Filemónpe 1:16 - Ñandeyara Ñe'ẽ

¹⁶ ha na tembiguaivéima ramo, tembiguái ramo rangue nde ryvy rehayhúva ramo uvei. Che niko ahayhu Onésimope, opáichavo, nde oime vaerã rehayhueteve reína ichupe, ndaha'éi katuete nde rapicha kuimba'e hague rehe ñande ryvyha rehe avei Ñandejára rupi.

Tûpâ Ñandeyára 1913

¹⁶ anive jaguâ rereco ichupe tembiguaicha, te rereco ichupe tuvichavé tembiguai gui, peteî ñanderejeguaicha catu yepe, che ajaŷjuetéva catuetei ja nde rejaŷjúetévéva yepe ichupe cuimbaeicha nde rejeguajá reje ja Ñandeyára rejeguaja reje avei.

Ñandejára Ñe’ẽ

¹⁶ ndaha'e véima tembiguáicha, iporãvéva tembiguáiguima katu, peteĩ ne pehẽngue rehayhúvaicha. Che ahayhu eterei chupe. Ha nde, rehayhuve vaerã katu chupe, ha ndaha'éi yvypóraicha añónte. Ne pehẽngue Ñandejára reheguáva ramo katu avei.

Ñandejara Ñe’ẽ ✟

¹⁶ ndaha'e véima tembiguáicha, iporãvéva tembiguáiguima katu, peteĩ ne pehẽngue rehayhúvaicha. Che ahayhu eterei chupe. Ha nde, rehayhuve vaerã katu chupe, ha ndaha'éi yvypóraicha añónte. Ne pehẽngue Ñandejára reheguáva ramo katu avei.

Ñanderuete Ñe’ẽ Porã 2015

¹⁶ Nanerembiguaivéima ramo, ñane hermáno jahayhúva ramo uvei. Che ningo ahayhuete ichupe, nde katuete rehayhuetevéta ichupe, ha’e ñande rapichaháre ha ko’ág̃a avei ñane hermanoháre Hesu Crísto rupi.

Filemónpe 1:16 Referencias Cruzadas

Matéo 23:8

‘Peẽ katu ani peñembohéra mbo'ehára, peteĩ añóntegui pe pene mbo'ehára, ha upéva pe Cristo, ha peẽ ojoryvy kuerapágui.

Apostolkuéra 9:17

Upérõ Ananías oho upe óga Saulo oihápe. Oike ha omoĩ ipo hi'ári ha he'i ichupe: --Che ryvy Saulo, Ñandejára Jesús, pe ojechauka va'ekue ndéve pe tape reju hague rupi, che mbou rehecha jevy haguã ha ne renyhẽ haguã Espíritu Sántogui.

1 Corintoyguakuérape 7:22

Pe tembiguái va'ekue Ñandejára ohenói ramo ichupe na tembiguaivéima Ñandejára renondépe, ha upéicha avei, pe tembiguai'ỹ va'ekue upe oñehenói ramo, ko'ãga oiko ichugui Cristo rembiguái.

Colosayguakuérape 3:22

Tembiguái kuéra, ta iñe'ẽrendu ijárape opa mba'épe ko yvy ári, ha ani ha'e kuéra oma'ẽ ajánte, opyta porã haguã hendive kuéra, añetetehápe uvei, ipy'aite guive ombojeroviávo Tupã Ñandejárape.

1 Timotéope 6:2

Ha umi tembiguái ijára ojeroviáva Jesús rehe, ani nomomba'eiche ichupe kuéra hermano hague rehe jeroviápe, upéva rehe hembiapo porãve vaerã uvei ichupe kuéra hermano kuéra ojehayhúva rehe umi ohupitýva pe tembiapo porã. Ko'ã mba'e rehe eporombo'e ha eñemoñe'ẽ.

hebreoyguakuerape 3:1

Upéva rehe, che ryvy kuéra marangatu, peẽ Tupã Ñandejára ohenói va'ekue imba'erã, pema'ẽ porãkena Cristo Jesús rehe, pe apóstol ha pa'i guasu pe ñande jeroviaha rehe.

1 Juan 5:1

Opa ogueroviáva Jesús ha'eha pe Cristo, upéva Tupã Ñandejára ra'y, ha pe ohayhúva pe túvape, ohayhu avei pe túva ra'ýpe.