árape peẽ pehechakuaáta che aimeha che Rúpe, ha peẽ peimeha che pype ha che aimeha pende pype.

Juan 17:23

Che ipype kuéra ha nde che pype, peteĩeténte haguã ha'ekuéra, ha upéicha ikatu haguã yvypóra kuéra ohechakuaa nde che mbou hague, ha nde rehayhuha ichupe kuéra chéve che rayhu haichaite.

Juan 6:56

Pe ho'úva che rete ha omboy'úva che ruguy, oĩ chendive, ha che hendive.

Juan 8:31

Upéramo Jesús he'i umi Israelita hese ojerovia va'ekuépe: --Peẽ pepyta hatã ramo pe ha'éva peẽmepe, peikóta añetehápe che remimbo'e ramo;

Apostolkuéra 11:23

Ha oguahẽvo Bernabé ohecha mba'éichapa Tupã Ñandejára ohovasa ra'e ichupe kuéra, ha ovy'a eterei, ha oñemoñe'ẽ opavave ichupe kuérape oñembopy'a peteĩ mbarete haguã Ñandejára ndive.

Apostolkuéra 14:22

Ha omombarete umi Jesús rehe ojerovia va'ekuépe, ha oñemoñe'ẽ ichupe kuéra opyta hatã haguã pe ijeroviápe, ha he'i ichupe kuéra jahasa asy heta raẽ va'erãha jaike mboyve Tupã Ñandejára réinope.

2 Corintoyguakuérape 13:5

Pejepy'amongetána pende jupe voi, jahecha peime hatãpa pe pende jeroviápe, pejepy'amongetána pende jupe. ¿Ndapejekuaái piko pende jupe voi Jesucristo oiha pende pype, ndaha'éi ramo pejerovia gua'únteva?

Galaciayguakuérape 2:20

Che amano va'ekue kurusu rehe Cristo ndive, ha upéva rehe nda che véima pe aikovéva, Crístontema pe oikovéva che pype. Ko che rekove ko'ãgagua aroikove ajerovia rupi Tupã Ñandejára Ra'y rehe, pe che rayhu ha omano va'ekue che rehe.

Efesoyguakuérape 3:17

Ajerure toiko Cristo pene corazõme, pejerovia rupi hese ha peẽ ta peñembohapo ha ta peime hatã imborayhúpe;

Filipoyguakuérape 1:11

ta pene renyhẽ Jesucristo rupi pe teko marangatu rehegua mba'e porãitágui omomba'eguasu vaerã Tupã Ñandejárape.

Colosayguakuérape 1:23

Ha upevarã tekotevẽ pepyta hatã pe jeroviápe, peñembohapo ha ani pemýi pe peha'arõvagui pe ñe'ẽ salvación rehegua pehendu va'ekue rupi. Upéva upe ñe'ẽ niko pe evangelio oñemoherakuã va'ekue opaite henda rupi ko yvy ári, ha che, Pablo, amoherakuãva.

Colosayguakuérape 1:27

Ichupe kuéra Tupã Ñandejára oikuaauka mba'épa umi mba'etaite Israelita'ỹva peguarã. Pe mba'e ojekuaa'ỹ va'ekue niko kóva: Cristo pende pype ha'e voi ha'e pe gloria peha'arõva.

Colosayguakuérape 2:6

Upéva rehe, peẽ perecibi haguéicha Ñandejára Jesucrístope, upéicha avei peiko vaerã ñemopeteĩme hendive,

1 Tesalonicayguakuérape 3:5

Upéva rehe che, ndaikatuvéiguima aha'arõ, amondo aikuaa haguã mba'éichapa peiko pende jeroviápe, oime ramo guarã Aña pene py'a ra'ã ha opyta rei pe ore rembiapokue.

hebreoyguakuerape 10:39

Ñande kuéra katu ndaha'éi umi ojevýva ñehundirã rehegua, umi ojeroviáva reheguánte uvei katu salvacionrã.

1 Juan 2:6

Pe he'íva ipeteĩha Tupã Ñandejára ndive oiko vaerã pe Jesucristo oiko haguéicha.

2 Juan 1:9

Pe ndopytáiva upe Cristo voi ombo'e va'ekuépe, ohasáva uvei amongotyove, ndoguerekói Tupã Ñandejárape hekovépe; pe opytáva pe Cristo ombo'e va'ekuépe katu, oguereko Tupã Ñandejárape Túva ramo ha oguereko avei pe Tupã Ñandejára Ra'ýpe.