Apocalípsis 3:12 - Ñandeyara Ñe'ẽ

¹² Pe ovencévape, amoĩta columna ramo che Tupã Ñandejára tupaópe, ha opyta vaerã upépe tapia guarã, ha hese amoĩta che Tupã réra ha pe che Tupã ciudad réra, pe Jerusalén pyahu oguejýva yvágagui, che Tupã Ñandejára rendágui, ha amoĩta avei hese che réra pyahu.

Tûpâ Ñandeyára 1913

¹² Upe ogueropuacávape amoingóne iyocojarâ ramo Che Tûpâ Ñandeyára tûpâópeguarâ ja jae nosêvéi chene upegui máramo. Ja Che amoîne jese pe Che Tûpâ Ñandeyára réra ja pe Che Tûpâ Ñandeyára retâ réra, co Jerusalem ipyajúva ogueyŷtava oúva yva guive Che Tûpâ Ñandeyára guivo, ja amoîne avei jese Che réra pyajú.

Ñandejára Ñe’ẽ

¹² Umi osẽ porãvagui ajapóta horkon ojokóva Tupã che Jára róga, ha araka'evéma nosẽ mo'ãvéi upégui. Ha hese kuéra amoĩta Tupã che Jára réra, ha pe Tupã che Jára táva réra, Jerusalén pyahu oúva yvágagui, Tupã che Járagui. Ha amoĩta avei hese kuéra che réra pyahu.

Ñandejara Ñe’ẽ ✟

¹² Umi osẽ porãvagui ajapóta horkon ojokóva Tupã che Jára róga, ha araka'evéma nosẽ mo'ãvéi upégui. Ha hese kuéra amoĩta Tupã che Jára réra, ha pe Tupã che Jára táva réra, Jerusalén pyahu oúva yvágagui, Tupã che Járagui. Ha amoĩta avei hese kuéra che réra pyahu.

Ñanderuete Ñe’ẽ Porã 2015

¹² Upe ombopoguýva mba’evai Che ajapóta ichugui peteĩ horcon che Ruete iglésiaguasúpe, ha araka’eve ndojepe’amo’ãi hendágui ha Che ahaíta hese Che Ruete réra ha Che Ruete táva réra, ko táva kóva ningo Jerusalen, oguejýtava yvágagui, ha hese ahaíta avei Che réra pyahu.

Apocalípsis 3:12 Referencias Cruzadas

Márcos 12:16

Ha ogueru hikuái, ha Jesús he'i ichupe kuéra: --¿Máva ra'anga piko kóva ha pe téra hese oĩva? --César mba'e, he'i ha'e kuéra ichupe.

Galaciayguakuérape 2:9

Ha upéicha Jacobo, Pedro ha Juan, ojerereko va'ekue poromohenondehára ramo, ohechakuaa hikuái Tupã Ñandejára ome'ẽ hague chéve ko mba'e tuichaitéva, ha ore popyhy che ha Bernabépe. Ojapo hikuái upéva ohechaukávo rojuayhuha, ha roimeha peteĩ ñe'ẽme ore roho haguã romba'apo umi Israelita'ỹva apytépe ha ha'e kuéra katu oje'ói haguã umi Israelítavape.

Efesoyguakuérape 3:15

opa umi imba'e kuérava yvága ha yvýpe oñembohérava hérape.

hebreoyguakuerape 12:22

Peẽ katu peguahẽ pe Sión cérrope ha pe Tupã Ñandejára oikovéva ciudádpe, Jerusalén yvága pegua ha ángel kuéra ikatu'ỹva jaipapapa rendápe,

hebreoyguakuerape 13:14

Ko yvy ári niko ndajarekói peteĩ ciudad tapia guarãva, ñaha'arõ uvei pe ciudad oútava.

1 Juan 4:4

Che ra'y kuéra, peẽ niko Tupã Ñandejára mba'e, ha pende pu'aka umi tekove japu rehe, ipu'akavégui pe Espíritu oĩva pende pype pe espíritu umi yvypórape oĩvagui.

Apocalípsis 14:1

Upéi ama'ẽ, ha ahecha pe Ovecha Ra'y oñembo'y hína pe Sión cerro ári, ha hendive oĩ ciento cuarenta ý cuatro mil oguerekóva isyva rehe kuéra pe Ovecha Ra'y ha pe Itúva réra.

Apocalípsis 17:14

Oñorairõ vaerã pe Ovecha Ra'y ndive, ha pe Ovecha Ra'y ipu'aka vaerã hese kuéra, ha'e ha'égui karai kuéra Jára ha mburuvicha kuéra Ruvicha, ha umi oĩvape hendive Tupã Ñandejára ohenói ha oiporavo va'ekue, ha jeroviaha ha'e kuéra.

Apocalípsis 2:11

Pe ijapysáva tohendu pe Espíritu Santo he'íva umi iglésia kuérape: Umi ovencéva rehe ndojapo mo'ãi mba'eve pe mano mokõiha.”

Apocalípsis 2:17

Pe ijapysáva, tohendu pe Espíritu Santo he'íva umi iglésia kuérape: Pe ovencévape ha'ukáta pe maná ñeñongatuhápe oĩvagui, ha ame'ẽta ichupe peteĩ ita morotĩ, ha oĩta hese peteĩ téra pyahu avave oikuaa'ỹva, upe oguerekótava mante.

Apocalípsis 2:7

Pe ijapysáva, tohendu pe Espíritu Santo he'íva umi iglésia kuérape: Umi ovencévape ha'ukáta pe yvyra máta oikovévagui oĩva Tupã Ñandejára paraísope.”

Apocalípsis 21:2

Ha ahecha pe ciudad marangatu, pe Jerusalén pyahu, oguejýva yvágagui, Tupã Ñandejára renondégui, oñembosako'íva tembirekorã ojeguáva imenarãme guarãicha.

Apocalípsis 22:4

Ha ohecha vaerã hikuái Tupã Ñandejára rova, ha héra oĩta isyva rehe kuéra.

Apocalípsis 3:5

Pe ovencéva oñemonde vaerã ao morotĩme ha ndaipe'ái chéne héra kuéra pe kuatiañe'ẽ tekovete reheguágui, amombe'u vaerã uvei pe héra che Ru ha hi'ángel kuéra renondépe: