Apocalípsis 4:5 - Ñandeyara Ñe'ẽ

⁵ Ha pe trónogui osẽ ára vera, tyapu ha ára sunu, ha pe trono renondépe ohesape siete tata rendy, umíva ha'e umi siete Tupã Ñandejára espíritu.

Tûpâ Ñandeyára 1913

⁵ Ja sapyaite pe mburuvicha guasu guapyjá gui osê araverá, ja sapucai, ja osunu ja oime siete tataendy jendŷva upe mburuvicha guasu guapyjá renondepe, Tûpâ Ñandeyára sieteve Espiritu umiva.

Ñandejára Ñe’ẽ

⁵ Pe guapyhágui osẽ ára tiri, ñe'ẽ ha ára sunu, ha henondépe katu ohesape 7 tata'y rendy, umíva hína umi 7 Tupã Espíritu.

Ñandejara Ñe’ẽ ✟

⁵ Pe guapyhágui osẽ ára tiri, ñe'ẽ ha ára sunu, ha henondépe katu ohesape 7 tata'y rendy, umíva hína umi 7 Tupã Espíritu.

Ñanderuete Ñe’ẽ Porã 2015

⁵ Ha pe guapyhaguasúgui osẽ aratiri, ñe’ẽpu ha arasunu; ha 7 tataindy ohesape pe guapyhaguasu renondépe, umíva ha’e umi 7 Ñanderuete Pytu Porãite.

Apocalípsis 4:5 Referencias Cruzadas

Matéo 25:1

Upérõ pe reino yvága pegua ha'ete vaerã diez kuñatai ojapyhýva hesapehára kuéra acéitepe hendýva ha oje'óĩva mendahápe omoirũ haguã pe menarãme.

Matéo 3:11

Che niko añete pobautiza ýpe peñearrepenti hague rehe, pe oúva che rapykuéri katu pende bautizáta Espíritu Santo ha tatápe. Ha'e ko ipu'akaiteve che hegui, upéicha rupi chéve ndaijái isapatúnte jepe araha haguã ichupe.

Apostolkuéra 2:3

ha ojechauka ichupe kuéra ku, tatarendýicha oguejýva peteĩ teĩ hi'ári kuéra,

Apocalípsis 1:4

Che, Juan, amoĩ ko'ã ñe'ẽ kuatia rehe umi siete iglésia oĩva Ásiape. Tupã Ñandejárape ha'éva, ha'e va'ekue voi, ha ou vaerã, ha umi siete espíritu oĩva itrono renondépe, ha Jesucristo, pe testigo fiel, mborayhu ha py'aguapy toĩ penendive. Jesucristo niko pe oikove jevy va'ekue tenonderã omanóva apytégui, yvy arigua mburuvicha guasu kuéra Ruvicha. Ha'e ñande rayhu ha ñane mopotĩ va'ekue ñande pecado kuéragui huguýpe,

Apocalípsis 10:3

Ha osapukái hatã, ku león okororõ háicha, ha osapukáivo, siete arasunu oñehendu.

Apocalípsis 11:19

Ha ojepe'a pe Tupã Ñandejára tupao yvága pegua rokẽ, ha ojehecha pe tupaópe pe árca pacto rehegua. Ha oiko aravera, tyapu, arasunu, yvyryrýi ha ho'a amandáu guasueta.

Apocalípsis 3:1

Emoĩ ñe'ẽ kuatia rehe pe iglésia Sárdispe oĩva rembijokuái peguarã: “Péicha he'i pe oguerekóva umi siete Tupã Ñandejára espíritu ha umi siete estrellas: Che aikuaa ne rembiapokue, ha aikuaa remanoha ne rerakuã ramo jepe reikoveha.

Apocalípsis 5:6

Ha ahecha pe trónope ha umi irundy oikovéva ha umi karai kuéra mbytépe, peteĩ Ovecha Ra'y ojejuka va'ekuéicha, oñembo'ýva hína, hatĩ ha hesáva siete, ha umi hesa niko umi siete Tupã Ñandejára espíritus oñemondo va'ekue opárupi yvy ári.

Apocalípsis 8:5

Upévo pe ángel omyenyhẽ pe incensario pe altar pegua tata ratágui, ha ohekuavo pe yvy ári, ha oiko arasunu, tyapu, aravera ha yvyryrýi.