Apocalípsis 14:4 - Ñandeyara Ñe'ẽ

⁴ Ko'ãva ha'e umi oiko'ỹ va'ekue kuña ndive, omenda'ỹ va'ekue, omoirũva pe Ovecha Ra'ýpe mamo ohohápe. Ko'ãva ojesalva va'ekue yvypóra kuéra apytégui ofrenda tenonderãgua ramo Tupã Ñandejára peguarã ha pe Ovecha Ra'y peguarã.

Tûpâ Ñandeyára 1913

⁴ Coâva voi umi oyejea-ŷ-vaecue cuña reje ja jaecuera umi imârâ ŷ vaicha voi. Coâva umi oicóva pe Ovecha Raŷ rapycueri mamo ojojá cotynte. Coâva umi oñereroguajê mbyre umi cuimbae apytegui umiva oyeporavó iñypyrumbychagua Tûpâ Ñandeyára ja pe Ovecha Raŷ peguârâ.

Ñandejára Ñe’ẽ

⁴ Umíva niko imarã'ỹva, noñemongy'ái vaekue kuña ndive; umíva hína umi ohóva pe Ovecha ra'y rapykuéri mamo ohohápe. Osẽ vaekue mba'e vaígui yvypóra apytégui ikuave'ẽmby tenondegua ramo.

Ñandejara Ñe’ẽ ✟

⁴ Umíva niko imarã'ỹva, noñemongy'ái vaekue kuña ndive; umíva hína umi ohóva pe Ovecha ra'y rapykuéri mamo ohohápe. Osẽ vaekue mba'e vaígui yvypóra apytégui ikuave'ẽmby tenondegua ramo.

Ñanderuete Ñe’ẽ Porã 2015

⁴ Ko’ãva noñemongy’aiva’ekue ambue jára (gua’u) (kuña reko vai) ndive ha araka’eve ndopoíri ijeroviágui, ojerovia porã uvei Ñanderuete rehe. Ko’ãva oho pe Ovechara’y rapykuéri Ha’e ohohápe, ko’ãva ningo ojejogua tenondeva’ekue tetãyguakuéra apytégui Ñanderuete ha Ovechara’ýpe g̃uarã.

Apocalípsis 14:4 Referencias Cruzadas

Matéo 19:12

Heta mba'égui niko nomendái kuimba'e kuéra; oime onacéva omenda'ỹ haguã, ambue kuéra katu nomendái kuimba'e kuéra ohejágui ichupe kuéra ikatu'ỹ haguãicha omenda, ha ambueve katu nomendái pe reino yvága pegua rehehápe. Upe ikatúva upéicha ojapo, tojapo.

Matéo 25:1

Upérõ pe reino yvága pegua ha'ete vaerã diez kuñatai ojapyhýva hesapehára kuéra acéitepe hendýva ha oje'óĩva mendahápe omoirũ haguã pe menarãme.

Matéo 8:19

Ha peteĩva umi Ñandejára ley rehe oporombo'éva oñemboja Jesús rendápe ha he'i ichupe: --Mbo'ehára, romoirũta mamo rehohápe.

Juan 10:27

Che ovecha kuéra ohendu che ñe'ẽ, ha che aikuaa ichupe kuéra ha ha'e kuéra oho che rapykuéri.

Juan 12:26

Oime ramo che serviséva, tou che rapykuéri, ha mamo che aimehápe, upépe oĩ vaerã avei upe che servíva. Oime ramo che servíva, upévape che Ru omomba'eguasu vaerã.

Juan 13:37

Upéramo Pedro he'i ichupe: --Che Jára, ¿mba'e rehe piko ndaikatúi romoirũ ko'ãga? Aime niko ame'ẽ haguã che rekove jepe nde rehehápe.

Juan 8:12

Jesús oñe'ẽ jevy umi géntepe ha he'i ichupe kuéra: --Che ha'e yvypóra kuéra resapehára, upe oúva che rapykuéri, ndoikovéima pytũnguýpe, oguerekóma uvei pe tekovete rehegua tesape.

Apostolkuéra 20:28

Upéva rehe, peñangareko pende jehe voi ha peñangareko opa umi oñembyatýva rehe, pene moĩ haguépe Espíritu Santo peñangareko haguã umi Ñandejára Jesucristo iglésia pegua rehe, ha'e ojogua va'ekue huguy teete rupi.

