Apocalípsis 5:6 - Ñandeyara Ñe'ẽ

⁶ Ha ahecha pe trónope ha umi irundy oikovéva ha umi karai kuéra mbytépe, peteĩ Ovecha Ra'y ojejuka va'ekuéicha, oñembo'ýva hína, hatĩ ha hesáva siete, ha umi hesa niko umi siete Tupã Ñandejára espíritus oñemondo va'ekue opárupi yvy ári.

Tûpâ Ñandeyára 1913

⁶ Upei catu ajecha guaú iyapytepe cuera pe mburuvicha guasu guapyjá, ja umi irundy oicovéva paûme, ajecha peteî Ovecha Raŷ oñemboŷva jina umi ituyáva paûme oyeyuca vaecueicha siete jatîva ja siete jesáva Tûpâ Ñandeyára Espiritu sieteve umiva oñemondopyré oparupi co ybyari.

Ñandejára Ñe’ẽ

⁶ Ha upe jave, pe guapyha ha umi oikovéva, ha umi karai myakãhára mbytépe, ahecha peteĩ Ovecha ra'y. Oñembo'y vaicha, ha ojekuaa ojejuka hague. 7 hatĩ ha 7 hesa, ha umíva hína umi 7 Tupã espíritu oñemondo vaekue yvy ári.

Ñandejara Ñe’ẽ ✟

⁶ Ha upe jave, pe guapyha ha umi oikovéva, ha umi karai myakãhára mbytépe, ahecha peteĩ Ovecha ra'y. Oñembo'y vaicha, ha ojekuaa ojejuka hague. 7 hatĩ ha 7 hesa, ha umíva hína umi 7 Tupã espíritu oñemondo vaekue yvy ári.

Ñanderuete Ñe’ẽ Porã 2015

⁶ Ha ahecha pe guapyhaguasu ha umi irundy tekove oikovéva ha umi 24 karai anciáno mbytépe oñembo’yvahína peteĩ Ovecha ra’y ojejukava’ekuéicha, Ha’e 7 hatĩ ha 7 hesa, ko’ãva ningo 7 Ñanderuete Pytu Porãite oñemboúva opaite yvy ape ári.

Apocalípsis 5:6 Referencias Cruzadas

Lúcas 1:69

Omopu'ãvo ñandéve hembiguái David rehegua kuéra apytégui peteĩ ñande Salvaharã ipu'aka mbaretéva.

Juan 1:29

Upe ára ambuépe Juan ohecha Jesúspe oguahẽ ohóvo hendápe, ha he'i: --Kóva ha'e pe Tupã Ñandejára ovecha ra'y oipe'áva yvypóra kuéra pecado.

Juan 1:36

ohasa ramo Jesús upérupi. Ohechávo Juan ichupe, he'i: --Péva ha'e pe Tupã Ñandejára ovecha ra'y.

Apostolkuéra 8:32

Pe Kuatiañe'ẽ Marangatu olee va'ekue hína kóva: Ovecháicha ojereraha ojejuka haguãme; ha ku ovecha ra'y okirirĩ háicha umi ohague'óva ichupe renondépe, upéicha ha'e ndoipe'ái ijuru.

Apocalípsis 1:4

Che, Juan, amoĩ ko'ã ñe'ẽ kuatia rehe umi siete iglésia oĩva Ásiape. Tupã Ñandejárape ha'éva, ha'e va'ekue voi, ha ou vaerã, ha umi siete espíritu oĩva itrono renondépe, ha Jesucristo, pe testigo fiel, mborayhu ha py'aguapy toĩ penendive. Jesucristo niko pe oikove jevy va'ekue tenonderã omanóva apytégui, yvy arigua mburuvicha guasu kuéra Ruvicha. Ha'e ñande rayhu ha ñane mopotĩ va'ekue ñande pecado kuéragui huguýpe,

Apocalípsis 12:11

Ha ha'e kuéra ipu'aka va'ekue hese pe Ovecha Ra'y ruguy rupi ha pe ñe'ẽ hese omoherakuã va'ekue rupi, ha na hakate'ỹi va'ekue hekove kuéra rehe, tekotevẽta ramo jepe omano.

