Juan 12:36 - Ñandeyara Ñe'ẽ

³⁶ Pereko aja gueteri ko porohesapehára pejerovia hese oiko haguã pende hegui ko tesapehára rehegua. He'ipa rire ko'ã mba'e, Jesús oho ha okañy ichugui kuéra.

Tûpâ Ñandeyára 1913

³⁶ Pereco yave co pende resapéva, peyeroviánte co pende resapéva reje, peñe moingo jaguâ umi oyejesapéva rejegua ramo. Upeicha oñeê Jesús, ja upei catu oyeí upegui ja oñemi ichugui cuera.

Ñandejára Ñe’ẽ

³⁶ Pejerovia pe ohesapévare oiko aja pende apytépe, péicharõ peẽ heseguáta. Ko'ã mba'e he'i rire, Jesús oho ha okañy chugui kuéra.

Ñandejara Ñe’ẽ ✟

³⁶ Pejerovia pe ohesapévare oiko aja pende apytépe, péicharõ peẽ heseguáta. Ko'ã mba'e he'i rire, Jesús oho ha okañy chugui kuéra.

Ñanderuete Ñe’ẽ Porã 2015

³⁶ Peguereko aja gueteri pe Tesape, pejerovia pe Tesape rehe, oiko hag̃ua pendehegui Tesape ra’y ha rajykuéra. Oñe’ẽmba rire ko’ã ñe’ẽ ko’ãva ojei ijapytégui ha okañy ichuguikuéra.

Juan 12:36 Referencias Cruzadas

Matéo 21:17

Ha oheja ichupe kuéra ha osẽ pe ciudádgui pe pueblo Betania peve ha opyta upépe upe pyharépe.

Matéo 5:14

‘Peẽko tesapeha ko yvy ári. Peteĩ ciudad oĩva cerro ári ndaikatúi oñemi.

Lúcas 16:8

Ha oiporangereko pe óga jára pe mayordomo vaípe, ojapokuaa hague rehe pe ojapóva. Ko mundo pegua kuéra niko hapicha kuéra ndive ojapokuaave hembiaporã umi Ñandejára rembipota oikuaávagui.

Juan 1:7

upéva ou va'ekue ikuaaporãha ramo, oñe'ẽ haguã pe tesapehára rehe, opavave oguerovia haguã pe ha'e he'íva rupi.

Juan 11:54

Upéva rehe Jesús ndoikovéima Israelita kuéra apyte rupi, osẽ uvei Judéagui ha oho peteĩ desierto ypýpe, peteĩ pueblo Efraín héravape. Ha opyta upépe hemimbo'e kuéra ndive.

Juan 12:37

Jesús ojapo ramo jepe heta milagro hesa renondépe kuéra, ha'e kuéra ndojeroviái hese;

Juan 12:46

Che, tesapehárava aju va'ekue yvy ári, ani haguã opyta pytũnguýpe umi ojeroviáva che rehe.

Juan 3:21

Pe añetegua ojapóva katu oñemo'aguĩ pe tesapehágui, ojehecha haguã Tupã Ñandejára oiha opa upe ha'e ojapóvape.

Juan 8:12

Jesús oñe'ẽ jevy umi géntepe ha he'i ichupe kuéra: --Che ha'e yvypóra kuéra resapehára, upe oúva che rapykuéri, ndoikovéima pytũnguýpe, oguerekóma uvei pe tekovete rehegua tesape.

Juan 8:59

Upévo ohupi hikuái ita ojapi haguã Jesúspe; ha'e katu okañy ha osẽ pe tupaógui, ohasa mbyte rupi kuéra ha oho.

Efesoyguakuérape 5:8

Yma peẽ peiko va'ekue pytũnguýpe, ko'ãga katu. Ñandejára ndive peikóma tesapehápe; peiko aipóramo tesapehápe guáicha,

1 Tesalonicayguakuérape 5:5

Opavave peẽ niko tesapeha ára pegua. Ñande ndaha'éi pyharegua terã pytũnguy pegua,

1 Tesalonicayguakuérape 5:8

ñande ára peguáva katu jaikokuaa vaerã. Ñamonde vaerã pe jerovia ha mborayhu, pe soldado omo'ã háicha ipyti'a escúdope guerrahápe guarãicha, ha jareko vaerã pe salvación rehegua esperanza pe soldado omoĩ háicha casco iñakã rehe.