Juan 15:16 - Ñandeyara Ñe'ẽ

¹⁶ Na peẽi che poravo chéve, che poiporavo va'ekue peẽme, ha pomoĩ pende'a porã haguã, ha tahi'are pe pende'a. Ha upéicharamo che Ru ome'ẽ vaerã peẽme opa pejeruréva ichupe che rérape.

Tûpâ Ñandeyára 1913

¹⁶ Ndajaei rae peê Che poravó vaecue Cheve, Che catu poiporavó vaecue peême, ja pomoingo vaecue peême pejo jaguâ ja pendeá jaguâ pendeá opyta pôrâ vaerâ, icatu jaguâ opa peê peyerure jaichagua pe Túvape Che rérape Jae omeê peême.

Ñandejára Ñe’ẽ

¹⁶ Chéve, peẽ nda che poravói vaekue, che uvei poiporavo vaekue peẽme. Che pomondo pejapo haguã heta mba'e, mba'e opa rei'ỹva. Péicha, che Ru ome'ẽta peẽme opa mba'e chupe pejeruréva che rérape.

Ñandejara Ñe’ẽ ✟

¹⁶ Chéve, peẽ nda che poravói vaekue, che uvei poiporavo vaekue peẽme. Che pomondo pejapo haguã heta mba'e, mba'e opa rei'ỹva. Péicha, che Ru ome'ẽta peẽme opa mba'e chupe pejeruréva che rérape.

Ñanderuete Ñe’ẽ Porã 2015

¹⁶ Peẽ ndacheporavói chéve, Che voi ningo poiporavova’ekue peẽme, ha Che pomondo peẽ pende’a hag̃ua, ha pende a opyta hag̃ua oñehundi’ỹre. Ha opaite mba’e peẽ pejeruréva Ñanderuetépe che rérape, Ha’e katuete ome’ẽta peẽme.

Juan 15:16 Referencias Cruzadas

Matéo 21:22

Ha opa mba'e peẽ pejeruréva pene ñembo'e rupi pejerovia ramo, pehupity vaerã.

Matéo 7:7

‘Pejerure ha oñeme'ẽ vaerã peẽme: peheka ha pejuhu vaerã, pembota okẽme ha ojepe'a vaerã peẽme.

Lúcas 6:13

Ha ko'ẽ rire ohenói hemimbo'e kuérape, ha oiporavo ijapytégui kuéra doce ha umívape ombohéra apóstoles.

Juan 13:18

‘Nañe'ẽi aína opavave peẽ kuérava rehe; che aikuaa mávapa umi aiporavo va'ekue. Opáichavo, oiko vaerã pe Tupã Ñandejára Kuatiañe'ẽ he'íva: “Pe chendive okarúva, opu'ã che rehe.”

Juan 15:19

Peẽ yvypóra kuéra reheguáva rire, ha'e kuéra pende rayhu vaerã mo'ã ohayhu háicha umi imba'e kuéravape. Che poiporavo va'ekue ijapytégui kuéra, ha upéva rehe yvypóra kuéra nda ija'éi pende rehe ndaha'evéiguima imba'e kuéra.

Juan 15:5

‘Che ha'e pe parral máta, ha peẽ katu che rakã kuéra. Pe ojuajúva che rehe, ha che hese, upéva hi'a porã; peẽ ndaikatúi pejapo mba'eve che rehe'ỹ.

Juan 6:70

Jesús he'i ichupe: --¿Ndapoiporavói piko ra'e che peẽ docevépe? Ha upéicharamo jepe peteĩ peẽva mba'epochy.

Apostolkuéra 1:24

Ha oñembo'e hikuái ha he'i: --Ore Jára, nde reikuaáva opavave py'apy, ehechauka oréve mávapepa reiporavo ko'ã mokõigui,

Apostolkuéra 1:8

opáichavo, ou rire pe Espíritu Santo pende ári, perekóta pu'aka, ha pesẽta pechemoherakuã haguã Jerusalénpe, ha Judéape opaite henda rupi, ha Samáriape, ha ko yvy pahaite peve.

Apostolkuéra 10:41

Ndojechaukái opavavépe, oréve añónte, Tupã Ñandejára ore poravo va'ekuépe ymaite guive mba'e rechaharã ramo. Ore rokaru ha roy'u va'ekue hendive oikove jevy rire omanóva apytégui.

Apostolkuéra 22:14

Ha he'i chéve: “Ñande ru kuéra ypykue Tupã Ñandejára nde poravo ymaite guive reikuaa haguã hembipota, ha rehecha haguã pe Imarangatúvape ha rehendu haguã ijuru etégui voi iñe'ẽ.

Apostolkuéra 9:15

Ñandejára katu he'i ichupe: --Tereho katu, kóva ko che rembiporavo omoherakuã vaerã che réra tetã ambueguápe, ha mburuvicha guasu kuérape, ha Israel ra'y kuérape.

