Apocalípsis 6:1 - Ñandeyara Ñe'ẽ

¹ Ha ahecha pe Ovecha Ra'y oipe'a ramo umi siete sello tenonderéva, ha ahendu peteĩva umi irundy oikovéva oñe'ẽ ramo ára sunúicha ha he'i: --¡Eju ha ehecha!

Tûpâ Ñandeyára 1913

¹ Ja ajecha guaú pe Ovecha Raŷ oipea ramo peteî umi siete iñapytîjáva, ja ajendu guau peteî umi irundy oicovévagui jei ramo oñeêva ára sunúicha: Peyó!

Ñandejára Ñe’ẽ

¹ Upéi ahecha pe Ovecha ra'y ojokaha umi 7 séllo apytégui pe tenondegua, ha ahendu peteĩme, umi oikovéva, he'i ramo hatã ára sunúicha: “Eju!”

Ñandejara Ñe’ẽ ✟

¹ Upéi ahecha pe Ovecha ra'y ojokaha umi 7 séllo apytégui pe tenondegua, ha ahendu peteĩme, umi oikovéva, he'i ramo hatã ára sunúicha: “Eju!”

Ñanderuete Ñe’ẽ Porã 2015

¹ Ha ahecha pe Ovechara’y oñepyrũ ramo oipe’a pe ta’ãnga jopyha peteĩha, ha upevove ahendu peteĩva umi irundy tekove oikovéva apytégui he’írõ arasunu ñe’ẽpúpe: Eju.

Apocalípsis 6:1 Referencias Cruzadas

Juan 1:29

Upe ára ambuépe Juan ohecha Jesúspe oguahẽ ohóvo hendápe, ha he'i: --Kóva ha'e pe Tupã Ñandejára ovecha ra'y oipe'áva yvypóra kuéra pecado.

Apostolkuéra 4:20

Ore ro'e mante vaerã upe rohecha ha rohendu va'ekue.

Apocalípsis 11:19

Ha ojepe'a pe Tupã Ñandejára tupao yvága pegua rokẽ, ha ojehecha pe tupaópe pe árca pacto rehegua. Ha oiko aravera, tyapu, arasunu, yvyryrýi ha ho'a amandáu guasueta.

Apocalípsis 13:8

Upe mónstruope oadora yvypóra kuéra oĩ haguéicha, héra kuéra oĩ'ỹva pe kuatiañe'ẽ tekovete reheguápe ko mundo oiko ñepyrũ ramo guare guive, pe Ovecha Ra'y omano va'ekue oguerekóva.

Apocalípsis 14:2

Upéi katu ahendu peteĩ tyapu yvágagui ha'etéva ku ý guasu ryapu, ha peteĩ arasunu guasúicha, ha ha'etéva avei árpapu eta ryapu.

Apocalípsis 19:6

Ahendu avei genteta ñe'ẽicha, ý guasu ryapúicha ha arasunu guasúicha he'íva: ¡Aleluya! Oñepyrũma rehe oreina pe Ñandejára, ñande Tupã Ñandejára ipu'akapáva.

Apocalípsis 4:8

Ha umi irundyvéva seis ipepo peteĩ teĩ, ha henyhẽte teságui okávo ha hyepývo; ha ára ha pyharépe he'i: Santo, santo, santo, Tupã Ñandejára ipu'akapáva, pe ha'e va'ekue voi, ha'éva, ha ou vaerã.

Apocalípsis 5:1

Ha pe trónope oguapýva po akatúape ahecha peteĩ kuatiañe'ẽ apakuapýicha, oĩva hese ñe'ẽ hyepývo ha okávo ha oñembotýva siete séllope.

Apocalípsis 5:12

ha hatã he'i: Pe Ovecha Ra'y ojejuka va'ekuépe ija ohupitývo pe pu'aka ha mba'eta, arandu ha mbarete, terakuãguasu, ñembotuicha ha ñemomba'eguasu.

Apocalípsis 5:8

Ha ojapyhy rire pe kuatiañe'ẽ apakuapy, umi irundy oikovéva ha umi veinticuatro karai kuéra oñesũ pe Ovecha Ra'y renondépe, ha peteĩ teĩ umi karai kuéra oguereko hi'árpa ha oguereko avei copa oroguiguáva henyhẽtéva inciénsogui, ha'éva hína umi Tupã Ñandejára rehegua kuérava oración.

Apocalípsis 6:3

Ha pe Ovecha Ra'y oipe'ávo pe sello mokõiha, ahendu pe mokõiha oikovévape he'i: --¡Eju ha ehecha!

Apocalípsis 6:5

Ha pe Ovecha Ra'y oipe'ávo pe sello mbohapyha, ahendu pe mbohapyha oikovévape he'i: --¡Eju ha ehecha! Ha ama'ẽvo, ahecha peteĩ kavaju hu, ha pe oguapýva hi'ári oguereko peteĩ balanza ipópe.

Apocalípsis 6:7

Pe Ovecha Ra'y oipe'ávo pe sello irundyha, ahendu pe irundyha oikovéva he'i: --¡Eju ha ehecha!

Apocalípsis 8:1

Pe Ovecha Ra'y oipe'ávo pe siete selloha pe kuatiañe'ẽ apakuapýgui, oñekirirĩmbaite yvágape media hora rupi.