Apocalípsis 5:9 - Ñandeyara Ñe'ẽ

⁹ Ha opurahéi joa peteĩ purahéi ipyahúva he'íva: Ndéve ija rejapyhývo pe kuatiañe'ẽ apakuapy ha reipe'a umi iséllo kuéra, rejejuka hague rehe, ha nde ruguýpe ore jogua va'ekue Tupã Ñandejára peguarã, opaichagua tribu, ñe'ẽ, tetã ha tetãygua,

Tûpâ Ñandeyára 1913

⁹ Ja opurajei peteî purajeimi ipyajúva jeivo: Iya Ndeve reipyjŷvo pe cuatia ñeê apacuapyré, ja reipeávo iñapytîjá nde reyeyucá jague reje, ja reyogua jague reje Tûpâ Ñandeyára peguârâ Nde ruguŷetéetépe opaichagua jeŷicuerava, ja opaichagua ñeê rejeveguape, ja opa ybypóra cuérava ja opa tetâ-ŷ-gua rejeguape,

Ñandejára Ñe’ẽ

⁹ Ha opurahéi joa ko purahéi pyahu: “Ndéve ija rejapyhy ha reipekávo pe kuatia apakuapy ha rejoka umi séllo, nde niko reñemomarangatu vaekue; ha reñohẽvo nde ruguy, renohẽ mba'e vaígui, Tupãme guarã, tekove opaichagua, opáicha oñe'ẽva, opa táva ha tetã.

Ñandejara Ñe’ẽ ✟

⁹ Ha opurahéi joa ko purahéi pyahu: “Ndéve ija rejapyhy ha reipekávo pe kuatia apakuapy ha rejoka umi séllo, nde niko reñemomarangatu vaekue; ha reñohẽvo nde ruguy, renohẽ mba'e vaígui, Tupãme guarã, tekove opaichagua, opáicha oñe'ẽva, opa táva ha tetã.

Ñanderuete Ñe’ẽ Porã 2015

⁹ Ha opurahéi hikuái peteĩ purahéi pyahu he’íva: Ndémante ikatu erecibi pe kuatiañe’ẽ ha rejora ha’ãnga jopyhakuéra, rejejuka haguére orejogua hag̃ua Ñanderuetépe g̃uarã nde ruguy rupi, opaichagua tetãygua ha tríbu apytégui ha opaite ñe’ẽ ha tetãnguéra apytégui.

Apocalípsis 5:9 Referencias Cruzadas

Matéo 20:28

Upéicha avei che kuimba'éicha aju va'ekue yvy ári ndajúi aporojokuái haguã, ajejokuaiuka haguãnte uvei ha ame'ẽ haguã che rekove heta repyrã ramo.

Matéo 26:28

kóva niko che ruguy, omoañetéva pe che kuave'ẽmby pyahu, oñeñohẽva héra rehehápe pecado kuéra ñeperdonarã.

Apostolkuéra 20:28

Upéva rehe, peñangareko pende jehe voi ha peñangareko opa umi oñembyatýva rehe, pene moĩ haguépe Espíritu Santo peñangareko haguã umi Ñandejára Jesucristo iglésia pegua rehe, ha'e ojogua va'ekue huguy teete rupi.

1 Corintoyguakuérape 6:20

Tupã Ñandejárape pende jogua va'ekue hepy rehe. Upéva rehe pemomba'eguasu vaerã Tupã Ñandejárape pende retépe ha pende espíritupe.

1 Corintoyguakuérape 7:23

Tupã Ñandejára pende jogua va'ekue hepy rehe, ani peheja oñembojára pende rehe yvypóra.

Efesoyguakuérape 1:7

Ha'e niko ñande salva va'ekue ita'ýra ruguy rupi, operdona pype ñande pecado kuéra, tuichaite niko pe imborayhu.

Efesoyguakuérape 5:19

Peñe'ẽ oñondive kuéra salmo, himno, purahéi yvága pegua kuérava rupi, pepurahéi ha pemomba'eguasúvo pende py'aite guive Ñandejárape.

Colosayguakuérape 1:14

Ha'e niko ñande salva huguy rupi, ha operdonamba ñande pecado kuéra.

Colosayguakuérape 1:23

Ha upevarã tekotevẽ pepyta hatã pe jeroviápe, peñembohapo ha ani pemýi pe peha'arõvagui pe ñe'ẽ salvación rehegua pehendu va'ekue rupi. Upéva upe ñe'ẽ niko pe evangelio oñemoherakuã va'ekue opaite henda rupi ko yvy ári, ha che, Pablo, amoherakuãva.

