Filemónpe 1:21 - Ñandeyara Ñe'ẽ

²¹ Amoĩ niko kuatia rehe ndéve jeroviapópe, aikuaa porãgui rejapotaha katuete ko che rembipota, ha rejapovetaha avei ko che ajerurévagui ndéve.

Tûpâ Ñandeyára 1913

²¹ Che jaeuca ndeve coicha co cuatia ñeême ayeroviajá reje ndereje nde rembuaye vaerâjá che ñeê ja aicuaa voi reyapové jaguâ yepe che jaeva gui.

Ñandejára Ñe’ẽ

²¹ Arahauka ndéve ko kuatia, aikuaa porãgui ne ñe'ẽ rendutaha, ha aikuaa rejapovetaha katu ko ajerurévagui.

Ñandejara Ñe’ẽ ✟

²¹ Arahauka ndéve ko kuatia, aikuaa porãgui ne ñe'ẽ rendutaha, ha aikuaa rejapovetaha katu ko ajerurévagui.

Ñanderuete Ñe’ẽ Porã 2015

²¹ Arovia nde neñe’ẽrendutaha che ahaíva guive ndéve, aikuaa porã voi nde rejapovetaha che ajerureva’ekuégui.

Filemónpe 1:21 Referencias Cruzadas

Romayguakuérape 2:19

Reikuaa porã añetehápe reisambyhyha ohecha'ỹvape ha rehesapekuaaha pytũnguýpe oikóvape,

2 Corintoyguakuérape 2:3

Ha upéva voi amoĩ va'ekue peẽme kuatia rehe, ani haguã aguahẽvo che mba'embyasy, umi avy'a vaerã mo'ã rehe; ajerovia háicha opavave pende rehe, ko che vy'a pene mba'eha rehe avei.

2 Corintoyguakuérape 7:16

Avy'a ikatu rehe ajerovia pende rehe opa mba'épe.

2 Corintoyguakuérape 8:22

Romondo avei hendive kuéra peteĩ ñande ryvy heta jevy rohecha va'ekue ikyre'ỹha, ha heta mba'épe, ha ko'ãgama katu ikyre'ỹvéntema tuicha ojerovia rupi pende rehe.

Galaciayguakuérape 5:10

Ajeroviaite niko Ñandejára rehe ani chéne haguã pemo'ambue pe pende jerovia; opáichavo, Tupã Ñandejára ocastiga vaerã upe oikóvape pene moangekói, ta ha'e ha'éva.

2 Tesalonicayguakuérape 3:4

Ha rojerovia Ñandejára rehe, peẽ pejapo ha pejapotaha pehóvo pe ro'éva peẽme.