Apocalípsis 2:23 - Ñandeyara Ñe'ẽ

²³ ha ajukapáta imemby kuéra. Ha upéicha opa umi iglésia kuéra oikuaáta che aikuaapaha pe akã ha py'apy ruguápe oĩva, ha peteĩ teĩ peẽme kuéra ambuekoviáta pene rembiapokue rehe.

Tûpâ Ñandeyára 1913

²³ Ja imemby cuerape ayucáne omano jaguâ, ja opa umi Iglesia rejegua cuera oicuaáne Chejá pe oipaûndŷva cuimbae pya apyte ipyapype gua reje, ja Che ameêne peteî teîva peême pejupity vaerâ pene rembiapocue recovia ramo.

Ñandejára Ñe’ẽ

²³ Ha ajukáta avei opa hendive oikóvape, upéicharõ umi Tupã iglésia ohecha kuaáta che aikuaaha opavave apytu'ũ ha ipy'a ruguaite peve, ha peteĩ-teĩvape amyengoviáta ojerureháicha hembiapokue.

Ñandejara Ñe’ẽ ✟

²³ Ha ajukáta avei opa hendive oikóvape, upéicharõ umi Tupã iglésia ohecha kuaáta che aikuaaha opavave apytu'ũ ha ipy'a ruguaite peve, ha peteĩ-teĩvape amyengoviáta ojerureháicha hembiapokue.

Ñanderuete Ñe’ẽ Porã 2015

²³ Imembykuéra ajukapáta. Upéicha opaite iglésia oikuaáta Che voi aikuaaha opaite mba’e oĩva guive yvyarigua akãme térã ipy’apýpe, ha Che amyengoviáta peteĩteĩme hembiapokue.

Apocalípsis 2:23 Referencias Cruzadas

Matéo 16:27

Pe kuimba'éicha ou va'ekue yvy ári ou vaerã Túva gloria reheve ha hi'ángel kuéra ndive, ha upérõ ombyekovia vaerã peteĩ teĩme hembiapokue rehe.

Lúcas 16:15

Ha Jesús he'i ichupe kuéra: --Peẽ peñemboheko marangatu pende jupe yvypóra kuéra resápe; opáichavo Tupã Ñandejára oikuaa pende py'apy; ha kuimba'e kuéra apytépe ojererekóva mba'e guasu ramo, mba'e tayasu Tupã Ñandejára resa renondépe.

Juan 21:17

Mbohapyha jevy he'i ichupe: --Simón, Jonás ra'y, ¿che rayhúpa? Pedro ombyasy oporandu hague rehe ichupe mbohapyha jevy ohayhúpa, ha he'i ichupe: --Che Jára, nde niko reikuaapa. Nde niko reikuaa rohayhuha. --Aipóramo emongaru che ovecha kuéra.

Juan 4:16

Jesús he'i ichupe: --Tereho ehenói ne ménape, ha eju ko'ápe.

Apostolkuéra 1:24

Ha oñembo'e hikuái ha he'i: --Ore Jára, nde reikuaáva opavave py'apy, ehechauka oréve mávapepa reiporavo ko'ã mokõigui,

Romayguakuérape 14:12

Ha upéicha peteĩ teĩ oñe'ẽ vaerã ojehe Tupã Ñandejárape.

Romayguakuérape 8:27

Ha Tupã Ñandejára ohecháva ñande py'apy oikuaa pe Espíritu Santo he'iséva, ojerurégui Tupã Ñandejára oipota háicha umi imba'éva rehe.

2 Corintoyguakuérape 5:10

Tekotevẽgui opavave jajechauka Cristo tribunálpe, peteĩ teĩme oñeme'ẽ haguã hembiapokue rehe hetépe oiko aja, hembiapo porãngue rehe terã hembiapo vaikue rehe.

Galaciayguakuérape 6:5

Upévare peteĩ teĩ ogueraha vaerã imba'epohýi.

hebreoyguakuerape 4:13

Ndaipóri mba'eve Tupã Ñandejára ojapo va'ekue ikatu vaerã okañy ichugui, opa mba'e ha'e ohecha ha oikuaa ha ichupe ñamombe'u vaerã ñane rembiapokue.

1 Pédro 1:17

Peẽ peje ramo Tupã Ñandejára pende Ruha, upe ojuzgáva peteĩ teĩme hembiapokue rehe ombojuavy'ỹ rehe avavépe, peiko vaerã kyhyjepópe peiko aja pukukue ko yvy ári.

Apocalípsis 2:11

Pe ijapysáva tohendu pe Espíritu Santo he'íva umi iglésia kuérape: Umi ovencéva rehe ndojapo mo'ãi mba'eve pe mano mokõiha.”

Apocalípsis 2:7

Pe ijapysáva, tohendu pe Espíritu Santo he'íva umi iglésia kuérape: Umi ovencévape ha'ukáta pe yvyra máta oikovévagui oĩva Tupã Ñandejára paraísope.”

Apocalípsis 20:12

Ahecha avei umi omano va'ekue, tuicháva ha michĩva, oñembo'y Tupã Ñandejára renondépe; ha ojepe'a umi kuatiañe'ẽ nguéra, ha ambue kuatiañe'ẽ pe tekovete rehegua kuatiañe'ẽ. Ha umi omano va'ekue ojejuzga hembiapo kuerakue rehe oĩ haguéicha umi kuatiañe'ẽme.

Apocalípsis 20:13

Ha pe márgui osẽmba umi omano va'ekue oĩ va'ekue ipype, ha pe mano ha umi omanóva oiha ome'ẽ umi oĩ va'ekue ipype kuéra, ha opavave ojejuzga peteĩ teĩ hembiapo kuerakue rehe.

Apocalípsis 22:12

--Nda hi'arevéima ajúvo, ha arúta pe premio ame'ẽ vaerã peteĩ teĩme hembiapokue rehe.

Apocalípsis 6:8

Ha ama'ẽvo ahecha peteĩ kavaju sa'yju, ha pe oguapýva hi'ári héra “la Muerte”, ha hapykuéri ou umi omano va'ekue oiha. Ha oñeme'ẽ ichupe ipu'aka haguã pe cuarta parte yvy arigua kuéra rehe, oporojuka haguã guerra rupi, ñembyahýigui, mba'asýgui ha tymba kuéra ka'aguy ñarõ yvy arigua rupi.