1 Corintoyguakuérape 16:15

Che ryvy kuéra, peikuaa niko Estéfanas rogaygua kuéra raẽvete Acayaygua kuéra apytépe oguerovia hague pe evangelio, ha opáicha oipytyvõ hague ñane hermano kuérape.

1 Corintoyguakuérape 6:20

Tupã Ñandejárape pende jogua va'ekue hepy rehe. Upéva rehe pemomba'eguasu vaerã Tupã Ñandejárape pende retépe ha pende espíritupe.

1 Corintoyguakuérape 7:28

Opáichavo, remenda ramo, ndaha'éi pecado; ha pe kuñatai omenda ramo, ndaha'éinte avei pecado. Opáichavo, umi omendáva ohasa vaerã heta jepy'apy ha chéve na hi'ãi pejepy'apy.

2 Corintoyguakuérape 11:2

Che rakate'ỹ pende rehe Tupã Ñandejára takate'ỹ reheve, pomoñe'ẽme'ẽgui pomomenda haguã peteĩ ména rehe añó, pome'ẽ haguã kuñatai imarã'ỹvaicha Crístope.

Efesoyguakuérape 1:14

Pe Espíritu Santo niko oñeme'ẽ tenonde ñandéve omoañete haguã upe jahupitýtava, upe ára Tupã Ñandejára osalvapaha peve umi imba'éva. Kóva avei niko oñemomba'eguasu haguã pe iglória.

Efesoyguakuérape 5:27

ogueru haguã oguenondépe peteĩ iglésia ojajaipáva, iky'a'ỹva terã icha'ĩ'ỹva terã mba'eve umichagua, ta imarangatu ha ta iporãmbaite uvei.

1 Timotéope 4:3

Oipota'ỹ vaerã oñemenda ha oime avei tembi'u oipota'ỹva oje'u, Tupã Ñandejára ojapo va'ekue ramo jepe umi tembi'u umi Jesús rehe ojeroviáva ha oikuaáva pe añetegua ho'u haguã py'arechakuaa reheve Tupã Ñandejárape.

hebreoyguakuerape 12:23

ha pe oñembyatyhápe umi Tupã Ñandejára ra'y kuéra héra kuéra oĩva yvágape, ha Tupã Ñandejára, opavave Juez, ha umi hekopotĩva espíritu Tupã Ñandejára omomarangatu va'ekue,

Tiágo 1:18

Ojehegui ete voínte hembipota rupi ñane moingove pe ñe'ẽ añetéva rupi, jaiko haguã umi iñemoñare ypykuéra ndive.

1 Pédro 2:9

Peẽ katu ñemoñare poravo pyre, yvága pegua Rey pa'i kuéra, tetã marangatu, Tupã Ñandejára mba'e kuéra. Ha upéva pemoherakuã haguã pe Tupã Ñandejára rembiapo kuéra porãita, pe pene renói va'ekue pesẽ haguã pytũnguýgui ha peike haguã pe ha'e oporohesapeha porãite asýpe.

Apocalípsis 17:14

Oñorairõ vaerã pe Ovecha Ra'y ndive, ha pe Ovecha Ra'y ipu'aka vaerã hese kuéra, ha'e ha'égui karai kuéra Jára ha mburuvicha kuéra Ruvicha, ha umi oĩvape hendive Tupã Ñandejára ohenói ha oiporavo va'ekue, ha jeroviaha ha'e kuéra.

Apocalípsis 21:22

Ndahechái ipype tupao, Ñandejára, pe Tupã Ñandejára ipu'akapáva ha pe Ovecha Ra'y voi pe ciudad tupao.

Apocalípsis 21:23

Pe ciudad noikotevẽi kuarahy terã jasy resape rehe, pe Tupã Ñandejára resapekue voi ohesapégui ichupe, ha pe Ovecha Ra'y voi hesapehára.

Apocalípsis 3:4

Opáichavo, rereko Sárdispe mbovymi omongy'a'ỹ va'ekue ijao, ha umíva oiko vaerã chendive ao morotĩ reheve, upéicha omerecégui.

Apocalípsis 5:9

Ha opurahéi joa peteĩ purahéi ipyahúva he'íva: Ndéve ija rejapyhývo pe kuatiañe'ẽ apakuapy ha reipe'a umi iséllo kuéra, rejejuka hague rehe, ha nde ruguýpe ore jogua va'ekue Tupã Ñandejára peguarã, opaichagua tribu, ñe'ẽ, tetã ha tetãygua,