Apocalípsis 18:20 - Ñandeyara Ñe'ẽ

²⁰ Pevy'a upe ojehu va'ekue rehe ichupe, yvága, ha peẽ apóstol kuéra ha ñemoñe'ẽhára kuéra, ha opa umi Tupã Ñandejára rehegua kuéra; ocondenávo ichupe Tupã Ñandejára ojapo peẽme justicia.

Tûpâ Ñandeyára 1913

²⁰ Nde rorŷna joa jague reje, nde yvaga, ja peê imarangatúva, ja Apostol, ja oñemoñeêjaré Tûpâ Ñandeyára oyepŷma já reje jese pende rejejápe.

Ñandejára Ñe’ẽ

²⁰ Ha nde, yvága, evy'áke pe táva guasu rupi, ha pevy'áke peẽ Tupã mba'éva, apóstol ha maranduhára, Tupã niko, oinupãvo, pene mboheko joja.

Ñandejara Ñe’ẽ ✟

²⁰ Ha nde, yvága, evy'áke pe táva guasu rupi, ha pevy'áke peẽ Tupã mba'éva, apóstol ha maranduhára, Tupã niko, oinupãvo, pene mboheko joja.

Ñanderuete Ñe’ẽ Porã 2015

²⁰ Pevy’áke, peẽ yvagakuéra, peẽ heko potĩva, peẽ apostolkuéra, peẽ proféta, Ñanderuete ombojovake haguére ko táva kóvape.

Apocalípsis 18:20 Referencias Cruzadas

Efesoyguakuérape 2:20

Peẽ upe óga oñemopu'ã va'ekue pe óga rapo apóstol ha ñemoñe'ẽhára kuéra omoĩ va'ekue ári rehegua, ha Jesucristo ete voi ha'e pe ita guasu óga rapo iporãitevéva.

Efesoyguakuérape 3:5

Pe ndojekuaaukái va'ekue umi ymaguare kuérape hi'ára kuérape, ko'ãga katu Tupã Ñandejára ohechauka ijapóstol ha ñemoñe'ẽhára marangatu kuérape Ijespíritu rupi.

Efesoyguakuérape 4:11

Kóva ha'e pe hemime'ẽ: oime apóstolva, ambue kuéra katu ñemoñe'ẽhára, ambueve katu evangelio moherakuãhára ha ambueteve katu pastor ha mbo'ehára kuéra.

2 Pédro 3:2

pene mandu'a haguã umi mba'e he'i va'ekue rehe yma umi ñemoñe'ẽhára marangatu, ha umi apóstol pene mbo'e va'ekue Ñandejára ñande Salvador he'i va'ekue rehe.

Júdas 1:17

Peẽ katu kena, che ryvy kuéra ahayhuetéva, pene mandu'a umi Ñandejára Jesucristo apóstol kuéra he'íma va'ekue rehe.

Apocalípsis 12:12

Pevy'áke, aipóramo, yvága kuéra ha peẽ ipypegua kuéra. ¡Ái anga umi yvy arigua ha mar pegua kuéra! Aña oguejy rehe peẽme pochyete reheve, oikuaágui hi'ára mbykymaha.

Apocalípsis 18:6

Pejapo hese upe ha'e ojapo haguéicha ambue kuéra rehe ha pembyekovia jo'a ichupe pe ojapo va'ekue rehe. Pembojehe'a ichupe imboy'upyrã mokõi jevy imbaretevéva pe ha'e ombojehe'a va'ekuégui ambue kuéra peguarã.

Apocalípsis 6:10

Ha umíva hatã he'i: --¿Araka'e pevépa, Ñandejára marangatu, ne añetéva ne ñe'ẽme, nderejuzga ha nerevenga mo'ãi ore ruguy oñeñohẽ va'ekue yvypóra kuéra po rupi?