Apocalípsis 3:7 - Ñandeyara Ñe'ẽ

⁷ Emoĩ ñe'ẽ kuatia rehe pe iglésia Filadélfiape oĩva rembijokuái peguarã: “Péicha he'i pe Imarangatuetéva, pe Añetetéva, pe rey David llave oguerekóva, pe oipe'áva ha avave ikatu'ỹva omboty, ha omboty ramo avave ndaikatúi oipe'a.

Tûpâ Ñandeyára 1913

⁷ Ja umi Iglesia rejegua Filadelfiapegua rerecuápe eréucá cuatia ñeême: Cova pe jeiucáva pe Imarangatúva, pe Jaeteva, pe David rokê mbotyjá rerecuá, Upe oipeava ja ndipori imbotŷjárâ, ja Upe ombotŷva ja ndipori ipeájárâ.

Ñandejára Ñe’ẽ

⁷ Emoĩ avei kuatiáre Filadelfia pegua iglésiape guarã: “Kóicha he'i pe imarangatúva ha añeteguáva, pe mburuvicha guasu David rokẽ pe'aha oguerekóva, pe oipe'áva ku avave oipe'a kuaa'ỹva ha omboty ramo avave ndaikatúi oipe'a.

Ñandejara Ñe’ẽ ✟

⁷ Emoĩ avei kuatiáre Filadelfia pegua iglésiape guarã: “Kóicha he'i pe imarangatúva ha añeteguáva, pe mburuvicha guasu David rokẽ pe'aha oguerekóva, pe oipe'áva ku avave oipe'a kuaa'ỹva ha omboty ramo avave ndaikatúi oipe'a.

Ñanderuete Ñe’ẽ Porã 2015

⁷ Ehai pe Filadélfia iglésia rembijokuáipe g̃uarã: Péicha he’i pe Heko Porãitéva, pe Añeteguáva, pe oguerekóva tetã ruvicha guasu David lláve, oipe’áva pe okẽ ha avave ndaikatúiva omboty, Ha’e omboty rire avave ndaikatúi oipe’a jey.

Apocalípsis 3:7 Referencias Cruzadas

Matéo 16:19

Ame'ẽta ndéve pe reino yvága pegua rokẽ pe'aha; ha upe nde reñapytĩva ko yvy ári oñeñapytĩ vaerã opytávo yvágape avei, ha opa upe nde rejoráva ko yvy ári ojejora vaerã avei yvágape.

Matéo 24:35

Yvága ha yvy opa vaerã, che ñe'ẽ katu tapia guarã.

Márcos 1:24

--¿Mba'épa rereko orendive, Jesús Nazareno? ¿Rejúpa ore rundívo? Aikuaa mávapa nde. Nde ko Tupã Ñandejára Remimbou Marangatu.

Lúcas 1:32

Ha'e mba'e guasúta; ha oñembohérata pe Yvatetegua Ra'y; ha Tupã Ñandejára omboguapýta ichupe rey ramo túva ypykue Davídpeicha;

Lúcas 4:34

--Ore rejána; ¿mba'e piko rereko orendive Jesús Nazareno? ¿Rejúpa ore rundívo? Che roikuaa mávapa nde, ndéko Tupã Ñandejára Remimbou Marangatu.

Juan 14:6

Jesús he'i ichupe: --Che ha'e pe tape, ha che ha'e pe añete ha che ha'e avei pe tekovete. Che rupi mante ikatu oñeguahẽ che Ru rendápe.

Apostolkuéra 3:14

Peẽ katu penega pe Imarangatu ha Imba'e porãvape, ha pejerure ojepoi haguã peẽme peteĩ oporojuka va'ekue,

1 Juan 5:20

Jaikuaa avei Tupã Ñandejára Ra'y ou hague, ha ome'ẽ hague ñandéve akã porã jaikuaa haguã pe Tupã Ñandejára añetetévape. Ñaime pe Tupã Ñandejára añetetévape ñaimégui peteĩ py'ápe Ta'ýra Jesucristo ndive. Ha'e niko pe Tupã Ñandejára añetetéva, ha pe tekove tapia guarãva.

