Juan 10:27 - Ñandeyara Ñe'ẽ

²⁷ Che ovecha kuéra ohendu che ñe'ẽ, ha che aikuaa ichupe kuéra ha ha'e kuéra oho che rapykuéri.

Tûpâ Ñandeyára 1913

²⁷ Che ovecha cuera voínte ojendu Che ñeê ja Che aicuaa ichupecuera, ja jaecuera ou Che rapycueri.

Ñandejára Ñe’ẽ

²⁷ Che ovecha kuéra niko oikuaa che ñe'ẽ ha ou che rapykuéri, ha che aikuaa chupe kuéra.

Ñandejara Ñe’ẽ ✟

²⁷ Che ovecha kuéra niko oikuaa che ñe'ẽ ha ou che rapykuéri, ha che aikuaa chupe kuéra.

Ñanderuete Ñe’ẽ Porã 2015

²⁷ Che ovechakuéra ohendu katuete che ñe’ẽ ha che aikuaa porã ichupekuéra, ha ha’ekuéra oñemboja che rendápe oho hag̃ua che rapykuéri Che ahasehápe.

Juan 10:27 Referencias Cruzadas

Matéo 16:24

Upérõ Jesús he'i hemimbo'e kuérape: --Oime ramo che moirũséva toñembuesarái ojehegui, tohupi ikurusu, ha ta che moirũ.

Matéo 17:5

Pedro oñe'ẽ jave gueteri hína, peteĩ arai omimbipáva ojaho'i ichupe kuéra; ha pe araígui oñehendu peteĩ ñe'ẽ he'íva: --Kóva ha'e che Ra'y ahayhuetéva, che mbovy'aitéva, pehendúke ichupe.

Matéo 25:12

Ha'e katu he'i ichupe kuéra: “Añetehápe ha'e peẽme, che ndapoikuaái.”

Matéo 7:23

Upéramo ha'e vaerã ichupe kuéra: “Araka'eve ndapoikuaái va'ekue, pejei ko'águi peẽ mba'e vai apoha.”

Márcos 10:21

Ha Jesús oma'ẽvo hese ohayhuete, ha he'i ichupe: --Peteĩ mba'e ofalta ndéve: Tereho eñemumba rerekóva rehe, eme'ẽ hepykue mboriahúpe, ha rerekóta mba'eta yvágape; upéi katu ehupi nde kurusu ha che moirũ.

Márcos 8:34

Ha ohenói hemimbo'e kuérape ha umi gente ijaty va'ekuépe ha he'i ichupe kuéra: --Oime ramo ouséva che rapykuéri, toñembotove ojupe, tohupi ikurusu ha tou che rapykuéri.

Lúcas 13:27

Ha'e katu he'i vaerã peẽme: “Ha'éma niko peẽme, ndaikuaaiha mamoguápa peẽ. Tapeho che rendágui opa peẽ mba'e vai apoha.”

Lúcas 9:23

Upéi he'i opavavépe: --Oime ramo che moirũséva, toñembuesarái ojehegui, tohupi ikurusu opa árape ha ta che moirũ.

Juan 10:14

‘Che ha'e pe ovecha rerekua imba'eporãva. Pe che Ru che kuaa háicha chéve ha che aikuaa háicha che Rúpe, upeichaite avei che aikuaa che ovecha kuéra, ha ha'e kuéra che kuaa chéve. Ha che ame'ẽ che rekove ovecha kuéra rehe.

Juan 10:16

Areko avei ambue ovecha kuéra kóva ko kora pegua'ỹva, umíva aru vaerã avei. Ha'e kuéra ojapo vaerã che ñe'ẽ, ha oĩ vaerã peteĩ ovecha aty añó ha peteĩ ovecha rerekua.

Juan 10:8

Opa umi che mboyve ou va'ekue katu tekove vai ha mondaha; ha umi ovecha nohendúi iñe'ẽ kuéra.

Juan 12:26

Oime ramo che serviséva, tou che rapykuéri, ha mamo che aimehápe, upépe oĩ vaerã avei upe che servíva. Oime ramo che servíva, upévape che Ru omomba'eguasu vaerã.

Juan 21:22

Jesús he'i ichupe: --Che aipota ramo ha'e oikove che aju jevy peve, ¿piko mba'e ndéve? Che moirũ katu nde.

Juan 5:25

Añetehápe ha'e peẽme, oguahẽha ára, ha ko'ãgamaha voi, umi omanóva ohendu va'erãha pe Tupã Ñandejára Ra'y porohenói; ha umi iñe'ẽrendúva ichupe oikovéta.

Juan 8:12

Jesús oñe'ẽ jevy umi géntepe ha he'i ichupe kuéra: --Che ha'e yvypóra kuéra resapehára, upe oúva che rapykuéri, ndoikovéima pytũnguýpe, oguerekóma uvei pe tekovete rehegua tesape.

Juan 8:43

¿Mba'érehe piko peẽ ndaikatúi peikuaa mba'épa he'ise umi mba'e ha'éva peẽme? Napehenduséigui che ñe'ẽ.

Apostolkuéra 3:23

Ha opa upe ohendu'ỹva upe ñemoñe'ẽhárape, ojehapo'o vaerã hetã megua kuéra pa'ũgui.”

1 Corintoyguakuérape 8:3

Oime ramo ohayhúva Tupã Ñandejárape katu, Tupã Ñandejára oikuaa upévape.

Galaciayguakuérape 4:9

Ko'ãga peikuaáma ramo Tupã Ñandejárape katu, terã iporãve ja'e ramo, Tupã Ñandejára pende kuaáma ramo peẽme, ¿piko mba'éicha pejevýta peína peiko jevy haguã umi mba'e kangy, poriahu, rembiguái ramo?

2 Timotéope 2:19

Upéicharamo jepe Tupã Ñandejára omoĩ peteĩ cimiento opyta hatãva, oguerekóva sello ramo ko ñe'ẽ: “Ñandejára oikuaa umi imba'évape”; ha: “Opa umi ohenóĩva Cristo réra tekotevẽ ojeheja mba'e vaígui.”

hebreoyguakuerape 3:7

Upéva rehe, pe Espíritu Santo he'i háicha Tupã Ñandejára Kuatiañe'ẽme: Ko árape, pehendu ramo pe Tupã Ñandejára he'íva,

Apocalípsis 14:4

Ko'ãva ha'e umi oiko'ỹ va'ekue kuña ndive, omenda'ỹ va'ekue, omoirũva pe Ovecha Ra'ýpe mamo ohohápe. Ko'ãva ojesalva va'ekue yvypóra kuéra apytégui ofrenda tenonderãgua ramo Tupã Ñandejára peguarã ha pe Ovecha Ra'y peguarã.

Apocalípsis 3:20

Péina che aime ne rokẽme ha ambota; oime ramo ohendúva che ñe'ẽ ha oipe'áva pe okẽ, aikéne hendápe ha acenáne hendive, ha ha'e chendive.