Apocalípsis 21:27 - Ñandeyara Ñe'ẽ

²⁷ Ndoike va'erãi ipype araka'eve mba'eveichagua mba'e ky'a, terã avave heko ky'a terã ijapúva, umi oĩva héra kuéra pe Ovecha Ra'y kuatiañe'ẽ tekovete reheguápe mante.

Tûpâ Ñandeyára 1913

²⁷ ja mbaeveichagua mbae kya máramo ndoikeichene upepe terâ itayasúva terâ iyapúva. Umi jeracuera oiva pe Ovecha Ray cuatia ñeê umi oicovéva rejeguape umia añonte oikene.

Ñandejára Ñe’ẽ

²⁷ Ha araka'eve ndoike mo'ãi mba'eve iky'áva, ha avave ojapóva mba'e oporombojeguarúva térã oporombotavýva. Umi oguerekóva héra pe Ovecha Ra'y jeikove rehegua kuatiápe mante oikéta upépe.

Ñandejara Ñe’ẽ ✟

²⁷ Ha araka'eve ndoike mo'ãi mba'eve iky'áva, ha avave ojapóva mba'e oporombojeguarúva térã oporombotavýva. Umi oguerekóva héra pe Ovecha Ra'y jeikove rehegua kuatiápe mante oikéta upépe.

Ñanderuete Ñe’ẽ Porã 2015

²⁷ Ha ndoikemo’ãi ipype mba’eve iky’áva, hembiapo vaíva térã ijapúva, umi héra ojehaívante pe Ovechara’y tekovete rehegua kuatiañe’ẽmente oikéta ipype.

Apocalípsis 21:27 Referencias Cruzadas

Matéo 13:41

Pe kuimba'éicha ou va'ekue ko yvy ári omondóta hi'ángel kuéra ombyaty ha oipe'a haguã iréinogui opa umi oporombopeca ha ojapóvape ivaíva.

Márcos 7:2

Ha ohecha ramo ha'e kuéra Jesús remimbo'e kuérava okaruha ojepohei'ỹ rehe.

Lúcas 10:20

Opáichavo, ani pevy'a mba'epochy kuéra ojapo haguére peẽme pene ñe'ẽ, pe pende réra oñemoĩ hague rehe yvágape uvei pevy'a vaerã.

Efesoyguakuérape 5:5

Peikuaa porã vaerã kóva: mavavéva oikóva oñondive omenda'ỹ rehe, terã hembiapo ky'áva, terã oikóva hembipota tarova rapykuéri (ha'eténteva avei umi ta'angápe omomba'eguasúva) ndohupity mo'ãiha mba'eve Tupã Ñandejára ha Cristo réinope.

Filipoyguakuérape 4:3

Ha ndéve avei, che irũete, ajerure ndéve reipytyvõmí haguã ko'ã ñane reindy kuérape, ha'e kuéra niko che pytyvõ mbarete va'ekue pe evangelio ñemoherakuãme, Clemente ha umi ambue kuéraicha. Héra kuéra niko oĩ pe tekovete rehegua kuatiañe'ẽme.

1 Timotéope 1:10

umi ojoguerekóva menda'ỹ rehe terã kuimba'e kuimba'e ndive, umi kuimba'e terã kuña rerahaha, umi ijapúva ha japuhápe ojuráva peguarã. Ha pe ley oĩ avei oimeraẽva teko vai ambue peguarã, opu'ãva pe mbo'epy iporãva rehe,

hebreoyguakuerape 12:14

Peñeha'ã peiko porã opavave ndive ha peñemboheko marangatu, pe teko marangatu'ỹ rehe avave ndohecha va'erãi Ñandejárape.

2 Pédro 3:13

opáichavo, ñande ñaha'arõ ára pyahu ha yvy pyahu Tupã Ñandejára he'i haguéicha ha upépe katu opa mba'e ipotĩ ha imarangatu vaerã.

Apocalípsis 13:8

Upe mónstruope oadora yvypóra kuéra oĩ haguéicha, héra kuéra oĩ'ỹva pe kuatiañe'ẽ tekovete reheguápe ko mundo oiko ñepyrũ ramo guare guive, pe Ovecha Ra'y omano va'ekue oguerekóva.

Apocalípsis 20:12

Ahecha avei umi omano va'ekue, tuicháva ha michĩva, oñembo'y Tupã Ñandejára renondépe; ha ojepe'a umi kuatiañe'ẽ nguéra, ha ambue kuatiañe'ẽ pe tekovete rehegua kuatiañe'ẽ. Ha umi omano va'ekue ojejuzga hembiapo kuerakue rehe oĩ haguéicha umi kuatiañe'ẽme.

Apocalípsis 20:15

ha pe héra oĩ'ỹ va'ekue pe tekovete reheguápe kuatiañe'ẽme, ojeity avei upépe.

Apocalípsis 21:8

Umi ipy'amirĩva, umi oguerovia'ỹva, umi heko ky'áva, umi oporojukáva, umi ojoguerekóva menda'ỹ rehe, umi paje apoha, umi omomba'eguasúva ta'anga, ha opa umi ijapúvape katu, oñemondo vaerã pe lago hendývape tata ha azúfrepe, upéva ha'e pe mano mokõiha.

Apocalípsis 3:5

Pe ovencéva oñemonde vaerã ao morotĩme ha ndaipe'ái chéne héra kuéra pe kuatiañe'ẽ tekovete reheguágui, amombe'u vaerã uvei pe héra che Ru ha hi'ángel kuéra renondépe: