Juan 1:18 - Ñandeyara Ñe'ẽ

¹⁸ Tupã Ñandejárape máramo avave ndohechái va'ekue; opáichavo, pe Ta'ýra peteĩmí, oĩva Túva corazõ ypypete, oikuaauka va'ekue ñandéve mba'éichapa Ha'e.

Tûpâ Ñandeyára 1913

¹⁸ Ndipori avave ojecha vaecue Túpâ Ñandeyárape máramo: pe Ñandeyára pe Tayra jaeñomíva, upe oñañuáva pe Túva yŷvá paûme, upéva catu pe ojechauca vaecue Ichupe ñandeve.

Ñandejára Ñe’ẽ

¹⁸ Ndaipóri avave Tupãme ohecha vaekue. Ta'ýra peteĩete, peteĩchava Tupã ndive ha oĩva Túva ykére, ha'e oikuaauka chupe opavavépe.

Ñandejara Ñe’ẽ ✟

¹⁸ Ndaipóri avave Tupãme ohecha vaekue. Ta'ýra peteĩete, peteĩchava Tupã ndive ha oĩva Túva ykére, ha'e oikuaauka chupe opavavépe.

Ñanderuete Ñe’ẽ Porã 2015

¹⁸ Avave ndohechái máramo Ñanderuetépe, Ita’ýra peteĩeténte, pe Jára oĩva Ñanderuetepype, Ha’e (Hesu) mante oikuaauka ñandéve Itúvape.

Juan 1:18 Referencias Cruzadas

Matéo 11:27

‘Che Ru omoĩmba che poguýpe opa mba'e. Avave ndoikuaái pe Ta'ýrape, pe Túva mante, ha avave ndoikuaái pe Túvape, pe Ta'ýra mante, ha upe oikuaaukasévape pe Ta'ýra.

Lúcas 10:22

‘Che Ru omoĩ che pópe opaite mba'e. Ha avave ndoikuaái pe Ta'ýrapa máva, Túva añó mante, ha avave ndoikuaái mávapa pe Túva, pe Ta'ýra añó mante, ha upe oikuaaukasévape pe Ta'ýra.

Juan 1:14

Ha pe Tupã Ñandejára Ñe'ẽ oiko kuimba'e ramo ha oiko sapy'a va'ekue ñande apytépe, mborayhu ha añetégui henyhẽte. Ore rohecha va'ekue iglória, pe Túva Ra'y peteĩetéva gloria teete.

Juan 12:41

Isaías he'i ramo upéva oñe'ẽ pe Jesús gloria ohecha va'ekue rehe.

Juan 13:23

Hemimbo'e kuéra peteĩva, upe Jesús ohayhuetéva, oguapy hína ijykére mesápe;

Juan 14:9

Jesús he'i ichupe: --Felipe, hetaite árama niko aime penendive, ¿ha piko ne'ĩra che kuaa? Pe chéve che recháva, ohecha che Rúpe, ha upéicharamo, ¿piko mba'e rehe rejerure chéve ahechauka haguã peẽme che Rúpe?

Juan 17:26

Che aikuaauka va'ekue ichupe kuéra ndépa máva, ha aikuaaukavéta gueteri ichupe kuéra, pe mborayhu rerekóva chéve oĩ haguã ipype kuéra avei, ha chete voi aime haguã ipype kuéra.

Juan 17:6

‘Umi nde reme'ẽ va'ekue chéve yvypóra kuéra apytégui aikuaauka ichupe kuéra mávapa nde. Ne mba'e voi niko ha nde reme'ẽ va'ekue chéve, ha ojapo hikuái ne ñe'ẽ.

Juan 3:11

Añetéko ha'e ndéve ore roñe'ẽha upe roikuaávagui, ha ro'eha peẽme upe rohecha va'ekue; upéicharamo jepe peẽ ndaperoviái ore ñe'ẽ.

Juan 6:46

‘Ndaha'éi avave ohecha va'ekue pe Túvape; pe Tupã Ñandejára gui ou va'ekue añoite ohecha va'ekue ichupe.

2 Corintoyguakuérape 4:4

Ha'e kuéra ndogueroviáigui, ko mundo ruvicha omoakãypytũ ichupe kuéra ani haguã ohesape ichupe kuéra pe Cristo gloria rehegua evangelio. Cristo niko peteĩchante Tupã Ñandejára ndive.

Colosayguakuérape 1:15

Ñande niko ndaikatúi jahecha Tupã Ñandejárape, opáichavo, ha'e ou va'ekue jahecha haguãicha Ita'ýra rupi oĩva opaite mba'e Tupã Ñandejára ojapo va'ekue ári.

1 Timotéope 1:17

Upéva rehe kena ñamomba'eguasu ha ñambotuicha tapiaite pe Mburuvicha guasu tapia guávape, araka'eve omano'ỹ va'erãme, ha upe ikatu'ỹvape jahecha, upe iñarandúvape, ha ha'eñoitéva Tupã Ñandejára. Amén.

1 Timotéope 6:16

ha'e añoite pe omano'ỹva, oikóva tesapehápe, avave ikatu'ỹhápe oguahẽ. Ndaipóri ichupe ohecha va'ekue terã ikatúva ohecha. Ñamomba'e guasúkena ichupe ha ñambotuicha tapia guarã. Amén.

1 Juan 4:12

Máramo avave ndohechái va'ekue Tupã Ñandejárape, opáichavo, jajohayhu ramo Tupã Ñandejára voi oĩ ñande pype ha upéicharamo Tupã Ñandejára mborayhu oĩ hekopete ñande pype.

1 Juan 4:20

Oime ramo he'íva: “Che ahayhu Tupã Ñandejárape”, ha ndaija'éi ave iñehermano rehe, ijapu. Pe ohayhu'ỹva iñehermano ohechávape, ¿piko mba'éicha ohayhúta Tupã Ñandejára ha'e ohecha'ỹvape?

1 Juan 4:9

Tupã Ñandejára ohechauka va'ekue imborayhu ñanendive guarã ombou pype Ta'ýra peteĩmíva ko múndope jaikove haguã ha'e rupi.

1 Juan 5:20

Jaikuaa avei Tupã Ñandejára Ra'y ou hague, ha ome'ẽ hague ñandéve akã porã jaikuaa haguã pe Tupã Ñandejára añetetévape. Ñaime pe Tupã Ñandejára añetetévape ñaimégui peteĩ py'ápe Ta'ýra Jesucristo ndive. Ha'e niko pe Tupã Ñandejára añetetéva, ha pe tekove tapia guarãva.