Apocalípsis 22:6 - Ñandeyara Ñe'ẽ

⁶ Upéi pe ángel he'i chéve: --Ko'ã ñe'ẽ añetegua, ha ikatu jajerovia hese kuéra. Ha Ñandejára, pe Tupã Ñandejára ete voi oñe'ẽ va'ekue umi ñemoñe'ẽhára kuérape, ombou hi'ángel ohechauka haguã hembiguái kuérape umi mba'e voi ojehútava.

Tûpâ Ñandeyára 1913

⁶ Upei catu jae jei cheve: Coa ñeê oyererovia vaerâ añeteguáva, ja pe Ñandeyára umi ñemoñeêjára ânga Tûpâ Ñandeyára ombou jembiyocuai yvapeguape oicuaaucá jaguâ umi jembiguaipe coambae oyeju voiete vaerâjá,

Ñandejára Ñe’ẽ

⁶ Pe Tupã remimbou he'i chéve: “Ko'ã ñe'ẽ ko'ãva añetegua meme ha ikatu jajerovia hese. Ñandejára, pe Tupã omoarandúva maranduhára kuérape, omondo hembiguái ohechauka haguã hembiguái kuéra yvy ári guápe mba'épa ojehúta vokoieténte.”

Ñandejara Ñe’ẽ ✟

⁶ Pe Tupã remimbou he'i chéve: “Ko'ã ñe'ẽ ko'ãva añetegua meme ha ikatu jajerovia hese. Ñandejára, pe Tupã omoarandúva maranduhára kuérape, omondo hembiguái ohechauka haguã hembiguái kuéra yvy ári guápe mba'épa ojehúta vokoieténte.”

Ñanderuete Ñe’ẽ Porã 2015

⁶ Uperire pe yvága rembiguái he’i chéve: Ko’ã ñe’ẽ añete ha katuete oikopáta hekoitépe, ha Ñandejára Ñanderuete, umi proféta pytukuéra Jára, ohechauka ijyvága rembiguái rupi hembiguaikuérape umi mba’e ojehu pya’eva’erãva.

Apocalípsis 22:6 Referencias Cruzadas

Matéo 13:41

Pe kuimba'éicha ou va'ekue ko yvy ári omondóta hi'ángel kuéra ombyaty ha oipe'a haguã iréinogui opa umi oporombopeca ha ojapóvape ivaíva.

Lúcas 1:70

He'i haguéicha ymaite guive umi iñemoñe'ẽhára kuéra marangatu juru rupi;

Lúcas 16:16

‘Pe ley Moisés rupi guare ha umi ñemoñe'ẽhára ñe'ẽngue, Juan Bautista peve; upe guive katu oñemoherakuã pe Tupã Ñandejára reino rehegua evangelio, ha pe oikeséva ipype oñeha'ã mbarete.

Apostolkuéra 12:11

Upérõ Pedro ohechakuaa ha he'i: --Ko'ãga aikuaa añeteha Ñandejára ombou hague hi'ángel che pe'a haguã Herodes pógui ha opa umi mba'e ojapose va'ekuégui che rehe umi Israelita.

Apostolkuéra 3:18

Opáichavo, pe Tupã Ñandejára omoherakuã va'ekue ymaite guive umi ñemoñe'ẽhára kuéra juru rupi, pe Hemimbou, Cristo, ohasa asy vaerã hague, upéicha ojapo.

Romayguakuérape 1:2

Tupã Ñandejára ymaite guive ome'ẽ va'ekue iñe'ẽ, ko salvación rehegua ñe'ẽ rehe, Kuatiañe'ẽ Marangatúpe ñemoñe'ẽhára kuéra rupi,

1 Corintoyguakuérape 14:32

Umi ñemoñe'ẽhára ojejokokuaa vaerã.

