Juan 13:5 - Ñandeyara Ñe'ẽ

⁵ Omoĩ ý peteĩ ña'ẽme ha ombojepyhéi hemimbo'e kuérape, ha omokã pe toalla ojeku'akua haguépe.

Tûpâ Ñandeyára 1913

⁵ Upei catu omoî ŷ peteî ñaembe guasupe ja oñypyrú oyojei ipy umi jemimboe cuerape, ja omocâ ichupecuera pe ao oyecúacuá jaguepe.

Ñandejára Ñe’ẽ

⁵ Upéi omoĩ y peteĩ ña'ẽme ha oñepyrũ ombojepyhéi hemimbo'e kuérape, ha upéi omokã pe toálla iku'áre oĩvape.

Ñandejara Ñe’ẽ ✟

⁵ Upéi omoĩ y peteĩ ña'ẽme ha oñepyrũ ombojepyhéi hemimbo'e kuérape, ha upéi omokã pe toálla iku'áre oĩvape.

Ñanderuete Ñe’ẽ Porã 2015

⁵ omoĩ y peteĩ ña’ẽmbeguasúpe ha oñepyrũ ombojepyhéi hemimbo’ekuérape, ha omokã pe toállape omoĩva’ekue iku’áre.

Juan 13:5 Referencias Cruzadas

Lúcas 7:38

Ha jahe'ohápe oñemoĩ Jesús py renda koty ha ombojahu Jesús py hesaýpe. Upéi katu omokã iñakã raguépe, obesa ha oñohẽ pe ipy rehe pe mba'e ryakuã porã.

Lúcas 7:44

Upérõ Jesús oma'ẽ pe kuña rehe ha he'i Simónpe: --¿Rehechápa ko kuña? Aguahẽ kuri nde rógape ha ne reme'ẽi chéve ý ajepyhéi haguã; ko kuña katu ombojahu che py hesaýpe ha omokã iñakã raguépe.

Juan 13:10

Jesús katu he'i ichupe: --Pe ojahupa ramóva ipy añóntema tekotevẽ ojohéi, ipotĩmbáguima. Ha peẽ pene potĩma nda opavavéi ramo jepe.

Juan 13:6

Ha ombojepyhéitavo Simón Pédrope katu, Pedro he'i ichupe: --Che Jára, ¿nde piko che mbojepyhéita?

Juan 13:8

Pedro katu he'i ichupe: --Máramo nde nda che mbojepyhéi chéne. Jesús he'i ichupe: --Rombojepyhei'ỹ ramo, ndaikatu mo'ãvéima reime chendive.

Juan 19:34

Umi soldado kuéra peteĩva katu oikutu Jesúspe ijyképe lánzape ha upévo osẽ tuguy ha ý ichugui.

Apostolkuéra 22:16

Ha ko'ãga, ¿mba'épa reha'arõta? Epu'ã ha ejebautizauka, rejeroviápype Ñandejára Jesús rehe reñemopotĩ haguã nde pecado kuéragui.”

1 Corintoyguakuérape 6:11

Ha oime peẽva upéicha guaréva, opáichavo, peñemopotĩmbáma va'ekue, Tupã Ñandejára mba'éma peẽ, ha peñembohekopotĩma Ñandejára Jesucristo rérape Tupã Ñandejára Espíritu rupi.

Efesoyguakuérape 5:26

Upéva ojapo va'ekue omomarangatu haguã pe iglésiape, omopotĩvo iñe'ẽme ýpe ramo guáicha,

1 Timotéope 5:10

Tojekuaa hembiapo porãngue rehe, omongakuaápa raka'e imemby kuéra, omoguahẽpa raka'e mbohupa hógape, ombojepyheipa raka'e umi Jesús rehe ojeroviáva kuérape, oipytyvõpa raka'e umi ohasa asývape, terã ojapópa raka'e oimeraẽva ambue tembiapo porã.

hebreoyguakuerape 10:22

Upéva rehe, ñaguahẽ vaerã Tupã Ñandejára rendápe py'a peteĩ reheve ha jeroviaitépe, ha'e niko omopotĩ va'ekue ñande py'apy anive haguã jajepy'apy ñande pecado kuéra rehe, ha ojehéi va'ekue ñande rete ý potĩ ete asýpe.

1 Juan 1:7

Jaiko ramo tesapeha rendýpe katu, pe Tupã Ñandejára oĩ háicha tesape rendýpe, upéicharamo ñaime oñondive kuéra peteĩ py'ápe ha Ta'ýra Jesucristo ruguy ñane mopotĩ opa ñande pecádogui.

1 Juan 5:6

Jesucristo niko upe ojebautiza va'ekue ýpe, ha oñohẽ va'ekue huguy kurusu rehe, ou ramo guare ndojehechaukái va'ekue ý rupi añónte, pe ý ha pe tuguy rupi avei. Ha pe Espíritu voi niko pe oikuaaukáva ko'ã mba'e ha pe Espíritu ha'e hína pe añete.

Apocalípsis 7:14

Ha che ha'e ichupe: --Karai, nde niko reikuaa. Ha ha'e he'i chéve: --Ko'ãva niko umi ou va'ekue pe jehasa asy guasúgui, ha ojohéi va'ekue ijao kuéra ha omomorotĩ pe Ovecha Ra'y ruguýpe.