Juan 14:4 - Ñandeyara Ñe'ẽ

⁴ Peẽ niko peikuaa mamópa che aháta, ha peikuaa pe tape.

Tûpâ Ñandeyára 1913

⁴ Peê peicuaa voi pe tapé pejo jaguâ upe Che aja jaguâme.

Ñandejára Ñe’ẽ

⁴ Peẽ peikuaa pe tape ogueraháva che ahatahápe.

Ñandejara Ñe’ẽ ✟

⁴ Peẽ peikuaa pe tape ogueraháva che ahatahápe.

Ñanderuete Ñe’ẽ Porã 2015

⁴ Peẽ ningo peikuaa voi moõpa Che aháta, ha peikuaa avei pe tape.

Juan 14:4 Referencias Cruzadas

Lúcas 24:26

¿Na tekotevẽi piko ra'e pe Cristo upéicha ohasa asy raẽ ha upéi oike haguã iglóriape?

Juan 10:9

Che ha'e pe okẽ; pe che rupi oikéva, ojesalva vaerã. Ha ha'e vaerã ku ovecháicha oike ha osẽva korágui ha ojuhúva hembi'urã.

Juan 12:26

Oime ramo che serviséva, tou che rapykuéri, ha mamo che aimehápe, upépe oĩ vaerã avei upe che servíva. Oime ramo che servíva, upévape che Ru omomba'eguasu vaerã.

Juan 14:2

Che Ru rógape oĩ heta rendaguã, upeicha'ỹ rire, che ha'éma vaerã mo'ã peẽme. Upéicharamo, aháta ambosako'i pene rendaguã.

Juan 14:28

Peẽ niko che rendúma kuri ha'e ramo ahataha, ha aju jevytaha aime jevy haguã penendive. Peẽ che rayhu rire añete, pevy'a vaerã mo'ã peikuaávo ahataha che Ru rendápe, ha'e mba'eguasuvégui che hegui.

Juan 14:3

Ha aha ha ambosako'i rire pene rendaguã aju jevýta pogueraha haguã chendive, upéicharamo peẽ peiméta pe che aimetahapete.

Juan 14:5

Tomás he'i ichupe: --Ore Jára, ndoroikuaái niko mamópa rehóta, ¿mba'éicha piko roikuaáta pe tape?

Juan 16:28

Che asẽ va'ekue che Rúgui ha aju ko yvy ári, ha ko'ãga aheja ko mundo ha aha jevýta che Ru rendápe.

Juan 3:36

Pe ojeroviáva pe Ta'ýra rehe oguerekóma pe tekove tapia guarãva; pe ojeroviase'ỹva pe Ta'ýra rehe katu, ndoguereko mo'ãi upe tekove, ohupity vaerã uvei pe Tupã Ñandejára castigo ipohyietéva.

Juan 6:40

Pe che mbou va'ekue rembipota niko kóva, opa umi oma'ẽva guive pe Ta'ýra rehe ha ojeroviáva hese, toikove tapia guarã; ha che amoingove jevýta pe ára pahápe.