Juan 15:2 - Ñandeyara Ñe'ẽ

² Ha'e oikytĩ oimeraẽva che rakã kuéra hi'a'ỹva, umi hakã hi'áva katu ohakã'o ha omopotĩ hi'a porãve haguã.

Tûpâ Ñandeyára 1913

² Oime ramo jâcâ Che rejeguáva jiá ŷ va guive Jae oipea ichupe, ja umi jâcâ jiá pôrâva guive Jae omopôtí jiá pôrâvé jaguâ.

Ñandejára Ñe’ẽ

² Peteĩva umi che rakã ndahi'ái ramo, ha'e oikytĩ. Hi'a ramo katu oikytĩ oikotevẽháme ha omopotĩ, hi'a hetave haguã.

Ñandejara Ñe’ẽ ✟

² Peteĩva umi che rakã ndahi'ái ramo, ha'e oikytĩ. Hi'a ramo katu oikytĩ oikotevẽháme ha omopotĩ, hi'a hetave haguã.

Ñanderuete Ñe’ẽ Porã 2015

² Ha’e ningo ohakã’o opaite parral rakã hi’a’ỹva, ha opaite che rakã hi’áva Ha’e oikytĩ ha omopotĩ hi’ave hag̃ua.

Juan 15:2 Referencias Cruzadas

Matéo 13:12

Upe oguerekóvape oñeme'ẽve vaerã ha oguereko heta vaerã, upe oguereko'ỹvagui katu, ojepe'a vaerã pe michĩmí oguerekóva jepe.

Matéo 13:33

Jesús omombe'uve ichupe kuéra ko caso he'ívo: --Pe reino yvága pegua niko ojogua ku levadúrape peteĩ kuña ombojehe'a va'ekue mbohapy aty harína rehe ombovupa peve.

Matéo 15:13

Jesús katu he'i ichupe kuéra: --Oimeraẽva ka'avo che ru yvága pegua oñotỹ'ỹ va'ekue hapo guive oñemondoro vaerã.

Matéo 21:19

Ha ohecha peteĩ higo máta tape yképe, oñemboja hese ha ndojuhúi mba'eve pe higo máta rehe hogue mante. Upérõ Jesús he'i pe higo mátape: --¡Máramoke anive nde'a! Ha upevovete pe higo máta ipirupa.

Matéo 25:29

Upe oguerekóvape, oñeme'ẽve vaerã, ha hembypa vaerã ichupe; pe oguereko'ỹvagui katu, ojepe'a vaerã pe michĩmí oguerekóva jepe.

Matéo 3:10

Hácha oĩma yvyra máta rapo rehe, ha opa yvyra máta hi'a porã'ỹva guive oñekytĩ ha oñemombóta tatápe.

Matéo 3:12

Oguerekóma ipópe ikóga mboyvytuha omopotĩ haguã pe trigo ha oipe'a haguã ijapytégui kapi'i. Ombyatýta pe trigo iñongatuhápe, pe kapi'i katu ohapýta tata máramo ogue'ỹvape.

Matéo 7:19

Opa yvyra ndahi'a porãiva oñekytĩ ha oñemombo tatápe.

Márcos 4:20

Ha ko'ãva katu hína umi oñeñotỹ va'ekue yvy porãháme: umi ohendúva pe ñe'ẽ ha oñemomba'éva hese, ha hi'áva treinta, ha ambue sesenta ha cien peteĩgui.

Lúcas 8:13

Umi itatýpe ho'a va'ekue niko umi ohendúva pe ñe'ẽ ha ogueroviáva torypápe; ha upéicharamo jepe, nda hapo pypukúiri, oguerovia sapy'ánte, ha ojepy'ara'ã vove katu oñemomombyry.

Juan 15:1

‘Che ha'e ku parral mataetéicha, ha che Ru katu pe parral máta ñangarekoháraicha.

Juan 15:16

Na peẽi che poravo chéve, che poiporavo va'ekue peẽme, ha pomoĩ pende'a porã haguã, ha tahi'are pe pende'a. Ha upéicharamo che Ru ome'ẽ vaerã peẽme opa pejeruréva ichupe che rérape.

Juan 15:3

Peẽ pene potĩma pe che pombo'e va'ekue rupi.

Juan 15:6

Pe ojuaju'ỹva che rehe, oñemombo vaerã umi hakãngue ipirúvaicha ha oñembyatýva ha ojehapýva tatápe.

Juan 15:8

Pe ombohéra guasúva che Rúpe niko pe peẽ ta pende'a heta ha upéicha tapeiko añetehápe che remimbo'e ramo.

Juan 17:12

Che aime ramo hendive kuéra ko yvy ári niko añangareko va'ekue nde rérape umi reme'ẽ va'ekue chéve rehe, ha aipytyvõ va'ekue ichupe kuéra. Ha mavavéva ha'e kuérava noñehundíri, upe oñehundi vaerã mante, he'ígui pe Ñandejára Kuatiañe'ẽme upéicha vaerã hague.

Romayguakuérape 11:17

Oime Israelita kuérava, pe olivo rakãicha oñekytĩ va'ekue, ha hendaguépe reñemoheñói nde rejogua va'ekue olivo ka'aguýpe. Ha upéicha rehupity avei nde pe olivo rapo ha hykuere porãite.

Romayguakuérape 11:22

Ema'ẽke aipóramo mba'éichapa Tupã Ñandejára ipy'aporã, opáichavo, ipochy avei. Ipochy va'ekue umi ho'a va'ekue ndive, nendive katu imba'eporã. Opáichavo, rejerovia tapia vaerã pe ipy'aporã rehe; upeicha'ỹ ramo, nde avei reñekytĩ vaerã.

Romayguakuérape 8:28

Jaikuaa Tupã Ñandejára opa mba'e ombohapeha iporãvarã umi ichupe ohayhúvape, umi ha'e ohenói va'ekuépe ojapose haguéicha.

1 Corintoyguakuérape 13:1

Añe'ẽ ramo jepe kuimba'e ha ángel kuéra ñe'ẽme, ha ndaporohayhúi ramo, mba'e pararã terã platillo tintín rei che.

Títope 2:14

Ha'e ome'ẽ va'ekue hekove ñande rayhupápe, ñande pe'a haguã opa mba'e ivaívagui ha ñane mopotĩ haguã imba'e teerã, hakate'ỹva tembiapo porã rehe.

hebreoyguakuerape 12:15

Peñeñangarekókena anítei oime ohupity'ỹva pe pytyvõ Tupã Ñandejára oikuave'ẽva ñandéve, ha anítei avave peẽ kuérava ipy'aro hapicha ndive ha ombyai hetápe.

1 Juan 2:19

Ha'e kuéra osẽ va'ekue ñande apytégui; upéicharamo jepe ndaha'éi va'ekue ñande rehegua, ñande rehegua rire na ñande rejái vaerã mo'ã. Upéicha ojehu ojehechakuaa porã haguã nda opavavéi ñande reheguaha.

Apocalípsis 3:19

Che amongavaju ha acastiga opa umi ahayhúvape. Eñembopy'a kyre'ỹ, aipóramo, ha eñearrepenti.