Apocalípsis 21:8 - Ñandeyara Ñe'ẽ

⁸ Umi ipy'amirĩva, umi oguerovia'ỹva, umi heko ky'áva, umi oporojukáva, umi ojoguerekóva menda'ỹ rehe, umi paje apoha, umi omomba'eguasúva ta'anga, ha opa umi ijapúvape katu, oñemondo vaerã pe lago hendývape tata ha azúfrepe, upéva ha'e pe mano mokõiha.

Tûpâ Ñandeyára 1913

⁸ Oime ramo ipyamimiva ja oyerovia-ŷ-já ja itayasúva, ja oporoyucava, ja itieŷva, ja ipayéva ja mbae rei raângâ rerecua, ja umi iyapúva, umiape iyáne oñemojenda jaguâ pe tata ja itáycú jendyjápe.

Ñandejára Ñe’ẽ

⁸ Umi ipy'a mirĩva katu, umi ojerovia'ỹva, umi oporombojeguarúva, oporojukáva, heko ky'áva, umi ojapóva paje, omomba'e guasúva ta'ãnga, ha opa umi ijapúva, umíva ohóta ho'a pe asúfre rupa ratápe, ñemano mokõiháva hína.”

Ñandejara Ñe’ẽ ✟

⁸ Umi ipy'a mirĩva katu, umi ojerovia'ỹva, umi oporombojeguarúva, oporojukáva, heko ky'áva, umi ojapóva paje, omomba'e guasúva ta'ãnga, ha opa umi ijapúva, umíva ohóta ho'a pe asúfre rupa ratápe, ñemano mokõiháva hína.”

Ñanderuete Ñe’ẽ Porã 2015

⁸ Umi ipy’amirĩva, umi opiáva pende Ruete rapégui, umi heko ky’áva, umi oporojukáva, umi oikóva oñondive omenda’ỹre (heko ky’áva), umi paje apoha, umi omomba’eguasúva ambue jára ra’ãngápe ha opaite ijapúvape oñemombova’erã upe lágo tataguiguápe, hendyhápe avei azúfre, kóva ningo pe ñemano mokõiha.

Apocalípsis 21:8 Referencias Cruzadas

Matéo 10:28

Ani pekyhyje umi tete ojukávagui, ha ikatu'ỹva ojuka pene ánga; pekyhyje uvei upe ikatúvagui ohundi pene ánga ha pende rete Aña retãme.

Matéo 25:25

Upéva rehe akyhyje ha aha añomi yvy guýpe pe nde plata. Kóina ápe upe ne mba'éva.”

Matéo 8:26

Jesús katu he'i ichupe kuéra: --¿Mba'érehe piko pekyhyje ete?, ¡pejerovia'i eterei niko! Upévove opu'ã Jesús ha okorói pe yvytu ha pe ýpe, ha opi pe yvytu ha oguapy pe ý.

Márcos 9:44

yso kuéra omano'ỹháme, ha tata máramo ndoguéi.

Juan 8:44

Pende ru niko Aña; ha peẽ imba'e, ha pejapose hembipota. Aña niko porojukahára va'ekue iñepyrũha guive, ha ijapu eterei ha ndaiporiete pe añeteguamíva ipype. Oñe'ẽ ramo japu mante he'i; ijapúgui ha japu rúgui voi ha'e.

2 Tesalonicayguakuérape 2:9

Pe tekove tie'ỹ niko Satanás remimbou, oguahẽ vaerã tuicha pu'aka ha techaukarã ha milagro japu reheve.

1 Timotéope 4:2

Ohendu vaerã umi tekove rova mokõi ha ijapúvape, ipy'apy anduve'ỹmava ku hierro kaigue renda guéicha.

