Juan 14:17 - Ñandeyara Ñe'ẽ

¹⁷ Yvypóra kuéra ndaikatúi orecibi ichupe ndaikatúigui ohecha terã oikuaa ichupe; peẽ katu peikuaáma ichupe oikógui penendive ha opytátagui pende pype tapia guarã.

Tûpâ Ñandeyára 1913

¹⁷ pe Espiritu marangatu jecopegua. Nda iyainte umi ybypóra cuerape oguerojory Ichupe ndo jechacuaai gui ja ndoicuaai gui Ichupe. Peê voí peicuaa Ichupe opyta járeje pende ŷképe ja oijáreje pende pyápe.

Ñandejára Ñe’ẽ

¹⁷ Upéva Espíritu Santo hína, añetehápe oikuaaukáva mba'eichaguápa Tupã. Tupãre ojerovia'ỹva py'apýpe ndaikatúi ha'e oike, ha'e kuéra ndohechái ha ndoikuaái chupe. Peẽ katu peikuaa chupe, ha'e oĩgui pene ndive ha oikótagui pende pype.

Ñandejara Ñe’ẽ ✟

¹⁷ Upéva Espíritu Santo hína, añetehápe oikuaaukáva mba'eichaguápa Tupã. Tupãre ojerovia'ỹva py'apýpe ndaikatúi ha'e oike, ha'e kuéra ndohechái ha ndoikuaái chupe. Peẽ katu peikuaa chupe, ha'e oĩgui pene ndive ha oikótagui pende pype.

Ñanderuete Ñe’ẽ Porã 2015

¹⁷ Pe Pytu Añeteguáva, ko múndo ndaikatúi orecibi, ha’ekuéra ndohecháigui ni ndoikuaáigui ichupe. Peẽ katu peikuaa ichupe, Ha’e opytátagui penendive ha oikova’erã pendepype.

Juan 14:17 Referencias Cruzadas

Matéo 10:20

Na peẽ mo'ãi pe peñe'ẽtava, pe pende Ru Espíritunte oñe'ẽta pende juru rupi.

Juan 14:16

Ha che ajeruréta che Rúpe, ha ha'e omboúta peẽme ambue Pytyvõhára, pe Espíritu añetegua, opyta haguã penendive tapia guarã.

Juan 14:23

Jesús he'i ichupe: --Pe che rayhúva ojapo pe che ha'éva, ha che Ru ohayhu vaerã upévape, ha che Ru ha che roju vaerã ropyta haguã hendive.

Juan 15:26

‘Ou vaerã pe pene Pytyvõharã, pe Espíritu añetegua oúva che Rúgui. Che amboúta peẽme, ha ha'e oñe'ẽ vaerã che rérape.

Juan 16:13

Pe Espíritu añetegua ou rire katu, ha'e oikuaaukáta peẽme opa añetegua; noñe'ẽ mo'ãigui ojehegui rei, he'íta uvei opa ha'e ohendúva ha oikuaaukáta peẽme umi mba'e ojehútava.

Juan 6:40

Pe che mbou va'ekue rembipota niko kóva, opa umi oma'ẽva guive pe Ta'ýra rehe ha ojeroviáva hese, toikove tapia guarã; ha che amoingove jevýta pe ára pahápe.

1 Corintoyguakuérape 14:15

¿Mba'épa ajapóne aipóramo? Añembo'éta che py'apýpe ha aikuaáta avei pe ha'éva. Apurahéita che py'apýpe ha aikuaáta avei mba'épa apurahéi.

1 Corintoyguakuérape 2:14

Pe Tupã Ñandejára Espíritu oguereko'ỹva katu ndoikuaái umi mba'e Tupã Ñandejára Espíritu reheguáva, ha výro rei ichupe kuéra. Ha ndaikatúi oikuaa, umi mba'e jaikuaágui Espíritu Santo rupi mante.

1 Corintoyguakuérape 3:16

¿Ndapeikuaái piko peẽ Tupã Ñandejára tupaoha, ha Tupã Ñandejára Espíritu oiha pende pype?

