Juan 12:42 - Ñandeyara Ñe'ẽ

⁴² Upéicharamo jepe, heta Israelita kuérava ojerovia Jesús rehe, huvicha kuérava jepe, nde'írinte okyhyjégui fariseo kuéragui, ani haguã omosẽ ichupe kuéra sinagógagui.

Tûpâ Ñandeyára 1913

⁴² Upeicharamo yepe, oime jeta umi mburuvicha cuérava oyerovia vaecue. Umi fariseo gui okyjŷyé guinte, noñemombeui, anichene jaguâ oñemombo pe tûpâo gui:

Ñandejára Ñe’ẽ

⁴² Péicharõ jepe, heta vaekue judío kuéra ojeroviáva Jesús rehe, ha umi oĩ porã porãvéva apytégui avei. Ha'e kuéra katu oguerokirirĩnte ko'ã mba'e, okyhyjégui umi Fariséogui, ha ani haguã omosẽ chupe kuéra pe judío kuéra tupaógui.

Ñandejara Ñe’ẽ ✟

⁴² Péicharõ jepe, heta vaekue judío kuéra ojeroviáva Jesús rehe, ha umi oĩ porã porãvéva apytégui avei. Ha'e kuéra katu oguerokirirĩnte ko'ã mba'e, okyhyjégui umi Fariséogui, ha ani haguã omosẽ chupe kuéra pe judío kuéra tupaógui.

Ñanderuete Ñe’ẽ Porã 2015

⁴² Opáichavo, mburuvichakuéra apytépe oĩ avei umi ojeroviáva ñemiháme Hesu rehe, nomombe’úinte katu opavave renondépe, okyhyjégui fariseokuéra omosẽrõ g̃uarã ichupekuéra Ñanderuete rogaguasúgui.

Juan 12:42 Referencias Cruzadas

Matéo 10:32

‘Oimeraẽva omombe'úva che reheguaha yvypóra kuéra rovake, che amombe'u vaerã avei che Ru yvágape oĩva rovake che heseguaha.

Lúcas 12:8

‘Che ha'e peẽme, opa upe che kuaaukávape yvypóra kuéra renondépe, ko kuimba'éicha ou va'ekue yvy ári avei oikuaauka vaerã ichupe Tupã Ñandejára ángel kuéra renondépe.

Lúcas 23:13

Upérõ Pilato ohenoiuka umi pa'i ruvicha, ha mburuvicha kuérape, ha pe tetãygua kuérape,

Lúcas 6:22

‘Pevy'a vaerã peẽ, yvypóra kuéra ija'e'ỹ ramo ha ojehe'ase'ỹ ramo pende rehe, oñe'ẽreity ramo peẽme ha ndojapói ramo mba'evéramo pende réra mba'e vaícha che rehehápe.

Juan 11:45

Kóva rire heta umi Israelita kuérava ou va'ekue omoirũ haguã Maríape ha ohecha va'ekue pe Jesús ojapo va'ekue ojerovia hese.

Juan 12:11

heta Israelita kuérava ojehejágui ichugui kuéra Lázaro rupi, ojerovia haguã Jesús rehe.

Juan 16:2

Peñemosẽ vaerã sinagógagui, ha oguahẽ vaerã ára oimeraẽva pende jukáva oimo'ã vaerã ombojeroviaha Tupã Ñandejárape.

Juan 19:38

Ko'ã mba'e rire, José, Arimatea puebloygua, Jesús remimbo'e, ñemiháme ramo jepe, okyhyjégui Israelita kuéragui, ojerure Pilátope omboguejy haguã kurusúgui Jesús retekue. Pilato ome'ẽ ichupe ha José oho ha ogueraha pe Jesús retekue.

Juan 3:2

Upe Nicodemo oho peteĩ pyharépe ohechávo Jesúspe, ha he'i ichupe: --Mbo'ehára, roikuaa niko Tupã Ñandejára ete voi ne mbou hague ore mbo'e haguã, ndaipórigui ikatúva ojapo ko'ã milagro nde rejapóva Tupã Ñandejára oĩ'ỹ ramo hendive.

Juan 7:13

Opáichavo avave noñe'ẽ hatãi hese okyhyjégui Israelita kuéragui.

Juan 7:31

Heta gente katu ojerovia hese, ha he'i joa: --Pe Cristo ou ha'ára ¿piko ojapóta nga'u hetave milagro ko kuimba'e ojapóvagui?

Juan 9:22

Túva kuéra he'i upéva okyhyjégui, Israelita kuéra oñemoĩma ra'e peteĩ ñe'ẽme omosẽ haguã pe sinagógagui oimeraẽva he'ívape Jesús rehe ha'eha pe Cristo.

Juan 9:34

Upéramo he'i hikuái ichupe: --Nde ne renyhẽte va'ekue pecádogui renacévo, ¿ha piko ore mbo'éta? Ha omosẽ hikuái ichupe pe sinagógagui.

Apostolkuéra 5:41

Ha osẽ umi apóstol kuéra pe Concíliogui torypápe ija haguére ichupe kuéra ohasa asy Jesús réra rehe.

Romayguakuérape 10:10

Ñande py'apýpe jajerovia jajerereko haguã heko potĩva ramo, ha ñande juru rupi ja'e jajeroviaha Jesucristo rehe jajesalva haguã.

1 Juan 4:15

Oimeraẽva he'íva Jesús ha'eha Tupã Ñandejára Ra'y, oĩ Tupã Ñandejára ndive ha Tupã Ñandejára oĩ ipype.

1 Juan 4:2

Kóicha ikatúta peẽ peikuaa Tupã Ñandejára Espíritupa: opa umi he'íva Jesucristo ou hague kuimba'e teetéicha, oguereko pe Tupã Ñandejára Espíritu;