Apocalípsis 2:10 - Ñandeyara Ñe'ẽ

¹⁰ Ani rekyhyje pe rehasa asýtavagui; Aña oitýta cárcelpe peẽ kuéravape pejepy'ara'ã haguã, ha pehasa asýta diez días pukukue. Ejeroviáke remano meve, ha che ame'ẽta ndéve pe tekovete rehegua premio.

Tûpâ Ñandeyára 1913

¹⁰ Ani rekyjŷyé umi mbae rejasa asy jaguâ. Añetejápe oime peêva penemoîucátajá ybyracuape pe mbaepochy, peñejaâ jaguâ ja diez ára peve rupi pejasa asyne. Eico yeroviaja ramo ipajápeve remano jaguâ meve yepe, ja uperamo ameêne ndeve pe iñopêmbyréicha neâcâ rejeguarâ, pe Tecove iyapyra-ŷ-va.

Ñandejára Ñe’ẽ

¹⁰ Ani rekyhyje umi rehasa asýtavagui. Aña niko pene moingekáta hína yvyrakuápe, pejepy'a ra'ã haguã. Ha pehasa asýta 10 ára pukukue. Ejepytasóke nde jeroviaháre remanoite peve, ha che ame'ẽta ndéve jopói ramo jeikove.

Ñandejara Ñe’ẽ ✟

¹⁰ Ani rekyhyje umi rehasa asýtavagui. Aña niko pene moingekáta hína yvyrakuápe, pejepy'a ra'ã haguã. Ha pehasa asýta 10 ára pukukue. Ejepytasóke nde jeroviaháre remanoite peve, ha che ame'ẽta ndéve jopói ramo jeikove.

Ñanderuete Ñe’ẽ Porã 2015

¹⁰ Anítei rekyhyje rehasa asyvétavagui. Eikuaa porãke, Satana oitýta cárcelpe hermanokuéra pende apytégui ohasa asy hag̃ua 10 ára (día) pukukue pendepy’ara’ã hag̃ua. Ejeroviaite, remano meve ha Che ame’ẽta ndéve pe tekove rehegua akã jeguaka.

Apocalípsis 2:10 Referencias Cruzadas

Matéo 10:22

Ha opavave nda ija'éi vaerã pende rehe che réra rehe; pe ogueropu'akáva ipahaite peve katu ojesalva vaerã.

Matéo 10:28

Ani pekyhyje umi tete ojukávagui, ha ikatu'ỹva ojuka pene ánga; pekyhyje uvei upe ikatúvagui ohundi pene ánga ha pende rete Aña retãme.

Matéo 24:13

Pe opyta hatãva ipaha peve katu ojesalva vaerã.

Márcos 13:13

Ha nda ija'éi vaerã opavave pende rehe che réra rehe, ha pe ogueropu'akáva ipaha peve upéva ojesalva vaerã.

Márcos 8:35

Oimeraẽva hakate'ỹva hekove rehe, ohundi vaerã; ha oimeraẽva ohundíva hekove che rehehápe ha evangelio rehehápe, osalva vaerã.

Lúcas 21:12

‘Opa ko'ã mba'e mboyve katu pejeapresa, ha pejepersegui ha peñeme'ẽ vaerã sinagoga ha cárcelpe, ha pejereraha vaerã rey ha mburuvicha kuéra renondépe che réra rehe.

Juan 12:25

Pe hekove ohayhúva ohundi vaerã, pe hekove ohayhu'ỹva ko yvy ári katu oñongatu vaerã pe tekove tapia guarã meve.

Juan 13:2

Aña omoingéma ra'e Judas Iscariote, Simón ra'y akãme otraiciona haguã Jesúspe. Jesús oikuaa ramo jepe ha'e ou hague Tupã Ñandejára rendágui, ha oho jevytaha hendápe, ha Túva omoĩ hague opaite mba'e ipoguýpe, ocena jave hikuái, opu'ã meságui, omboi pe ijao jo'aha ha ojeku'akua peteĩ toállape.

Juan 13:27

Ha ho'upávo Judas pe pan, Satanás oike ipype. Upéramo Jesús he'i ichupe: --Pya'e ejapo pe revapótava reína.

