Apocalípsis 3:4 - Ñandeyara Ñe'ẽ

⁴ Opáichavo, rereko Sárdispe mbovymi omongy'a'ỹ va'ekue ijao, ha umíva oiko vaerã chendive ao morotĩ reheve, upéicha omerecégui.

Tûpâ Ñandeyára 1913

⁴ Upeicharamo yepe rereco gueteri Sardispe mbobymi téra omonguŷá-ŷ-vaecue iyao: umiva oicone Chendive iyao morôtí vaerâ: iya voi ichupecuera upeicharâ.

Ñandejára Ñe’ẽ

⁴ Upe Sárdispe, rereko jepe umi nomongy'ái vaekue ijao. Ha'e kuéra oikóne che ndive iñemondeha morotĩ reheve, hembiapo kuerakue ojerurégui upéva.

Ñandejara Ñe’ẽ ✟

⁴ Upe Sárdispe, rereko jepe umi nomongy'ái vaekue ijao. Ha'e kuéra oikóne che ndive iñemondeha morotĩ reheve, hembiapo kuerakue ojerurégui upéva.

Ñanderuete Ñe’ẽ Porã 2015

⁴ Rereko jepe Sárdespe mbovymi nomongy’aiva’ekue ijao, ha umía oikova’erã chendive ao morotĩ reheve, hembiapo porã ojerurégui péicha.

Apocalípsis 3:4 Referencias Cruzadas

Matéo 10:11

‘Pe ciudad terã pueblo peikehápe peheka ikatu vaerã rehe pejerovia ha pepyta hógape peho jevy peve.

Márcos 16:5

Ha oike hikuái pe sepultúrape, ha ohecha peteĩ karia'y oguapýva hína pe akatúa kotyo, ijao morotĩmbáva, ha tuichaite oñemondýi hikuái.

Lúcas 20:35

opáichavo umi oikove jevýva upe jeikove jevyha árape omanóva apytégui ha ohupitýva pe tekove ambue katu nomenda mo'ãvéima ha nomomenda mo'ãvéima tajýra kuéra,

Lúcas 21:36

Peimembáke, aipóramo, peñembo'e opa árape, ani haguã ou pende ári ko'ã mba'e ojehu vaerã, ha ikatu haguã peime pe kuimba'éicha ou va'ekue yvy ári renondépe.

Apostolkuéra 1:15

Umiha árape opu'ã Pedro Jesús remimbo'e kuéra apytépe, ha ciento veinte rupi umi oñembyaty va'ekue, ha he'i:

2 Tesalonicayguakuérape 1:5

Ko'ã mba'e rupi ojehechauka pe Tupã Ñandejára oporojuzgaha hekopete ha ijaha peẽme peike haguã pe Tupã Ñandejára réinope, upéva rehe niko pehasa asy peína.

Júdas 1:23

Ambuépe peipytyvõ, peipe'a tatágui, ha ambuevépe katu peiporiahuvereko kyhyjepópe, opáichavo, pe ao heko vai kuéra rupi omongy'a va'ekuégui jepe pejeguaru vaerã.

Apocalípsis 1:11

ha he'íva: --Che ha'e Alfa ha Omega, he'iséva pe iñepyrũha ha ipaha. Emoĩ peteĩ kuatiañe'ẽme pe rehecháva, ha erahauka umi siete iglésia Asia peguápe: Efésope, Esmírnape, Pérgamope, Tiatírape, Sárdispe, Filadélfiape ha Laodicéape.

Apocalípsis 11:13

Ha upe jave oiko peteĩ yvyryrýi guasu, ha la décima parte pe ciudad ho'apa, ha pe yvyryrýi ojuka siete mílpe. Umi ambue kuéra katu okyhyjepa opytávo, ha omomba'eguasu Tupã Ñandejára yvága peguápe.

Apocalípsis 14:4

Ko'ãva ha'e umi oiko'ỹ va'ekue kuña ndive, omenda'ỹ va'ekue, omoirũva pe Ovecha Ra'ýpe mamo ohohápe. Ko'ãva ojesalva va'ekue yvypóra kuéra apytégui ofrenda tenonderãgua ramo Tupã Ñandejára peguarã ha pe Ovecha Ra'y peguarã.

Apocalípsis 19:14

Ha umi ejército yvága pegua oñemondéva lino iporãvéva, morotĩ ha ipotĩvape, oho hapykuéri kavaju morotĩ ári.

Apocalípsis 19:8

ha oñepermiti ichupe oñemonde ao lino iporãvévape, ipotĩ ha omimbipáva. Pe lino fino niko umi Tupã Ñandejára reheguáva rekovekue marangatu.

Apocalípsis 3:18

Upéva rehe, che ha'e ndéve rejogua haguã che hegui óro tatápe oñemopotĩ va'ekue, añetehápe nde rico haguã, ha che hegui rejogua haguã ao morotĩ reñemonde haguã ani haguã ojehecha nde opivoha, mba'e oporomotĩva; ha colirio remoĩ haguã nde resápe rehecha haguã.

Apocalípsis 3:5

Pe ovencéva oñemonde vaerã ao morotĩme ha ndaipe'ái chéne héra kuéra pe kuatiañe'ẽ tekovete reheguágui, amombe'u vaerã uvei pe héra che Ru ha hi'ángel kuéra renondépe:

Apocalípsis 4:4

Ha upe trono jerekuévo oĩve veinticuatro trono ha umíva ári oguapy veinticuatro karai kuéra oñemondéva ao morotĩme ha corona oroguiguáva iñakã rehe kuéra.

Apocalípsis 6:11

Ha oñeme'ẽ ichupe kuéra ao morotĩ, ha oje'e ichupe kuéra opytu'u sapy'amivénte haguã gueteri ojejukapa peve umi iñehermano kuéra, Cristo rembijokuái, ojejuka vaerã avei ha'e kuéra ojejuka haguéicha.

Apocalípsis 7:9

Ko'ã mba'e rire ama'ẽ, ha ahecha peteĩ atyguasu, avave ikatu'ỹ vaerã oipapa, opa tetã, ha tetãygua, ha tribu, ha ñe'ẽ rehegua, oñembo'ýva hína pe trono ha pe Ovecha Ra'y renondépe, oñemondéva ao morotĩme ha oguerekóva pindo rogue ipópe kuéra.