Juan 14:27 - Ñandeyara Ñe'ẽ

²⁷ ‘Ahávo aheja peẽme py'aguapy. Ame'ẽ peẽme pe che py'aguapy, name'ẽi peẽme yvypóra kuéra ome'ẽ háicha. Ani pejepy'apy terã pekyhyje.

Tûpâ Ñandeyára 1913

²⁷ Tajeya peême pe teco pyáguapŷjá. Co Che reco pyáguapŷjá ameê peême. Ja nameêvái Che umi ybypóra reí omeê jaicha. Ani peyepyapŷ, ja ani pende pyámîrî.

Ñandejára Ñe’ẽ

²⁷ Py'a guapy aheja peẽme. Py'a guapy che arekóva ame'ẽ peẽme, ha name'ẽi oimeraẽva ome'ẽháicha. Ani pekyhyje térã pejepy'apy.

Ñandejara Ñe’ẽ ✟

²⁷ Py'a guapy aheja peẽme. Py'a guapy che arekóva ame'ẽ peẽme, ha name'ẽi oimeraẽva ome'ẽháicha. Ani pekyhyje térã pejepy'apy.

Ñanderuete Ñe’ẽ Porã 2015

²⁷ Pe py’aguapy ame’ẽta peẽme, che py’aguapy añeteguáva ningo, ndaha’éinte pe py’aguapy yvyarigua ome’ẽva, upévare anítei peñemondýi ni peneangekõitei.

Juan 14:27 Referencias Cruzadas

Matéo 10:26

‘Upéva rehe ani pekyhyje ichugui kuéra. Ndaipóri mba'eve ñemihamegua ojechauka'ỹ vaerã, ha ndaipóri oñemíva ojekuaa'ỹ vaerã.

Lúcas 1:79

ohesape haguã umi pytũnguýpe ha ñemano ãme oikóvape; ñane mboguata haguã py'aguapy rape rupi.

Lúcas 10:5

Peguahẽvo peteĩ ógape, peje raẽ: “Ta ipy'aguapy ko óga pegua kuéra.”

Lúcas 12:4

‘Peẽ che rembiayhupára kuérape katu ha'e: Ani pekyhyje umi tete ojukávagui, ha uperire mba'evéma ndaikatúi ojapove.

Lúcas 2:14

¡Toñemomba'eguasu Tupã Ñandejárape, oĩva yvága ijyvatetehápe, ha yvypóra kuéra toiko porãmba oñondive, Ñandejára py'aporã rupi!

Juan 14:1

‘Ani pejepy'apy. Pejerovia Tupã Ñandejára rehe ha pejerovia avei che rehe.

Juan 16:33

Ha'éko peẽme opa ko'ã mba'e pende py'aguapy haguã pejerovia rupi che rehe. Peẽ peiko asy vaerã ko yvy ári, opáichavo, ani pekyhyje, che che pu'aka va'ekue ko mundo rehe ha amoĩ va'ekue ko mundo che poguýpe.

Juan 20:19

Upeha árape, pe semana ñepyrũha ára pyharépe, Jesús remimbo'e kuéra oĩmba oñondive ha ombotypa hikuái okẽ okyhyjégui Israelita kuéragui. Ha Jesús oguahẽ ha oñemoĩ mbytépe kuéra ha omomaitei ichupe kuéra he'ívo: --Ta pende py'aguapy joaite.

Juan 20:21

Upéi Jesús he'i jevy ichupe kuéra: --Ta pende py'aguapy joaite. Che Ru che mbou haguéicha chéve, upéicha che pomondo peẽme.

Juan 20:26

Uperire ocho días haguépe, Jesús remimbo'e kuéra oñembyaty jevy pyahu peteĩ ógape, ha upéramo Tomás oĩ hendive kuéra. Ha umi okẽ oñemboty ramo jepe, Jesús oguahẽ ha oñemoĩ mbytépe kuéra ha omomaitei ichupe kuéra he'ívo: --Ta pende py'aguapy joaite.

Apostolkuéra 10:36

Tupã Ñandejára omondo va'ekue iñe'ẽ Israel ra'y kuérape, omoherakuãukávo py'aguapy rehegua ñe'ẽ Jesucristo rupi, upe ha'éva opavave Ruvicha.

Apostolkuéra 18:9

Peteĩ pyharépe katu Ñandejára he'i Páblope peteĩ visión rupi: --Ani rekyhyje; eñe'ẽ meme uvei ha ani rekirirĩ.

Romayguakuérape 1:7

Amoĩ kuatia rehe opa peẽ peiméva peguarã Rómape, Tupã Ñandejára ohayhúva ha ohenói va'ekue pende reko marangatu haguã ichupe. Tupã ñande Ru ha Ñandejára Jesucristo ta pende rovasa ha ta pene mbopy'aguapy.

Romayguakuérape 15:13

Tupã Ñandejára ñane moesperánzava, ta pene myenyhẽ vy'a ha py'aguapýgui pejeroviávo hese, pene renyhẽ chovi haguã esperanzagui Espíritu Santo pu'aka rupi.

Romayguakuérape 5:1

Upéicha rupi, jajerereko rire heko potĩva ramo jajerovia rupi ñande py'aguapy Tupã Ñandejára ndive Ñandejára Jesucristo rupi.