Romayguakuérape 1:13

Che ryvy kuéra, aipota peikuaa heta jevy ahase hague pohechávo, opáichavo, ko'ãga peve ndaikatúi. Ahase niko areko haguã pende apytépe avei che remiñotỹngue'a areko haguéicha ambue tetã nguéra apytépe.

Romayguakuérape 1:5

Jesucristo rupi Tupã Ñandejára ohupityka oréve imborayhu ojapo haguã ore hegui apóstol, ikatu haguã opa tetãme oĩ ogueroviáva ha iñe'ẽrendúva.

Romayguakuérape 15:4

Opa umi oje'e va'ekue yma Tupã Ñandejára Kuatiañe'ẽme oñemoĩ va'ekue ñane mbo'e haguã, jajeroviakuaa haguã pe paciencia ha angapyhy ipype jajuhúva rupi.

Romayguakuérape 9:21

Pe tuju rehe omba'apóva ikatu ojapo pe tujúgui pe ha'e ojaposéva; ikatu ojapo peteĩ olla ojeporu porã vaerã, ha ambue katu ojerereko haguã mba'evéramo.

1 Corintoyguakuérape 10:11

Ha ko'ã mba'e ojehu va'ekue ñande ypy kuérape, techaukaha ramo ñandéve ha oñemoĩ Kuatiañe'ẽ Marangatúpe ñane momarandu haguã ñande jahupitývape ko'ã ára paha.

Galaciayguakuérape 1:15

Tupã Ñandejára katu che poravo va'ekue yma che anace mboyve, ha imborayhu tuichaite rupi che renói va'ekue.

Efesoyguakuérape 2:10

Tupã Ñandejára niko ñande apohare; ha ñande apo va'ekue ñane mopeteĩvo Cristo Jesús ndive ñañemohembiapo haguã tembiapo porãme ha'e voi ombosako'íma ja'ekue jajapo haguã.

Colosayguakuérape 1:23

Ha upevarã tekotevẽ pepyta hatã pe jeroviápe, peñembohapo ha ani pemýi pe peha'arõvagui pe ñe'ẽ salvación rehegua pehendu va'ekue rupi. Upéva upe ñe'ẽ niko pe evangelio oñemoherakuã va'ekue opaite henda rupi ko yvy ári, ha che, Pablo, amoherakuãva.

Colosayguakuérape 1:6

Upe ñe'ẽ niko oñemoherakuã va'ekue peẽme, ha opárupi ko yvy jerekuévo okakuaa ha hetave ohóvo, upe ojehu haguéicha pende apytépe pehendu ha peikuaa guive pe Tupã Ñandejára mborayhu añetegua.

1 Timotéope 2:7

Upevarã che añemoĩ va'ekue ñemoñe'ẽhára ha Apóstol ramo, ambo'e haguã upe jerovia ha añetegua rehe umi Israelita'ỹvape. Añeteguánte ha'e ajeroviágui Cristo rehe, ha nda che japúi.

2 Timotéope 1:11

Tupã Ñandejára che moĩ va'ekue añemoñe'ẽ haguã ko ñe'ẽ rehe, ha che mondo apóstol ramo ambo'e haguã umi Israelita'ỹvape.

2 Timotéope 2:2

Upe rehendu va'ekue che hegui heta rovake, eikuaauka kuimba'e kuérape ikatu vaerã rehe jajerovia ombo'ekuaa vaerã hapicha kuérape.

Títope 1:5

Roheja va'ekue pe isla Creta héravape rejapopa haguã hekopete pe tekotevẽva ha remoĩ haguã mbo'ehára kuéra umi puebloha rupi, upe ha'e haguéicha ndéve.

hebreoyguakuerape 11:4

Ojerovia rupi Abel oikuave'ẽ va'ekue Tupã Ñandejárape peteĩ sacrificio iporãvéva upe Caín oikuave'ẽ va'ekuégui, ha upéva rehe Tupã Ñandejára he'i hese imarangatuha ha oguerohory upe oikuave'ẽ va'ekue. Ha Abel omanóma ramo jepe, oiko gueteri mandu'a hese upe fe oguereko va'ekue rupi.

Tiágo 3:18

Ha umi oñeha'ãva ojeiko porã haguã rehe, oñemitỹ py'aguapýpe omono'õ haguã tekove hekopeteguáva.

1 Pédro 3:15

pemomba'eguasu uvei Cristo pende Járape pende py'aite guive. Peime tapiákena pemombe'u haguãicha oñeporandu ramo peẽme mba'épa pe esperanza perekóva rehe, ha pemombe'u vaerã pejejapo'ỹ rehe ha peporoapo vaerã mba'éramo.

1 Pédro 3:2

ohechávo pe heko johéi pyre ha oporoapoha mba'éramo.

1 Juan 4:10

Kóva niko hína pe mborayhu: ndaha'éi ñande jahayhu va'ekue Tupã Ñandejárape, ha'e uvei ñande rayhu ñandéve ha ombou va'ekue Ta'ýrape omano ha oipe'a haguã ñande pecado.

1 Juan 4:19

Ñande niko jahayhu Tupã Ñandejárape ha'e raẽ ñande rayhúgui.