Apocalípsis 20:12 - Ñandeyara Ñe'ẽ

¹² Ahecha avei umi omano va'ekue, tuicháva ha michĩva, oñembo'y Tupã Ñandejára renondépe; ha ojepe'a umi kuatiañe'ẽ nguéra, ha ambue kuatiañe'ẽ pe tekovete rehegua kuatiañe'ẽ. Ha umi omano va'ekue ojejuzga hembiapo kuerakue rehe oĩ haguéicha umi kuatiañe'ẽme.

Tûpâ Ñandeyára 1913

¹² Upegui ajecha guau umi omano vaecuepe mîchî ja tuvichava, oñemboy ramo jina pe mburuvicha guasu guapyjá renondepe. Upei catu oyepea umi cuatia ñeê: oi avei ambue cuatia ñeê oyepea vaecue avei, pe cuatia ñeê oicovéva rejegua voi upéva. Ja umi omano vaecue oñemojenda, oijaicha umi ambue cuatia ñeême jembiapocueracue gui.

Ñandejára Ñe’ẽ

¹² Ha umi omano vaekue, michĩ ha tuicháva, oñembo'y joa pe guapyha renondépe; ha ojepeka umi kuatiañe'ẽ, ha avei ambue kuatiañe'ẽ, pe kuatiañe'ẽ jeikove rehegua. Umi omano vaekue oñembojovake hembiapo kuerakue rekoitépe ha umi mba'e oĩvare umi kuatia ñe'ẽme.

Ñandejara Ñe’ẽ ✟

¹² Ha umi omano vaekue, michĩ ha tuicháva, oñembo'y joa pe guapyha renondépe; ha ojepeka umi kuatiañe'ẽ, ha avei ambue kuatiañe'ẽ, pe kuatiañe'ẽ jeikove rehegua. Umi omano vaekue oñembojovake hembiapo kuerakue rekoitépe ha umi mba'e oĩvare umi kuatia ñe'ẽme.

Ñanderuete Ñe’ẽ Porã 2015

¹² Upéi ahecha umi omanomava’ekuépe, tuicháva ha michĩvape, oñembo’y hikuái pe guapyhaguasu renondépe, ha ojepe’a umi kuatiañe’ẽ, ojepe’a avei ambue kuatiañe’ẽ, kóva pe tekovete reheguáva, oñembojovake hag̃ua hembiapokuéra rehe, ojehai háicha umi kuatiañe’ẽme.

Apocalípsis 20:12 Referencias Cruzadas

Matéo 11:22

Upéva rehe che ha'e peẽme, pe juicio árape ipohyive va'erãha peẽme pe castigo umi Tiro ha Sidón peguápegui.

Matéo 16:27

Pe kuimba'éicha ou va'ekue yvy ári ou vaerã Túva gloria reheve ha hi'ángel kuéra ndive, ha upérõ ombyekovia vaerã peteĩ teĩme hembiapokue rehe.

Lúcas 10:20

Opáichavo, ani pevy'a mba'epochy kuéra ojapo haguére peẽme pene ñe'ẽ, pe pende réra oñemoĩ hague rehe yvágape uvei pevy'a vaerã.

Apostolkuéra 24:15

Ha ajerovia Tupã Ñandejára rehe ha'e kuéraichaite avei, omanóva oikove jevy va'erãha, imarangatúva ha imarangatu'ỹva upéichante avei.

Romayguakuérape 2:6

upe ha'e ome'ẽ va'erãha árape peteĩ teĩme hembiapokue repy.

1 Corintoyguakuérape 4:5

Upéva rehe, peha'arõ tou Ñandejára ha tomohesakãmba pe oñemíva hína pytũnguýpe ha ani peje mba'eve hi'ára guahẽ mboyve. Ñandejára ohechauka vaerã pe peteĩ teĩ py'apýpe oĩva ha upépe ae Tupã Ñandejára ome'ẽ vaerã peteĩ teĩme pe hekopeteguáva.

