Apocalípsis 14:11 - Ñandeyara Ñe'ẽ

¹¹ Ha pe itormento ratatĩngue ojupi vaerã tapia guarã, ha ndopytu'u va'erãi ára ha pyharépe umi omomba'eguasúva pe mónstruope ha pe ha'angápe, terã umi oguerekóva ojehe pe héra marca.

Tûpâ Ñandeyára 1913

¹¹ Ja pe ojasa asyjá renda rata tîngue opuâne ojovo tapiaguârâ, ja umi ombuetejara pe maymba ja jaângá, ja oimerâeva oguereco vaecue jéra isyvá reje ndopytuui ára ja pyjare avei.

Ñandejára Ñe’ẽ

¹¹ Ijehasa asykue ratatĩ ojepysóne opa ára guarã, ha ndaipóri mo'ãi pytu'u ára ha pyhare umi tymba vai guasu ha ha'ãnga omomba'e guasúva ha omoĩkáva ijehe pe héra.”

Ñandejara Ñe’ẽ ✟

¹¹ Ijehasa asykue ratatĩ ojepysóne opa ára guarã, ha ndaipóri mo'ãi pytu'u ára ha pyhare umi tymba vai guasu ha ha'ãnga omomba'e guasúva ha omoĩkáva ijehe pe héra.”

Ñanderuete Ñe’ẽ Porã 2015

¹¹ Ha pe jehasa asyguasu ratatĩ ojupiva’erã ára atyguasu guive umi ára atyguasurãme ha umi omomba’eguasúva pe mymba ha ha’ãngápe ha opaite oguerekóva pe mymba réra márca ndopytu’umo’ãvéi ára ni pyharépe.

Apocalípsis 14:11 Referencias Cruzadas

Matéo 11:28

Pejupa che rendápe peẽ pene kane'õ ha pemba'apo pohýiva, ha che pomombytu'úta.

Matéo 25:41

‘Upéi katu pe Rey he'i vaerã umi ijasu peguápe: “Pejei che ypýgui, peẽ peiméva Ñandejára maldición guýpe; tapeho pe tata opave'ỹvape oñembosako'i va'ekue Aña ha hi'ángel kuéra peguarã.

Matéo 25:46

Ha ko'ãva oho vaerã pe castigo opa'ỹ va'erãme, ha umi imba'e porãva katu oho vaerã pe tekove tapia guarãme.

hebreoyguakuerape 1:8

Pe Ta'ýra rehe katu he'i: Pe ne trono niko, nde Tupã Ñandejára, tapia guarã; nde remandahápe remanda hekopete.

Apocalípsis 11:15

Pe ángel sieteha ombopu pe itrompéta, ha oñehendu hatã oñe'ẽ joáva yvágape ha he'íva: Reino kuéra yvy arigua Tupã Ñandejára ha Icristo mba'epáma, ha ha'e mburuvicha guasu vaerã tapia guarã.

Apocalípsis 13:12

Ha oiporupaite pe monstruo tenondere autoridad henondépe, ha pe yvy ha umi yvypóra kuérape oadorauka pe monstruo tenonderépe, upe oñekytĩ va'ekuépe omano haguãicha ha okuera va'ekue.

Apocalípsis 13:15

Ha pe monstruo mokõihávape oñembopu'aka omoingove haguã pe monstruo tenonderegua ra'anga, ikatu haguã upe ta'anga oñe'ẽ ha ojukaukapa opa umi omomba'eguasu'ỹvape ichupe.

Apocalípsis 13:17

ikatu'ỹ haguã avave ojogua terã ovende mba'eve, oguereko'ỹ ramo pe marca, taha'e pe monstruo réra terã pe número héra rehegua.

Apocalípsis 14:9

Ha peteĩ ángel mbohapyha, hatã he'i: --Oime ramo omomba'eguasúva pe monstruo ha ha'angápe, ha ohejáva oñemoĩ pe imárca isyva terã ipo rehe,

Apocalípsis 18:18

ha ohechávo pe ciudad okaipáva ratatĩngue, osapukaipa ha he'i: --¿Mba'e ciudad piko ojogua raka'e ko ciudad guasuete kóvape?

Apocalípsis 18:9

Ha umi mburuvicha kuéra yvy arigua oñemongy'a ha ohundipa rei va'ekue, hasẽ ha ojahe'o soro vaerã hese ohechávo pe ikaigue ratatĩ.

Apocalípsis 19:3

Ha upéi he'i jevy hikuái: --¡Aleluya pe kuña vai ratatĩngue máramo ndopái vaerã!

Apocalípsis 20:10

Ha pe Aña, ombotavy va'ekue ichupe kuéra, ojeity pe lago tata ha azufre reheveguápe, ojeity haguépe avei pe monstruo ha pe ñemoñe'ẽhára japu; ha upépe oñeatormenta vaerã ára ha pyharépe arapave'ỹ meve guarã.

Apocalípsis 22:5

Upépe ndaiporivéima vaerã pyhare, ha umi upépe oikóva noikotevẽvéima vaerã lámpara, terã kuarahy rendy rehe; Tupã Ñandejára voi ohesape vaerã rehe ichupe kuéra, ha ha'e kuéra oreina vaerã tapia guarã.

Apocalípsis 7:12

ha he'i: ¡Amén! Ñemomba'eguasu ha ñembotuicha, arandu ha techakuaa, terakuãguasu, pu'aka ha mbarete, ñande Tupã Ñandejárape tapia guarã. Amén.