Apocalípsis 13:8

Upe mónstruope oadora yvypóra kuéra oĩ haguéicha, héra kuéra oĩ'ỹva pe kuatiañe'ẽ tekovete reheguápe ko mundo oiko ñepyrũ ramo guare guive, pe Ovecha Ra'y omano va'ekue oguerekóva.

Apocalípsis 14:1

Upéi ama'ẽ, ha ahecha pe Ovecha Ra'y oñembo'y hína pe Sión cerro ári, ha hendive oĩ ciento cuarenta ý cuatro mil oguerekóva isyva rehe kuéra pe Ovecha Ra'y ha pe Itúva réra.

Apocalípsis 17:14

Oñorairõ vaerã pe Ovecha Ra'y ndive, ha pe Ovecha Ra'y ipu'aka vaerã hese kuéra, ha'e ha'égui karai kuéra Jára ha mburuvicha kuéra Ruvicha, ha umi oĩvape hendive Tupã Ñandejára ohenói ha oiporavo va'ekue, ha jeroviaha ha'e kuéra.

Apocalípsis 21:22

Ndahechái ipype tupao, Ñandejára, pe Tupã Ñandejára ipu'akapáva ha pe Ovecha Ra'y voi pe ciudad tupao.

Apocalípsis 21:23

Pe ciudad noikotevẽi kuarahy terã jasy resape rehe, pe Tupã Ñandejára resapekue voi ohesapégui ichupe, ha pe Ovecha Ra'y voi hesapehára.

Apocalípsis 22:1

Ha upéi pe ángel ohechauka chéve peteĩ río pe hi'y oporomoingovéva, hesakãva cristálcha, osẽva pe Tupã Ñandejára ha pe Ovecha Ra'y trónogui.

Apocalípsis 22:3

Ndaiporivéima vaerã upépe mba'eve ñemaldeci pyre. Pe Tupã Ñandejára ha pe Ovecha Ra'y trono oĩta upe ciudádpe, ha hembiguái kuéra omomba'eguasu vaerã ichupe.

Apocalípsis 4:8

Ha umi irundyvéva seis ipepo peteĩ teĩ, ha henyhẽte teságui okávo ha hyepývo; ha ára ha pyharépe he'i: Santo, santo, santo, Tupã Ñandejára ipu'akapáva, pe ha'e va'ekue voi, ha'éva, ha ou vaerã.

Apocalípsis 5:11

Upéi ama'ẽ, ha ahendu heta ángel kuéra ñe'ẽ. Umi ángel kuéra oĩ pe trono ha umi oikovéva ha umi karai kuéra jerekuévo. Ha oĩ millones ha millones ha'e kuérava,

Apocalípsis 5:12

ha hatã he'i: Pe Ovecha Ra'y ojejuka va'ekuépe ija ohupitývo pe pu'aka ha mba'eta, arandu ha mbarete, terakuãguasu, ñembotuicha ha ñemomba'eguasu.

Apocalípsis 5:13

Ha ahendu avei opa umi mba'e ojejapo va'ekuépe, oĩva yvágape, yvy ári, yvyguýpe, márpe ha opa umi mba'e ipype kuéra oĩva, he'i ramo: Pe trónope oguapývape ha pe Ovecha Ra'ýpe, toñemomba'eguasu, toñemoherakuã, toñembotuicha ha toñembopu'aka, tapia guarã.

Apocalípsis 5:14

Ha umi irundy oikovéva he'i: --¡Ta upéicha! Ha umi veinticuatro karai kuéra oñesũ ha omomba'eguasu Tupã Ñandejárape.

Apocalípsis 6:16

Ha he'i umi cerro ha umi itápe: --Pe'a ore ári, ha ore ñomi pe oguapýva pe trónope renondégui, ha pe Ovecha Ra'y pochy ipohyietévagui.