Apocalípsis 21:6 - Ñandeyara Ñe'ẽ

⁶ Upéi he'i chéve: --Oikopáma. Che ha'e pe Alfa ha Omega, he'iséva pe iñepyrũha ha pe ipaha. Pe ijyuhéivape, che amboy'u vaerã pe yvuguigua ý oikovévagui, reiete.

Tûpâ Ñandeyára 1913

⁶ Jei avei: Oicopáma jecope. Che pe Alfa ja pe Omega, Che pe iñypyrumby ja Che pe ipajá. Oime ramo iyŷujéiva ameêne jepy-ŷ-reje joŷu jaguâ pe ŷ cuaguigua ŷ oporo moingovéva.

Ñandejára Ñe’ẽ

⁶ Upéi he'i chéve: “Oĩma. Che hína pe alfa ha pe oméga, pe iñepyrũha ha ipaháva. Ijyuhéivape reiete amboy'úta jeikove rehegua yvúgui.

Ñandejara Ñe’ẽ ✟

⁶ Upéi he'i chéve: “Oĩma. Che hína pe alfa ha pe oméga, pe iñepyrũha ha ipaháva. Ijyuhéivape reiete amboy'úta jeikove rehegua yvúgui.

Ñanderuete Ñe’ẽ Porã 2015

⁶ Ha he’ive chéve: Oikopáma, Che ningo ha’e pe “a” ha pe “zéta” pe ñepyrũ ha pe paha. Che amboy’úta pe ijy’uhéivape pe y yvuguigua oikovévagui, ha reiete Che ame’ẽta ko y kóva.

Apocalípsis 21:6 Referencias Cruzadas

Juan 4:10

Upérõ Jesús he'i ichupe: --Reikuaa rire pe Tupã Ñandejára ome'ẽva, ha mávapa pe ojeruréva ndéve ý, katuete nde rejerure vaerã mo'ã chéve, ha che ame'ẽ vaerã mo'ã ndéve ý oikovéva.

Juan 4:11

Pe kuña he'i Jesúspe: --Karai, ndererekói niko mba'épepa renohẽnte jepe haguã pe ý, ha pe ykua ipypuku. ¿Mamógui piko renohẽta pe ý oikovéva?

Juan 4:14

pe hoy'úva pe ý che ame'ẽvagui ichupe katu máramo nda ijyuheivéima vaerã. Pe ý che ame'ẽva ichupe oikótagui peteĩ yvu opupu vaerã ipype tekove apyre'ỹ meve guarã.

Romayguakuérape 3:24

Opáichavo, ojerereko ichupe kuéra hekopotĩva ramo, reiete, Tupã Ñandejára mborayhu rupi, Cristo Jesús osalva rupi ichupe kuéra.

Romayguakuérape 8:32

Tupã Ñandejára na hakate'ỹi va'ekue ñandéve Ta'ýra teete rehe jepe, ome'ẽ va'ekue uvei ichupe omano haguã ñande opavave rehe, ¿mba'éicha piko nome'ẽ mo'ãi avei ñandéve Ta'ýra ndive opa mba'e?

1 Corintoyguakuérape 2:12

Ñandéve oñeme'ẽ va'ekue ndaha'éi ko yvy arigua espíritu, pe Tupã Ñandejára Espíritunte, jaikuaa haguã umi mba'e Tupã Ñandejára ome'ẽ va'ekue ñandéve imborayhu rupi.

1 Corintoyguakuérape 3:12

ha oime ramo omopu'ãva hi'ári óro, plata terã ita hepýva, yvyra, togue piru, kapi'i,

1 Corintoyguakuérape 3:21

Upéva rehe, ke ani avave ojererovu yvypóra rehe, pene mba'epágui opa mba'e.

1 Corintoyguakuérape 3:5

¿Mba'e piko aipóramo Pablo? ¿Ha Apolos piko mba'e? Tupã Ñandejára rembiguáinte, ore kuéra rupi peẽ pejerovia va'ekue Ñandejára rehe, ha upéva avei Ñandejára ome'ẽ haguéicha oréve peteĩ teĩme ore rembiaporã.

Apocalípsis 1:11

ha he'íva: --Che ha'e Alfa ha Omega, he'iséva pe iñepyrũha ha ipaha. Emoĩ peteĩ kuatiañe'ẽme pe rehecháva, ha erahauka umi siete iglésia Asia peguápe: Efésope, Esmírnape, Pérgamope, Tiatírape, Sárdispe, Filadélfiape ha Laodicéape.

Apocalípsis 1:17

Ahechávo ichupe, ha'a ipy renondépe omanóvaicha, ha'e katu omoĩ che ári pe ipo akatúa, ha he'i chéve: --Ani rekyhyje; che ha'e pe iñepyrũha ha pe ipaha,

Apocalípsis 1:8

“Che ha'e pe Alfa ha Omega he'iséva pe iñepyrũha ha pe ipaha”, he'i Ñandejára, pe ipu'akapáva, pe ha'éva, ha'e va'ekue voi ha ou vaerã.

Apocalípsis 10:6

ha ojura pe tapia guarã oikovéva rehe, upe ojapo va'ekue yvága, yvy, mar ha opa mba'e oĩva ipype kuéra, ha he'i: --Nda hi'are mo'ãvéima,

Apocalípsis 16:17

Ha pe ángel sieteha oñohẽ pe icópa pegua yvytu rehe, ha osẽ pe trono santuario peguágui peteĩ ñe'ẽ hatãva he'íva: --Oikopáma.

Apocalípsis 22:13

Che ha'e pe tenondegua ha pe ipaha pegua, pe iñepyrũha ha pe ipaha, pe letra Alfa ha Omégaicha.

Apocalípsis 22:17

Pe Espíritu Santo, ha pe Ovecha Ra'y rembireko, he'i: --Eju. Ha pe ohendúva, te'i: --Eju. Ha pe ijyuhéiva, ha ouséva, tou ha toy'u pe ý oporomoingovévagui, reiete.

Apocalípsis 3:14

Emoĩ ñe'ẽ kuatia rehe pe iglésia Laodicéape oĩva rembijokuái peguarã: “Péicha he'i pe Añetetéva, pe testigo fiel iñe'ẽ añetéva, opa umi mba'e Tupã Ñandejára ojapo va'ekue ñepyrũhare:

Apocalípsis 7:17

Pe Ovecha Ra'y oĩva pe trono mbytépe oñangareko va'erãgui hese kuéra ovecha rerekuáicha, ha ogueraha va'erãgui ichupe kuéra omboy'u haguã yvu oporomoingovéva rupi, ha Tupã Ñandejára omokãmba vaerã tesay heságui kuéra.