Apocalípsis 22:19 - Ñandeyara Ñe'ẽ

¹⁹ Ha oime ramo oipe'áva ko Tupã Ñandejára ñe'ẽ oĩvagui ko kuatiañe'ẽme, Tupã Ñandejára oipe'a vaerã ichupe pe tekovete rehegua kuatiañe'ẽgui, ha pe ciudad marangatúgui, ha umi mba'e ko kuatiañe'ẽme oĩvagui.

Tûpâ Ñandeyára 1913

¹⁹ Ja oime ramo omboíva mbae coa ñeê tenonderâ nguârâ co cuatiápe oiva gui Tûpâ Ñandeyára omboíne ichugui pe iya vaerâ ichupe pe ybyra râcâ oporo moingovéva gui, ja pe jenda rângue pe teta imarangatuva peguape, coa voi umimbae oyeéva co cuatia ñeême.

Ñandejára Ñe’ẽ

¹⁹ Ha oimérõ oipe'áva ko tenondeve rehegua marandúgui, oĩva ko kuatiápe, Tupã oipe'áta chugui imba'éva pe jeikove rehegua yvyrágui, ha pe táva marangatúgui, ha opa mba'e ko kuatiápe ojehaiháicha.

Ñandejara Ñe’ẽ ✟

¹⁹ Ha oimérõ oipe'áva ko tenondeve rehegua marandúgui, oĩva ko kuatiápe, Tupã oipe'áta chugui imba'éva pe jeikove rehegua yvyrágui, ha pe táva marangatúgui, ha opa mba'e ko kuatiápe ojehaiháicha.

Ñanderuete Ñe’ẽ Porã 2015

¹⁹ ha oimeraẽ oipe’áva ñe’ẽ ko kuatiañe’ẽgui Ñanderuete oipe’áta avei héra pe tekovete kuatiañe’ẽgui ha pe távagui oñemboykéva Ñanderuetépe g̃uarã, ojehai háicha ko kuatiañe’ẽ kóvape.

Apocalípsis 22:19 Referencias Cruzadas

Lúcas 11:52

‘¡Angái peẽ Tupã Ñandejára ley rehe peporombo'éva! Peñemomba'e hague rehe pe mba'ekuaa llave rehe; peẽ voi opáichavo ndapeikéi ha umi oikeséva hína pejoko.

Apocalípsis 1:3

Ovy'a vaerã pe oleéva ha umi ohendúva ko'ã Tupã Ñandejára ñe'ẽ ha omomba'éva ko kuatiañe'ẽme oĩva, hi'aguĩmagui pe ára.

Apocalípsis 11:2

Pe korapy oĩva pe tupao rokárape katu ani reha'ã, oñeme'ẽgui umi Israelita'ỹvape, umíva opyrũta pe ciudad marangatu rehe cuarenta ý dos meses pukukue.

Apocalípsis 13:8

Upe mónstruope oadora yvypóra kuéra oĩ haguéicha, héra kuéra oĩ'ỹva pe kuatiañe'ẽ tekovete reheguápe ko mundo oiko ñepyrũ ramo guare guive, pe Ovecha Ra'y omano va'ekue oguerekóva.

Apocalípsis 14:13

Ha ahendu peteĩ ñe'ẽ yvágagui he'íva: --Emoĩ kuatia rehe: “Ovy'a vaerã umi ko'águi rire omanóva, Ñandejára Jesucristo rehe ojeroviáva.” He'ẽ, upéicha he'i pe Espíritu Santo, opytu'u vaerã hembiapo kuéragui, ha hembiapo kuerakue omoirũ vaerã ichupe kuéra.

Apocalípsis 2:11

Pe ijapysáva tohendu pe Espíritu Santo he'íva umi iglésia kuérape: Umi ovencéva rehe ndojapo mo'ãi mba'eve pe mano mokõiha.”

Apocalípsis 2:26

Pe ovencévape ha ojapóva che rembipota ipaha peve, amoĩta tetã nguéra ipoguýpe che Ru omoĩ haguéicha che poguýpe, ha omanda pohýita hese kuéra fierro oguereko ramo guáicha ipópe, ojokapáta mba'yru ñai'ũguiguáicha.

Apocalípsis 2:7

Pe ijapysáva, tohendu pe Espíritu Santo he'íva umi iglésia kuérape: Umi ovencévape ha'ukáta pe yvyra máta oikovévagui oĩva Tupã Ñandejára paraísope.”

Apocalípsis 21:2

Ha ahecha pe ciudad marangatu, pe Jerusalén pyahu, oguejýva yvágagui, Tupã Ñandejára renondégui, oñembosako'íva tembirekorã ojeguáva imenarãme guarãicha.

Apocalípsis 21:5

Upéramo pe trónope oguapy va'ekue hína he'i: --Péina che ambopyahupa opa mba'e. He'i avei: --Emoĩ kuatia rehe, añete rehe ko'ã ñe'ẽ ha ikatu rehe jajerovia hese kuéra.

Apocalípsis 22:12

--Nda hi'arevéima ajúvo, ha arúta pe premio ame'ẽ vaerã peteĩ teĩme hembiapokue rehe.

Apocalípsis 22:2

Pe ciudad calle mbytépe, ha pe río rembe'y mokõivépe, oĩ pe yvyra máta oporomoingovéva, doce hi'áva, cada mes peteĩ, ha umi hoguekue katu tetã nguéra pohãguã.

Apocalípsis 22:7

--¡Nda hi'arevéima ajúvo! ¡Ovy'a vaerã pe iñe'ẽrendúva pe Tupã Ñandejára ñe'ẽ ko kuatiañe'ẽme oĩvape!

Apocalípsis 3:12

Pe ovencévape, amoĩta columna ramo che Tupã Ñandejára tupaópe, ha opyta vaerã upépe tapia guarã, ha hese amoĩta che Tupã réra ha pe che Tupã ciudad réra, pe Jerusalén pyahu oguejýva yvágagui, che Tupã Ñandejára rendágui, ha amoĩta avei hese che réra pyahu.

Apocalípsis 3:21

Pe ovencévape amboguapýta chendive che trónope, pe che avence haguéicha ha aguapy che Ru ndive itrónope.