1 Corintoyguakuérape 6:19

¿Ndapeikuaái piko peẽ pe pende rete pe Espíritu Santo Tupã Ñandejára ome'ẽ va'ekue peẽme tupaoha ha pe Espíritu Santo oikoha pendepype, ha peẽ ndaha'eveimaha pene mba'e tee?

2 Corintoyguakuérape 13:5

Pejepy'amongetána pende jupe voi, jahecha peime hatãpa pe pende jeroviápe, pejepy'amongetána pende jupe. ¿Ndapejekuaái piko pende jupe voi Jesucristo oiha pende pype, ndaha'éi ramo pejerovia gua'únteva?

2 Corintoyguakuérape 6:16

¿Mba'e piko oguereko pe Tupã Ñandejára tupao ta'anga kuéra ndive? Ha ñande niko ha'e pe Tupã Ñandejára oikovéva tupao, Tupã Ñandejára ete voi he'i haguéicha: Aikóta ypýpe kuéra ha ijapyte rupi kuéra, che Itupã Ñandejára kuérata, ha ha'e kuéra che mba'éta.

Galaciayguakuérape 4:6

Ha ita'ýrama rupi peẽ, Tupã Ñandejára omoĩ va'ekue Ta'ýra Espíritu pene corazõme, ha pe Espíritu he'i: “¡Che Ru!”

Efesoyguakuérape 2:22

Ha peẽ avei peñemopeteĩvo Cristo ndive, peñemopeteĩ opa umi ambue kuéra ndive Tupã Ñandejára rogarã, ha'e oiko haguã pende pype Ijespíritu rupi.

Efesoyguakuérape 3:17

Ajerure toiko Cristo pene corazõme, pejerovia rupi hese ha peẽ ta peñembohapo ha ta peime hatã imborayhúpe;

Colosayguakuérape 1:27

Ichupe kuéra Tupã Ñandejára oikuaauka mba'épa umi mba'etaite Israelita'ỹva peguarã. Pe mba'e ojekuaa'ỹ va'ekue niko kóva: Cristo pende pype ha'e voi ha'e pe gloria peha'arõva.

2 Timotéope 1:14

Pe Espíritu Santo ñande pype oĩva rupi kena eñangareko pe Tupã Ñandejára oñangarekouka va'ekue ndéve rehe.

1 Juan 2:27

Peẽ katu pereko pe Espíritu Santo Jesucristo ome'ẽ va'ekue peẽme, ha upéicha rupi napeikotevẽi avave pene mbo'e, pe Espíritu voi pene mbo'epa rehe ha upe ha'e ombo'éva añete ha ndaha'éi japu. Upéva rehe kena peñemopeteĩ Cristo ndive, pe Espíritu oporombo'e háicha.

1 Juan 3:24

Pe ojapóva Tupã Ñandejára rembiapoukapy, oĩ Tupã Ñandejára ndive, ha Tupã Ñandejára oĩ ipype, ha jaikuaa Tupã Ñandejára oiha ñande pype pe Espíritu ome'ẽ va'ekue ñandéve rupi.

1 Juan 4:4

Che ra'y kuéra, peẽ niko Tupã Ñandejára mba'e, ha pende pu'aka umi tekove japu rehe, ipu'akavégui pe Espíritu oĩva pende pype pe espíritu umi yvypórape oĩvagui.

1 Juan 4:6

Ñande kuéra katu Tupã Ñandejára mba'e. Pe oikuaáva Tupã Ñandejárape ñane rendu ha pe Tupã Ñandejára mba'e'ỹva katu na ñane rendúi. Upéicha ikatu jaikuaa mávapa oguereko pe espíritu añetéva ha mávapa oguereko pe espíritu japu.

1 Juan 5:7

Oĩ mbohapy oikuaaukáva ko'ã mba'e pe yvágape: pe Túva, pe Ñe'ẽ ha pe Espíritu Santo, ha mbohapyve peteĩchante.

Apocalípsis 2:17

Pe ijapysáva, tohendu pe Espíritu Santo he'íva umi iglésia kuérape: Pe ovencévape ha'ukáta pe maná ñeñongatuhápe oĩvagui, ha ame'ẽta ichupe peteĩ ita morotĩ, ha oĩta hese peteĩ téra pyahu avave oikuaa'ỹva, upe oguerekótava mante.