Títope 1:16

He'i oikuaaha Tupã Ñandejárape, pe hembiapo kuéra rehe katu ojekuaa he'i reiha. Ko'ã tekove niko ipy'aro ha opu'ã reise hapicháre, ndojaposéi voi mba'eve iporãva.

hebreoyguakuerape 12:24

ha Jesús pe pacto pyahu pegua abogado rendápe, ha pe huguy oñehẽ va'ekue, oñe'ẽva mba'e iporãvéva rehe Abel ruguýgui.

hebreoyguakuerape 13:4

Opavavéke tomomba'e pe imendare, ha umi omendáva ani oñemongy'a ambue ndive; Tupã Ñandejára ojuzga vaerã umi ojoguerekóvape menda'ỹ rehe ha umi omongy'ávape imendare.

1 Juan 2:22

¿Mba'épa aipóramo, pe japu? Japu niko hína ku oje'e ramo Jesús ndaha'eiha pe Cristo. Upéva he'íva ijapu ha upéva ha'e hína pe anticristo, omomba'e'ỹva pe Túvape ha Ta'ýrape upéichante avei.

1 Juan 3:15

Oimeraẽva ija'e'ỹva iñehermano rehe, porojukahára ha peẽ peikuaa pe porojukahára ndoguerekoiha pe tekove tapia guarãva ipype.

1 Juan 5:10

Pe ojeroviáva Tupã Ñandejára Ra'y rehe oguereko pe kuaaukapyre ipype voi, pe oguerovia'ỹva Tupã Ñandejárape katu ombojapu ichupe, ndogueroviái hague rehe pe Tupã Ñandejára he'i va'ekue oikuaaukávo Ta'ýra reheguáva.

Apocalípsis 14:10

ho'u vaerã avei pe vino ojehe'a'ỹva Tupã Ñandejára pochy ipohyietéva rehegua, oñemoĩ va'ekue pe ipochy ryrúpe; ha oñeatormenta vaerã tata ha azúfrepe ángel kuéra marangatu ha pe Ovecha Ra'y renondépe.

Apocalípsis 19:20

Ha pe monstruo ojeapresa, ha hendive upe ñemoñe'ẽhára japu ojapo va'ekue techapyrã imilágrova pe monstruo renondépe. Umíva umi techapyrã rupi pe ñemoñe'ẽhára japu ombotavy va'ekue umi omoĩuka va'ekuépe ojehe pe monstruo marca ha oadora va'ekue pe monstruo ra'anga. Pe monstruo ha pe ñemoñe'ẽhára japu ojeity hekove reheve pe lago tata ha azufre reheve opupúvape.

Apocalípsis 2:11

Pe ijapysáva tohendu pe Espíritu Santo he'íva umi iglésia kuérape: Umi ovencéva rehe ndojapo mo'ãi mba'eve pe mano mokõiha.”

Apocalípsis 2:2

Che aikuaa ne rembiapokue ha remba'apo pohyiha ha ne pacienciaha; ha aikuaa ndaikatuiha rerokirirĩ umi tekove vaípe. Aikuaa reñeha'ã hague reikuaa haguã umi he'ívape ojehe apostolha ha rejuhu ndaha'eiha ha ijapuha.

Apocalípsis 21:27

Ndoike va'erãi ipype araka'eve mba'eveichagua mba'e ky'a, terã avave heko ky'a terã ijapúva, umi oĩva héra kuéra pe Ovecha Ra'y kuatiañe'ẽ tekovete reheguápe mante.

Apocalípsis 22:15

Umi oguerovia'ỹva, umi paje apoha, umi ojoguerekóva menda'ỹ rehe, umi oporojukáva, umi omomba'eguasúva ta'angápe, ha opa umi ohayhúva ha oikóva japúpe katu opyta vaerã okápe.

Apocalípsis 9:17

Ha upéicha ahecha che páype che képe ramoguáicha, umi kavaju ha umi hi'arigua kuéra oguereko ipyti'a kuéra rehe peteĩ coraza pytãva, hovýva ha sa'yjúva. Ha umi kavaju kuéra akã, león akãicha, ha ijuru kuéragui osẽ tata, tatatĩ ha azufre.

Apocalípsis 9:21

Noñearrepentíri avei oporojukave'ỹ haguã, ojeheja haguã ipaje kuéragui, hekovai kuéragui ha imonda kuéragui.