Apocalípsis 1:11

ha he'íva: --Che ha'e Alfa ha Omega, he'iséva pe iñepyrũha ha ipaha. Emoĩ peteĩ kuatiañe'ẽme pe rehecháva, ha erahauka umi siete iglésia Asia peguápe: Efésope, Esmírnape, Pérgamope, Tiatírape, Sárdispe, Filadélfiape ha Laodicéape.

Apocalípsis 1:18

ha pe oikovéva. Amano va'ekue, opáichavo, ko'ãga aikove tapia guarã, ha areko pe mano ha umi omanóva renda rehegua llave kuéra.

Apocalípsis 15:3

Ha opurahéi hikuái pe Moisés Tupã Ñandejára rembiguái purahéi, ha pe Ovecha Ra'y purahéi, he'íva: Tuicha ha iporãite niko opa umi ne rembiapokue, Tupã Ñandejára nde pu'akapáva; hekópe ha añetete niko nde rape kuéra, nde tetã nguéra Ruvicha guasuvete.

Apocalípsis 16:7

Ahendu avei pe altar guive he'íva: --Upéicha niko, nde Tupã Ñandejára ipu'akapáva reporojuzga niko añete ha hekopete.

Apocalípsis 19:11

Ha ahecha pe yvága rokẽ ojepe'a, ha osẽ peteĩ kavaju morotĩ, ha pe oguapýva hi'ári héra Fiel ha Verdadero, hekopete oporojuzga ha oñorairõva.

Apocalípsis 19:2

ha'e oporojuzga rehe hekopete ha añete háicha, ha ojuzga pe kuña rekovaípe omboheko vaipa va'ekue yvypóra kuérape pe heko ky'akuépe, ha ovenga hese umi Tupã Ñandejára rembiguái ojejuka va'ekue ipo rupi.

Apocalípsis 2:1

Emoĩ ñe'ẽ kuatia rehe pe iglésia Efésope oĩva rembijokuái peguarã: “Péicha he'i pe oguerekóva umi siete estrellas ipo akatúape, ha oikóva umi siete candelero oroguigua mbyte rupi:

Apocalípsis 21:5

Upéramo pe trónope oguapy va'ekue hína he'i: --Péina che ambopyahupa opa mba'e. He'i avei: --Emoĩ kuatia rehe, añete rehe ko'ã ñe'ẽ ha ikatu rehe jajerovia hese kuéra.

Apocalípsis 3:14

Emoĩ ñe'ẽ kuatia rehe pe iglésia Laodicéape oĩva rembijokuái peguarã: “Péicha he'i pe Añetetéva, pe testigo fiel iñe'ẽ añetéva, opa umi mba'e Tupã Ñandejára ojapo va'ekue ñepyrũhare:

Apocalípsis 4:8

Ha umi irundyvéva seis ipepo peteĩ teĩ, ha henyhẽte teságui okávo ha hyepývo; ha ára ha pyharépe he'i: Santo, santo, santo, Tupã Ñandejára ipu'akapáva, pe ha'e va'ekue voi, ha'éva, ha ou vaerã.

Apocalípsis 5:9

Ha opurahéi joa peteĩ purahéi ipyahúva he'íva: Ndéve ija rejapyhývo pe kuatiañe'ẽ apakuapy ha reipe'a umi iséllo kuéra, rejejuka hague rehe, ha nde ruguýpe ore jogua va'ekue Tupã Ñandejára peguarã, opaichagua tribu, ñe'ẽ, tetã ha tetãygua,

Apocalípsis 6:10

Ha umíva hatã he'i: --¿Araka'e pevépa, Ñandejára marangatu, ne añetéva ne ñe'ẽme, nderejuzga ha nerevenga mo'ãi ore ruguy oñeñohẽ va'ekue yvypóra kuéra po rupi?