Romayguakuérape 5:10

Pe ndajahayhúi ramo gueteri ichupe, Tupã Ñandejára ñane moingo porã va'ekue ondive Ta'ýra mano rupi, ko'ãgama katu niko hekove rupi jajesalva vaerã ñande ñaime porãpype hendive.

Romayguakuérape 8:6

Pe jepy'amongeta yvypóra reko rehegua rehe ogueru mano; pe Espíritu reko rehegua rehe katu ñane moingove ha ñane mbopy'aguapy.

1 Corintoyguakuérape 1:3

Tupã Ñandejára ñande Ru, ha Ñandejára Jesucristo, ta pende rovasa ha ta pene mbopy'aguapy.

Galaciayguakuérape 1:3

Tupã Ñandejárape Túva, ha Ñandejára Jesucristo, ta pende rovasa ha tome'ẽ peẽme py'aguapy.

Galaciayguakuérape 5:22

Pe Espíritugui katu ou mborayhu, vy'a, py'aguapy, paciencia, py'aporã, mba'eporã, jeroviaha,

Galaciayguakuérape 6:16

Py'aguapy ha poriahuvereko toĩ opa umi kóicha oikóva ndive ha opa umi Israel retã Tupã Ñandejára reheguáva ndive.

Filipoyguakuérape 4:7

Ha Tupã Ñandejára pene mbopy'aguapy vaerã ha upéva tuichave opa mba'e ikatu va'erãgui yvypóra oikuaa. Ha upe py'aguapy oñangareko vaerã pene corazõ ha pene pensamiento rehe Cristo Jesús rupi.

Colosayguakuérape 1:2

ajapo ko kuatiañe'ẽ che ryvy kuéra Colosa peguápe, Tupã Ñandejára mba'éva ha ojeroviáva Cristo rehe. Tupã Ñandejára ñande Ru ta pende rovasa ha tome'ẽ peẽme py'aguapy.

Colosayguakuérape 1:20

Tupã Ñandejára omoingo porãségui avei ondive Cristo rupi, opaite mba'e, yvága ha yvy jerekuévo, taha'e oĩva yvy ári terã yvágape, oporomoingo porã jevývo Cristo ruguy rupi kurusu rehe oñeñohẽ va'ekue.

Colosayguakuérape 3:15

Ha pe Tupã Ñandejára py'aguapy toĩ pene corazõme, upevarã voi niko Tupã Ñandejára pene renói va'ekue ojapo haguã pende hegui peteĩ tete añó. Ha peme'ẽ las gracias Tupã Ñandejárape.

2 Tesalonicayguakuérape 1:2

Tupã Ñandejára ñande Ru ha Ñandejára Jesucristo ta pene mbopy'aguapy ha ta pende rovasa.

2 Tesalonicayguakuérape 3:16

Pe Ñandejára ete voi oporombopy'aguapýva, ta pene mbopy'aguapy tapia opáichavo. Ñandejára toĩ penendive kuéra.

2 Timotéope 1:7

Tupã Ñandejára niko nome'ẽi ñandéve py'amirĩ, ome'ẽ uvei ñandéve pu'aka, mborayhu ha jererekokuaa.

hebreoyguakuerape 13:20

Tupã Ñandejára oporombopy'aguapýva, upe omoingove jevy va'ekue omanóva apytégui Ñandejára Jesucrístope, pe ovecha kuéra rerekua guasu, pe tuguy omoañete va'ekue rupi pe pacto tapia guarãva,

hebreoyguakuerape 7:2

ha Abraham ome'ẽ va'ekue ichupe diezmo opa mba'égui. Pe Melquisedec réra niko he'ise “rey marangatu”; ha avei rey Salem pegua he'iséva “rey oporombopy'aguapýva”.

Apocalípsis 1:4

Che, Juan, amoĩ ko'ã ñe'ẽ kuatia rehe umi siete iglésia oĩva Ásiape. Tupã Ñandejárape ha'éva, ha'e va'ekue voi, ha ou vaerã, ha umi siete espíritu oĩva itrono renondépe, ha Jesucristo, pe testigo fiel, mborayhu ha py'aguapy toĩ penendive. Jesucristo niko pe oikove jevy va'ekue tenonderã omanóva apytégui, yvy arigua mburuvicha guasu kuéra Ruvicha. Ha'e ñande rayhu ha ñane mopotĩ va'ekue ñande pecado kuéragui huguýpe,

Apocalípsis 2:10

Ani rekyhyje pe rehasa asýtavagui; Aña oitýta cárcelpe peẽ kuéravape pejepy'ara'ã haguã, ha pehasa asýta diez días pukukue. Ejeroviáke remano meve, ha che ame'ẽta ndéve pe tekovete rehegua premio.

Apocalípsis 21:8

Umi ipy'amirĩva, umi oguerovia'ỹva, umi heko ky'áva, umi oporojukáva, umi ojoguerekóva menda'ỹ rehe, umi paje apoha, umi omomba'eguasúva ta'anga, ha opa umi ijapúvape katu, oñemondo vaerã pe lago hendývape tata ha azúfrepe, upéva ha'e pe mano mokõiha.