Títope 2:14

Ha'e ome'ẽ va'ekue hekove ñande rayhupápe, ñande pe'a haguã opa mba'e ivaívagui ha ñane mopotĩ haguã imba'e teerã, hakate'ỹva tembiapo porã rehe.

hebreoyguakuerape 11:14

ha umi upéicha he'íva, oikuaauka oikoha hetã nguéra teerã rekávo.

2 Pédro 2:1

Oĩ va'ekue avei ñemoñe'ẽhára japu Israel retãygua kuéra apytépe, ha upéicha oĩ vaerã avei mbo'ehára japu pende apytépe. Umíva oporombo'e vaerã ñemiháme iñakãgui kuéra mba'e oporombyaíva rehe, ha onega vaerã hikuái Ñandejárape hekove ome'ẽ va'ekue hese kuérape jepe, ha upéva rehe oñehundi pya'eve vaerã.

1 Juan 1:7

Jaiko ramo tesapeha rendýpe katu, pe Tupã Ñandejára oĩ háicha tesape rendýpe, upéicharamo ñaime oñondive kuéra peteĩ py'ápe ha Ta'ýra Jesucristo ruguy ñane mopotĩ opa ñande pecádogui.

1 Juan 2:2

Jesucristo ete voi niko imano rupi oipe'a ñande pecado kuéra ha na ñande heguíri añó, opavave yvypóra pecado kuéra avei.

Apocalípsis 10:11

Upéi he'i hikuái chéve: --Reñemoñe'ẽ jevy vaerã Tupã Ñandejára rérape heta yvy arigua kuéra rehe guarã, tetã nguéra, umi oñe'ẽva opaichagua ñe'ẽme ha mburuvicha guasu kuéra rehe guarã.

Apocalípsis 11:9

Ha oime yvypóra kuéra, tribu, ñe'ẽ ha tetãygua kuérava, ohecha vaerã hetekue kuéra tres días ý medio pukukue ha ndohejái vaerã oñeñotỹ.

Apocalípsis 13:7

Ojeheja avei ichupe oñorairõ umi Tupã Ñandejára reheguáva ndive, ha ipu'aka hese kuéra, ha oñeme'ẽ ichupe autoridad opa tribu, ha tetãygua, ha ñe'ẽ ha tetã nguéra ári.

Apocalípsis 13:8

Upe mónstruope oadora yvypóra kuéra oĩ haguéicha, héra kuéra oĩ'ỹva pe kuatiañe'ẽ tekovete reheguápe ko mundo oiko ñepyrũ ramo guare guive, pe Ovecha Ra'y omano va'ekue oguerekóva.

Apocalípsis 14:6

Ha ahecha otro ángel ovevéva pe yvága mbyte rehe, oguerekóva pe evangelio salvación rehegua tapia guarãva omoherakuã haguã yvypóra kuérape, opa tetã nguéra tribu, ñe'ẽ ha tetãyguápe.

Apocalípsis 15:3

Ha opurahéi hikuái pe Moisés Tupã Ñandejára rembiguái purahéi, ha pe Ovecha Ra'y purahéi, he'íva: Tuicha ha iporãite niko opa umi ne rembiapokue, Tupã Ñandejára nde pu'akapáva; hekópe ha añetete niko nde rape kuéra, nde tetã nguéra Ruvicha guasuvete.

Apocalípsis 17:15

Pe ángel he'i avei chéve: --Umi mar kuéra rehecha va'ekue, pe kuña reko vai oguapyha, umíva ha'e hína tetãygua kuéra, genteta, ñe'ẽ ha tetã nguéra.

Apocalípsis 4:11

Ore Jára ha ore Tupã Ñandejára, ndéve añoite ija opavave ne mbotuicha, ne momba'eguasu ha ne mbopu'akapa, nde rejapopa hague rehe opa mba'e, ha ne rembipota rupi oiko ha oñemoingo va'ekue opa oĩva.

Apocalípsis 5:12

ha hatã he'i: Pe Ovecha Ra'y ojejuka va'ekuépe ija ohupitývo pe pu'aka ha mba'eta, arandu ha mbarete, terakuãguasu, ñembotuicha ha ñemomba'eguasu.

Apocalípsis 5:6

Ha ahecha pe trónope ha umi irundy oikovéva ha umi karai kuéra mbytépe, peteĩ Ovecha Ra'y ojejuka va'ekuéicha, oñembo'ýva hína, hatĩ ha hesáva siete, ha umi hesa niko umi siete Tupã Ñandejára espíritus oñemondo va'ekue opárupi yvy ári.