2 Corintoyguakuérape 5:10

Tekotevẽgui opavave jajechauka Cristo tribunálpe, peteĩ teĩme oñeme'ẽ haguã hembiapokue rehe hetépe oiko aja, hembiapo porãngue rehe terã hembiapo vaikue rehe.

Filipoyguakuérape 4:3

Ha ndéve avei, che irũete, ajerure ndéve reipytyvõmí haguã ko'ã ñane reindy kuérape, ha'e kuéra niko che pytyvõ mbarete va'ekue pe evangelio ñemoherakuãme, Clemente ha umi ambue kuéraicha. Héra kuéra niko oĩ pe tekovete rehegua kuatiañe'ẽme.

Apocalípsis 11:18

Umi tetã nguéra ipochypa, upéicharamo jepe, oguahẽ pe nde reporocastiga haguã ára, ha rejuzga haguã avei umi omano va'ekuépe ha rembyekovia haguã umi ne rembiguái kuérape, oñemoñe'ẽva nde rérape, umi imarangatúvape ha umi omomba'évape nde réra, ta ha'e tuicháva terã michĩva, ha rehundipa haguã umi ombyaívape pe yvy.

Apocalípsis 13:8

Upe mónstruope oadora yvypóra kuéra oĩ haguéicha, héra kuéra oĩ'ỹva pe kuatiañe'ẽ tekovete reheguápe ko mundo oiko ñepyrũ ramo guare guive, pe Ovecha Ra'y omano va'ekue oguerekóva.

Apocalípsis 17:8

Pe monstruo rehecha va'ekue niko peteĩ oikove va'ekue yma, ha opáichavo ndoikovevéima, ha upéicharamo jepe ojupíta pe yvykua pypukúgui oho mboyve pe oñehundi haguãme. Ha umi yvy arigua kuéra oguereko'ỹva héra pe tekovete rehegua kuatia ñe'ẽme ko mundo oiko ñepyrũ guive tuicha oñemondýi vaerã ohechávo pe monstruo yma oikove va'ekue ndoikoveveimaha, opáichavo, ou jevy vaerã.

Apocalípsis 19:5

Ha pe trono guive oñehendu peteĩ ñe'ẽ he'íva: Pemomba'eguasu ñane Tupã Ñandejárape, opa peẽ hembiguái kuéra pekyhyjéva ichugui, michĩva ha tuicháva.

Apocalípsis 2:23

ha ajukapáta imemby kuéra. Ha upéicha opa umi iglésia kuéra oikuaáta che aikuaapaha pe akã ha py'apy ruguápe oĩva, ha peteĩ teĩ peẽme kuéra ambuekoviáta pene rembiapokue rehe.

Apocalípsis 20:11

Ha ahecha peteĩ trono morotĩ guasu, ha pe oguapy va'ekuépe hína upépe, ha pe yvy ha pe yvága okañy henondégui ha ndojejuhuvéi hendague kuéra.

Apocalípsis 20:13

Ha pe márgui osẽmba umi omano va'ekue oĩ va'ekue ipype, ha pe mano ha umi omanóva oiha ome'ẽ umi oĩ va'ekue ipype kuéra, ha opavave ojejuzga peteĩ teĩ hembiapo kuerakue rehe.

Apocalípsis 20:15

ha pe héra oĩ'ỹ va'ekue pe tekovete reheguápe kuatiañe'ẽme, ojeity avei upépe.

Apocalípsis 21:27

Ndoike va'erãi ipype araka'eve mba'eveichagua mba'e ky'a, terã avave heko ky'a terã ijapúva, umi oĩva héra kuéra pe Ovecha Ra'y kuatiañe'ẽ tekovete reheguápe mante.

Apocalípsis 22:12

--Nda hi'arevéima ajúvo, ha arúta pe premio ame'ẽ vaerã peteĩ teĩme hembiapokue rehe.

Apocalípsis 3:5

Pe ovencéva oñemonde vaerã ao morotĩme ha ndaipe'ái chéne héra kuéra pe kuatiañe'ẽ tekovete reheguágui, amombe'u vaerã uvei pe héra che Ru ha hi'ángel kuéra renondépe: