Apocalípsis 3:21 - Ñandeyara Ñe'ẽ

²¹ Pe ovencévape amboguapýta chendive che trónope, pe che avence haguéicha ha aguapy che Ru ndive itrónope.

Tûpâ Ñandeyára 1913

²¹ Upe ogueropuacavape ameêne oguapy jaguâ Chendive añembo tuvicha jápe che aropuaca jagueicha avei ja aguapy jagueicha Che Ru ndive oñembotuvichajápe Jae.

Ñandejára Ñe’ẽ

²¹ Umi ipu'aka ha osẽ porãvape, ame'ẽta hendaguã che guapyhápe, che pu'aka ha asẽ porã haguéicha ha aguapy che Ru ndive iguapyhápe.

Ñandejara Ñe’ẽ ✟

²¹ Umi ipu'aka ha osẽ porãvape, ame'ẽta hendaguã che guapyhápe, che pu'aka ha asẽ porã haguéicha ha aguapy che Ru ndive iguapyhápe.

Ñanderuete Ñe’ẽ Porã 2015

²¹ Upe ombopoguýva mba’evai Che amboguapýta ichupe chendive che guapyhaguasúpe, Che ambopoguy haguéicha mba’evai ha ko’ág̃a aguapy’aína avei Ñanderuete ndive iguapyhaguasúpe.

Apocalípsis 3:21 Referencias Cruzadas

Matéo 19:28

Jesús he'i ichupe kuéra: --Añetehápe ha'e peẽme, upeha árape opa mba'e oñembopyahu jevypávo, pe kuimba'éicha ou va'ekue yvy ári oguapy vaerã itrono omimbipávape, ha peẽ che moirũ va'ekue peguapy vaerã avei doce trónope pejuzga haguã umi doce tribus Israel reheguápe.

Matéo 25:21

Pe karai he'i ichupe: “Iporãite, nde ha'e tembiguái imba'e porã ha jeroviaháva; ha jeroviaha rehe nde pe michĩmíme, amoĩta nde poguýpe hetaiteve. Eike ha javy'a chendive.”

Matéo 28:18

Upérõ Jesús oñemboja hendápe kuéra ha he'i ichupe kuéra: --Oñeme'ẽmba chéve autoridad yvágape ha yvýpe.

Lúcas 22:30

pekaru ha pey'u haguã che mesápe che réinope; ha peguapy haguã mburuvicha guapyhápe pejuzga haguã umi doce tribus Israel reheguápe.

Juan 13:32

Ha che ahechauka ramo pe Tupã Ñandejára gloria, Tupã Ñandejára che glorificáta avei chéve, ha pya'e ojapóta.

Juan 16:33

Ha'éko peẽme opa ko'ã mba'e pende py'aguapy haguã pejerovia rupi che rehe. Peẽ peiko asy vaerã ko yvy ári, opáichavo, ani pekyhyje, che che pu'aka va'ekue ko mundo rehe ha amoĩ va'ekue ko mundo che poguýpe.

2 Timotéope 2:12

jahasa asykuaa ramo, ñareina vaerã avei hendive. Ñanega ramo ichupe katu, ha'e ñane nega vaerã avei.

Apocalípsis 1:6

ha ojapo ñande hegui rey ha pa'i, jaservi haguã Tupã Ñandejárape Túvape. Pe ñemomba'eguasu ha pe pu'aka ta imba'e tapia guarã. Amén.

Apocalípsis 12:11

Ha ha'e kuéra ipu'aka va'ekue hese pe Ovecha Ra'y ruguy rupi ha pe ñe'ẽ hese omoherakuã va'ekue rupi, ha na hakate'ỹi va'ekue hekove kuéra rehe, tekotevẽta ramo jepe omano.

Apocalípsis 17:14

Oñorairõ vaerã pe Ovecha Ra'y ndive, ha pe Ovecha Ra'y ipu'aka vaerã hese kuéra, ha'e ha'égui karai kuéra Jára ha mburuvicha kuéra Ruvicha, ha umi oĩvape hendive Tupã Ñandejára ohenói ha oiporavo va'ekue, ha jeroviaha ha'e kuéra.

Apocalípsis 2:7

Pe ijapysáva, tohendu pe Espíritu Santo he'íva umi iglésia kuérape: Umi ovencévape ha'ukáta pe yvyra máta oikovévagui oĩva Tupã Ñandejára paraísope.”

Apocalípsis 20:4

Ha ahecha trono kuéra, ha umi oguapývape hi'ári kuéra oñeme'ẽ autoridad oporojuzga haguã. Ahecha avei umi oñeñakã'o va'ekue ánga kuéra omoherakuã hague rehe Jesús réra ha Tupã Ñandejára ñe'ẽ, umi oadora'ỹ va'ekue pe mónstruope terã ha'angápe, ha ndohejái va'ekue oñemoĩ pe monstruo marca isyva terã ipo rehe; ha oikove jevy, ha oreina Cristo ndive mil años.

Apocalípsis 20:6

Imarangatu ha ovy'a vaerã pe oikove jevýva pe tenonderãgua jeikove jevýpe, pe mano mokõi jevyha nda ipu'akái hese kuéra, Tupã Ñandejára ha Cristo pa'i kuéra vaerã uvei ha'e kuéra, ha oreina vaerã hendive mil años.

Apocalípsis 5:10

ha rejapo ore hegui rey ha pa'i ore Tupã Ñandejára peguarã, ha roguerekóta autoridad ko yvy ári.

Apocalípsis 6:2

Ha ama'ẽvo, ahecha peteĩ kavaju morotĩ, ha pe oguapýva hi'ári oguereko peteĩ arco ipópe, ha oñeme'ẽ ichupe peteĩ corona, ha ovence osẽvo, oporovenceve haguã.

Apocalípsis 7:17

Pe Ovecha Ra'y oĩva pe trono mbytépe oñangareko va'erãgui hese kuéra ovecha rerekuáicha, ha ogueraha va'erãgui ichupe kuéra omboy'u haguã yvu oporomoingovéva rupi, ha Tupã Ñandejára omokãmba vaerã tesay heságui kuéra.