1 Corintoyguakuérape 7:29

Che ryvy kuéra, kóva niko pe che ha'eséva: Mbykýma pe ára ñandéve, upéva rehe umi omendáva toiko omenda'ỹ ramo guáicha,

2 Tesalonicayguakuérape 1:7

ha ome'ẽvo peẽ pehasa asývape pytu'u orendive Ñandejára Jesucristo ojehechauka ha'ára oúvo yvágagui hi'ángel kuéra ipu'akaitéva ndive,

hebreoyguakuerape 12:9

Ha upéi avei, ñane mitãme ñande ru kuéra yvy arigua ñane rekombo'e va'ekue, ha ñamomba'e va'ekue ichupe kuéra, ¿ha piko mba'e rehe nañañemoĩ mo'ãi ñande Ru yvága pegua poguýpe jaikove haguã tapia guarã?

2 Pédro 1:21

umi ñemoñe'ẽhára noñemoñe'ẽi va'ekue ojehegui kuéra reínte. Umi kuimba'e marangatu oñe'ẽ va'ekue uvei Tupã Ñandejára rérape pe Espíritu Santo ombo'e haguéicha ichupe kuéra.

2 Pédro 3:2

pene mandu'a haguã umi mba'e he'i va'ekue rehe yma umi ñemoñe'ẽhára marangatu, ha umi apóstol pene mbo'e va'ekue Ñandejára ñande Salvador he'i va'ekue rehe.

Apocalípsis 1:1

Ko'ã mba'e Tupã Ñandejára ohechauka va'ekue Jesucrístope, ha'e oikuaauka haguã hembiguái kuérape umi mba'e voi oiko vaerã. Jesucristo oikuaauka va'ekue ko'ã mba'e hembiguái Juánpe hi'ángel rupi,

Apocalípsis 18:20

Pevy'a upe ojehu va'ekue rehe ichupe, yvága, ha peẽ apóstol kuéra ha ñemoñe'ẽhára kuéra, ha opa umi Tupã Ñandejára rehegua kuéra; ocondenávo ichupe Tupã Ñandejára ojapo peẽme justicia.

Apocalípsis 19:9

Ha pe ángel he'i chéve: --Emoĩ kuatia rehe: “Ovy'a vaerã umi oñeconvidáva pe Ovecha Ra'y mendaha arete peguarã.” Ha he'i chéve: --Ko'ãva ha'e Tupã Ñandejára ñe'ẽ añetetegua.

Apocalípsis 21:5

Upéramo pe trónope oguapy va'ekue hína he'i: --Péina che ambopyahupa opa mba'e. He'i avei: --Emoĩ kuatia rehe, añete rehe ko'ã ñe'ẽ ha ikatu rehe jajerovia hese kuéra.

Apocalípsis 21:9

Ha ou che rendápe peteĩva umi siete ángel kuéra oguereko va'ekue umi siete copa henyhẽtéva umi siete plaga ipaha peguágui, ha he'i chéve: --Eju, ha tahechauka ndéve pe tembirekorã, pe Ovecha Ra'y rembireko.

Apocalípsis 22:1

Ha upéi pe ángel ohechauka chéve peteĩ río pe hi'y oporomoingovéva, hesakãva cristálcha, osẽva pe Tupã Ñandejára ha pe Ovecha Ra'y trónogui.

Apocalípsis 22:16

--Che, Jesús, amondo va'ekue che ángel aikuaauka haguã opa ko'ã mba'e umi iglésia kuérape. Che ha'e pe rey David ypykue ha pe iñemoñare, ha che ha'e avei pe estrella omimbíva ko'ẽjúvo.

Apocalípsis 22:7

--¡Nda hi'arevéima ajúvo! ¡Ovy'a vaerã pe iñe'ẽrendúva pe Tupã Ñandejára ñe'ẽ ko kuatiañe'ẽme oĩvape!

Apocalípsis 4:1

Ko'ã mba'e rire ama'ẽ ha ahecha peteĩ okẽ ojepe'áva yvágape, ha pe ñe'ẽ trompeta púichava ahendu tenonde va'ekue, he'i chéve: --Ejupi ko'ápe, ha ahechaukáta ndéve umi mba'e ojehu vaerã ko'ã mba'e rire.