Apostolkuéra 20:24

Opáichavo, mba'eve ko'ã mba'e nda che py'apýi; che rekove jepe namomba'éi che jupe guarã, ajapopa guive che rembiapo vy'a pópe ha hekoitépe pe Ñandejára Jesús he'i va'ekue chéve, amoherakuã haguã pe Tupã Ñandejára mborayhu kuaapyrã.

Apostolkuéra 21:13

Upérõ Pablo he'i: --¿Mba'ére piko pene rasẽ ha che momba'embyasy peína? Che aimemba ndaha'éi añeñapytĩ haguã añó, amano haguã avei Jerusalénpe Ñandejára Jesús réra rehe, tekotevẽ ramo.

1 Corintoyguakuérape 9:25

Ha opa umi umícha oñeha'ãva, ojejoko heta mba'égui, ha ha'e kuéra ojapo upéicha ohupity haguã premio ramo peteĩ corona yvyra rogueguigua voi ipirupáva, ñande katu ñañeha'ã jahupity haguã peteĩ premio tapia guarãva.

Efesoyguakuérape 2:2

peẽ peiko va'ekuépe umi mba'e vaípe, peiko pype yvypóra kuéra oiko háicha ha pejapo pype pe espíritu arapy ruvicha rembipota, ombopy'aguasúva yvypóra kuéra iñe'ẽrendu'ỹvape Tupã Ñandejárape.

Efesoyguakuérape 6:12

Nañañorairõiko ñaína yvypóra kuéra ndive, umi arapy pegua ñañáme ipu'akáva ndive uvei, mburuvicha kuéra oguerekóva ipoguýpe kuéra ko mundo pytũnguýpe oĩva ndive.

Tiágo 1:12

Ovy'a vaerã pe kuimba'e ogueropu'akáva oñepy'ara'ã jave; osẽ porã rire oñeme'ẽ va'erãha rehe ichupe pe tekove tapia guarãva Tupã Ñandejára he'i va'ekue ome'ẽtaha umi ichupe ohayhúvape.

1 Pédro 5:4

Ha ojehechauka ha'ára umi ovecha rerekua kuéra Ruvicha, oñeme'ẽ vaerã peẽme pene rembiapokue rehe peteĩ premio imbojojaha'ỹva oñembyai'ỹ vaerã araka'eve.

1 Pédro 5:8

Peikokuaákena ha peñeñangareko pe mba'epochy pene rairõva oiko rehe león okororõvaicha pende jerekuévo oheka mávapepa ho'úta.

Apocalípsis 13:14

Ha umi techaukapyrã rupi ojapóva pe monstruo tenondere renondépe, ombotavy umi yvypóra kuérape ha he'i ichupe kuéra ojapo haguã pe monstruo ra'anga, upe oñekytĩ va'ekue espádape, ha upéicharamo jepe nomanói.

Apocalípsis 13:2

Ha pe monstruo ahecha va'ekue ojogua jaguaretépe, ha ipy oso pýicha, ha ijuru katu león jurúicha. Ha pe tejujagua ome'ẽ ichupe ipu'akakue ha itrono, ha omanda guasu haguã.

Apocalípsis 13:7

Ojeheja avei ichupe oñorairõ umi Tupã Ñandejára reheguáva ndive, ha ipu'aka hese kuéra, ha oñeme'ẽ ichupe autoridad opa tribu, ha tetãygua, ha ñe'ẽ ha tetã nguéra ári.

Apocalípsis 17:14

Oñorairõ vaerã pe Ovecha Ra'y ndive, ha pe Ovecha Ra'y ipu'aka vaerã hese kuéra, ha'e ha'égui karai kuéra Jára ha mburuvicha kuéra Ruvicha, ha umi oĩvape hendive Tupã Ñandejára ohenói ha oiporavo va'ekue, ha jeroviaha ha'e kuéra.

Apocalípsis 2:13

Che aikuaa ne rembiapokue, ha aikuaa reikoha Satanás omandahápe. Opáichavo, na nde resaráiri che réragui, rejerovia tapia uvei che rehe, umi ára, Antipas, che testigo fiel, ojejuka ramo guare pende apytépe, pe Satanás oikohápe.

Apocalípsis 2:9

Che aikuaa ne rembiapokue, nde jehasa asy ha ne mboriahukue, nde rico ramo jepe nde. Ha aikuaa mba'éichapa oñe'ẽ vai nde rehe umi he'íva ojehe Israelitaha ha ndaha'éi, Satanás sinagoga uvei katu.