Apocalípsis 19:7 - Ñandeyara Ñe'ẽ

⁷ Javy'ákena ha ñane renyhẽkena torýgui, ha ñamomba'eguasúkena ichupe oguahẽma rehe pe Ovecha Ra'y omenda haguã ára, ha hembireko oñembosako'ipáma,

Tûpâ Ñandeyára 1913

⁷ Ñande rorŷna ja yapurajéi ja ñambotuvicha Ichupe, oguajêmajá reje jiara omenda jaguâ pe Ovecha Raŷ, ja jembirecorâ oñembosacoíma,

Ñandejára Ñe’ẽ

⁷ Javy'a ha ñande rorýke ha vy'ápe ñamomba'ete chupe, oguahẽ niko ára pe Ovecha Ra'y omendávo. Hembireko oñembosako'íma:

Ñandejara Ñe’ẽ ✟

⁷ Javy'a ha ñande rorýke ha vy'ápe ñamomba'ete chupe, oguahẽ niko ára pe Ovecha Ra'y omendávo. Hembireko oñembosako'íma:

Ñanderuete Ñe’ẽ Porã 2015

⁷ Javy’a ha ñanderorýke, ñamboete ichupe og̃uahẽháre pe Ovechara’y (Hesu Crísto) omendaha ára, ha hembirekorã (ijiglésia) oñembosako’ipáma.

Apocalípsis 19:7 Referencias Cruzadas

Matéo 1:20

Ha oñepy'amongeta jave upéva rehe, ojehechauka ichupe iképe peteĩ ángel Ñandejára remimbou ha he'i ichupe: --José, David ra'y, ani rekyhyje reru haguã Maríape nendive ne rembireko ramo, pe mitã ha'e oguerekótava niko Espíritu Sántoguinte.

Matéo 22:2

--Pe reino yvága pegua ojogua peteĩ mburuvicha guasu ojapo va'ekuépe karuguasu ta'ýra mendahápe guarã.

Lúcas 12:36

Ku tembiguái oha'arõva hóga járapeicha ou ramo guarã mendahágui, oipe'a haguã ichupe okẽ oguahẽ ha oporohenói vove.

Juan 3:29

Mendahápe niko pe menarã pe hembirekorãva; ha pe menarã rayhupára oĩva upépe ha ohendúva ichupe, ovy'a ohendu ramo ichupe oñe'ẽ. Upéicha avei ko'ãga che avy'a.

2 Corintoyguakuérape 11:2

Che rakate'ỹ pende rehe Tupã Ñandejára takate'ỹ reheve, pomoñe'ẽme'ẽgui pomomenda haguã peteĩ ména rehe añó, pome'ẽ haguã kuñatai imarã'ỹvaicha Crístope.

Efesoyguakuérape 5:23

Pe ména niko pe tembireko akã, Cristo ha'e háicha pe iglésia akã. Cristo niko avei pe iglésia salvahára, upe ha'éva hete;

Efesoyguakuérape 5:32

Mba'eguasuetéko ko oje'éva ñandéve Ñandejára Kuatiañe'ẽme; ha che ha'e peẽme upéva he'iha Cristo ha pe iglésia rehe.

Filipoyguakuérape 3:3

Ñande ñamomba'eguasúva Tupã Ñandejárape ñande py'apýpe ha jarovy'áva Cristo Jesúspe, ñande niko ha'e hína pe ñecircuncida pyre añetetéva, ndajajeroviáiva yvypóra rembiapokue okaguioguáva rehe.

Apocalípsis 11:13

Ha upe jave oiko peteĩ yvyryrýi guasu, ha la décima parte pe ciudad ho'apa, ha pe yvyryrýi ojuka siete mílpe. Umi ambue kuéra katu okyhyjepa opytávo, ha omomba'eguasu Tupã Ñandejára yvága peguápe.

Apocalípsis 19:9

Ha pe ángel he'i chéve: --Emoĩ kuatia rehe: “Ovy'a vaerã umi oñeconvidáva pe Ovecha Ra'y mendaha arete peguarã.” Ha he'i chéve: --Ko'ãva ha'e Tupã Ñandejára ñe'ẽ añetetegua.

Apocalípsis 21:2

Ha ahecha pe ciudad marangatu, pe Jerusalén pyahu, oguejýva yvágagui, Tupã Ñandejára renondégui, oñembosako'íva tembirekorã ojeguáva imenarãme guarãicha.

Apocalípsis 21:9

Ha ou che rendápe peteĩva umi siete ángel kuéra oguereko va'ekue umi siete copa henyhẽtéva umi siete plaga ipaha peguágui, ha he'i chéve: --Eju, ha tahechauka ndéve pe tembirekorã, pe Ovecha Ra'y rembireko.