Apocalípsis 17:2 - Ñandeyara Ñe'ẽ

² Umi mburuvicha kuéra yvy arigua ojehe'a va'ekue hendive heko ky'ápe ha yvypóra kuéra oka'upa va'ekue pe heko ky'a rehegua vínope.

Tûpâ Ñandeyára 1913

² umi mburuvicha guasu ybyarigua oyapo rae tieŷ jendive ja jeco tieŷngue omongaúpa umi ybypóra cuerape.

Ñandejára Ñe’ẽ

² Mburuvicha guasu kuéra yvy arigua ojeity teko vaípe hendive, ha yvypóra maymáva oka'u kaguýpe guáicha upe teko vaípe.”

Ñandejara Ñe’ẽ ✟

² Mburuvicha guasu kuéra yvy arigua ojeity teko vaípe hendive, ha yvypóra maymáva oka'u kaguýpe guáicha upe teko vaípe.”

Ñanderuete Ñe’ẽ Porã 2015

² ha hendive oñemoangaipa tetã ruvichakuéra oikóva guive yvy ape ári, ha’e omonga’u yvy tetãyguakuérape ivíno heko vai reheguápe.

Apocalípsis 17:2 Referencias Cruzadas

Juan 2:10

ha he'i ichupe: --Opavave niko omoĩ pe vino iporãvéva pe karuguasu oñepyrũvo, ha umi oñeconvida va'ekue ho'u heta rire katu omoĩ pe ivaivéva. Nde katu reñongatu pe vino iporãvéva ko'ãga peve.

Apocalípsis 14:8

Ha upéi otro ángel he'i: --Ho'áma, ho'áma, Babilonia, pe ciudad tuichaitéva, omonga'u va'ekue opa umi tetã nguérape pe vino heko vaikue reheguápe.

Apocalípsis 17:13

Ko'ã diez mburuvicha oĩ peteĩ ñe'ẽme, ha ome'ẽta ipu'aka ha ijautoridad pe mónstruope.

Apocalípsis 17:17

Tupã Ñandejára omoĩgui ipy'apýpe kuéra ojapo haguã pe ha'e oipotáva, oñemoĩvo ha'e kuéra peteĩ ñe'ẽme ome'ẽ haguã iréino pe mónstruope oikopa peve pe Tupã Ñandejára he'i va'ekue.

Apocalípsis 17:5

ha oguereko isyva rehe peteĩ téra ojekuaa'ỹva mba'épa he'ise: “Babilonia, pe tuichaitéva, kuña rekovai kuéra ha opa mba'e ky'a yvy arigua sy.”

Apocalípsis 17:8

Pe monstruo rehecha va'ekue niko peteĩ oikove va'ekue yma, ha opáichavo ndoikovevéima, ha upéicharamo jepe ojupíta pe yvykua pypukúgui oho mboyve pe oñehundi haguãme. Ha umi yvy arigua kuéra oguereko'ỹva héra pe tekovete rehegua kuatia ñe'ẽme ko mundo oiko ñepyrũ guive tuicha oñemondýi vaerã ohechávo pe monstruo yma oikove va'ekue ndoikoveveimaha, opáichavo, ou jevy vaerã.

Apocalípsis 18:23

Ha ndohesape mo'ãvéi nde pype lámpara rendy, ha noñehendu mo'ãvéi vy'a mendaha pegua ayvu, umi ne moñemuhára kuéra mba'e guasu va'ekue yvy ári, ha rembotavy va'ekue opa tetã nguérape nde paje kuéra rupi.

Apocalípsis 18:3

Opa tetã nguéra oka'upa hague rehe pe hembipota ky'a rehegua vínope, ha mburuvicha kuéra yvy arigua oñemongy'a hague rehe hendive, ha comerciante kuéra yvy arigua oñemboricopa hague rehe pe ha'e omombopa rei va'ekue rehe.

Apocalípsis 18:9

Ha umi mburuvicha kuéra yvy arigua oñemongy'a ha ohundipa rei va'ekue, hasẽ ha ojahe'o soro vaerã hese ohechávo pe ikaigue ratatĩ.

Apocalípsis 2:22

Upéva rehe ko'ãga aitýta tupápe ha amboúta jehasa asy tuicháva umi oñemongy'ávape hendive, oheja'ỹ ramo pe hembiapo vai kuéra;

Apocalípsis 3:10

Ha'e kuri, ndéve ne paciencia haguã ha upéicha rejapo. Upéva rehe añangarekóta nde rehe pe jehasa asy guasu árape oútava yvy ári, oipy'ara'ã haguã yvypóra kuérape.

Apocalípsis 9:21

Noñearrepentíri avei oporojukave'ỹ haguã, ojeheja haguã ipaje kuéragui, hekovai kuéragui ha imonda kuéragui.