Apocalípsis 6:10 - Ñandeyara Ñe'ẽ

¹⁰ Ha umíva hatã he'i: --¿Araka'e pevépa, Ñandejára marangatu, ne añetéva ne ñe'ẽme, nderejuzga ha nerevenga mo'ãi ore ruguy oñeñohẽ va'ekue yvypóra kuéra po rupi?

Tûpâ Ñandeyára 1913

¹⁰ Ja jaecuera oyerure osapucaijápe jeivo: ¿Aracaé pevépa Nde aréta, ore Ruvicha Guasu Ne marangatu jaetéva, rejo jaguâ remojenda jaguâ ja reyepy jaguâ umi oicova yby ári reje ore ruguy reje?

Ñandejára Ñe’ẽ

¹⁰ Hatã he'i hikuái: “Mburuvicha guasu imarangatu ha añetéva, araka'e piko rembojovakéta yvypórape ha remyengoviáta ore mano?”

Ñandejara Ñe’ẽ ✟

¹⁰ Hatã he'i hikuái: “Mburuvicha guasu imarangatu ha añetéva, araka'e piko rembojovakéta yvypórape ha remyengoviáta ore mano?”

Ñanderuete Ñe’ẽ Porã 2015

¹⁰ Ha ãva osapukái ñe’ẽpuguasúpe, ha he’i: Araka’e peve piko Nde, ore Jára heko porã ha añeteguáva reha’ãrõseve rembojovake ha remyengovia hag̃ua ore jukahára rembiapo vai, oikóva gueteri hikuái py’aguapýpe yvy apére.

Apocalípsis 6:10 Referencias Cruzadas

Lúcas 2:29

Ko'ãga, che Jára, ikatúma che reja amano py'aguapy reheve, rejapómagui ere haguéicha ne rembiguáipe.

Lúcas 21:22

Castigo ára vaerã umíva, oiko haguã hekoitépe pe Tupã Ñandejára Kuatiañe'ẽ Marangatúpe he'íva.

Romayguakuérape 12:19

Che ryvy kuéra, ani peñevenga peẽ voi pende rapicha rehe, peheja Tupã Ñandejára pópe ha'e toporocastiga; Tupã Ñandejára Kuatiañe'ẽme niko he'i: “Che aporocastiga vaerã; che ambuekoviáta, he'i Ñandejára.”

hebreoyguakuerape 12:24

ha Jesús pe pacto pyahu pegua abogado rendápe, ha pe huguy oñehẽ va'ekue, oñe'ẽva mba'e iporãvéva rehe Abel ruguýgui.

2 Pédro 2:1

Oĩ va'ekue avei ñemoñe'ẽhára japu Israel retãygua kuéra apytépe, ha upéicha oĩ vaerã avei mbo'ehára japu pende apytépe. Umíva oporombo'e vaerã ñemiháme iñakãgui kuéra mba'e oporombyaíva rehe, ha onega vaerã hikuái Ñandejárape hekove ome'ẽ va'ekue hese kuérape jepe, ha upéva rehe oñehundi pya'eve vaerã.

Apocalípsis 11:18

Umi tetã nguéra ipochypa, upéicharamo jepe, oguahẽ pe nde reporocastiga haguã ára, ha rejuzga haguã avei umi omano va'ekuépe ha rembyekovia haguã umi ne rembiguái kuérape, oñemoñe'ẽva nde rérape, umi imarangatúvape ha umi omomba'évape nde réra, ta ha'e tuicháva terã michĩva, ha rehundipa haguã umi ombyaívape pe yvy.

Apocalípsis 18:20

Pevy'a upe ojehu va'ekue rehe ichupe, yvága, ha peẽ apóstol kuéra ha ñemoñe'ẽhára kuéra, ha opa umi Tupã Ñandejára rehegua kuéra; ocondenávo ichupe Tupã Ñandejára ojapo peẽme justicia.

Apocalípsis 18:24

Upe ciudádpe ojejuhu va'ekue umi ñemoñe'ẽhára kuéra ha umi Tupã Ñandejára rehegua kuérava ha opa umi ojejuka va'ekue ko yvy ári ruguy.

Apocalípsis 19:2

ha'e oporojuzga rehe hekopete ha añete háicha, ha ojuzga pe kuña rekovaípe omboheko vaipa va'ekue yvypóra kuérape pe heko ky'akuépe, ha ovenga hese umi Tupã Ñandejára rembiguái ojejuka va'ekue ipo rupi.

Apocalípsis 3:10

Ha'e kuri, ndéve ne paciencia haguã ha upéicha rejapo. Upéva rehe añangarekóta nde rehe pe jehasa asy guasu árape oútava yvy ári, oipy'ara'ã haguã yvypóra kuérape.

Apocalípsis 3:7

Emoĩ ñe'ẽ kuatia rehe pe iglésia Filadélfiape oĩva rembijokuái peguarã: “Péicha he'i pe Imarangatuetéva, pe Añetetéva, pe rey David llave oguerekóva, pe oipe'áva ha avave ikatu'ỹva omboty, ha omboty ramo avave ndaikatúi oipe'a.