Apocalípsis 13:6 - Ñandeyara Ñe'ẽ

⁶ Ha ojapo upéicha, oñe'ẽ vai Tupã Ñandejára rehe ha oja'o héra, oja'o pe henda marangatu ha umi oĩvape yvágape.

Tûpâ Ñandeyára 1913

⁶ Ja oipea iyuru jei jaguâ mbae itieŷ Tûpâ Ñandeyára coty coty ja omomârâ jaguâ Jéra, ja Jenda yvapegua, ja umi yvape jicuaivape avei.

Ñandejára Ñe’ẽ

⁶ Ha upéicha, he'i ñe'ẽ ky'a Tupã ha Itupaóre ha umi yvágape oĩvare.

Ñandejara Ñe’ẽ ✟

⁶ Ha upéicha, he'i ñe'ẽ ky'a Tupã ha Itupaóre ha umi yvágape oĩvare.

Ñanderuete Ñe’ẽ Porã 2015

⁶ Ha pe mymba omaldeci Ñanderuetépe, heraguasuetéva ha umi yvágape oikóvape.

Apocalípsis 13:6 Referencias Cruzadas

Matéo 12:34

¡Peẽ mbói ñemoñare! ¿Mba'éicha piko ikatúta peje iporãva ko peẽ voi pende vaíva? Pe ñane corazõ omyenyhẽvagui oñe'ẽ ñande juru.

Matéo 15:19

Pe py'apýgui osẽ pensamiento vai, porojuka, mendare mongy'a, teko vai, monda, japu, ha ñe'ẽ rei tapicha rehe.

Juan 1:14

Ha pe Tupã Ñandejára Ñe'ẽ oiko kuimba'e ramo ha oiko sapy'a va'ekue ñande apytépe, mborayhu ha añetégui henyhẽte. Ore rohecha va'ekue iglória, pe Túva Ra'y peteĩetéva gloria teete.

Romayguakuérape 3:13

Ijahy'o kuéra ku te'õngue kuára ojepe'ávaicha; oiporu ikũ nguéra oporombotavy haguã. Mbói popía oĩ ijurúpe.

Colosayguakuérape 1:19

Tupã Ñandejára oipotágui oĩmbaite Crístope Tupã reko.

Colosayguakuérape 2:9

Opa pe Tupã Ñandejára reko niko oĩmba voi Crístope,

hebreoyguakuerape 9:2

Upe tabernáculo ojejapo va'ekue kóicha: pe koty tenonderã guare héra va'ekuépe Tenda Marangatu, oĩ va'ekue pe candelero pe mesa ha hi'ári umi pan kuave'ẽmbyre Tupã Ñandejárape.

hebreoyguakuerape 9:24

Cristo ndoikéi va'ekue pe tabernáculo yvypóra rembiapokuépe, pe añetetéva joguahápe, oike va'ekue yvagaitépe voi katu, upe ko'ãga oihápe Tupã Ñandejára renondépe ñande rehehápe.

Apocalípsis 11:12

Upéi umi mokõi testigo ohendu peteĩ oñe'ẽ hatãva yvága guive, he'íva ichupe kuéra: --Pejupi ko'ápe. Ha ojupi hikuái yvágape peteĩ arai apytépe, ha umi hayhu'ỹha kuéra ohecha ichupe kuéra.

Apocalípsis 12:12

Pevy'áke, aipóramo, yvága kuéra ha peẽ ipypegua kuéra. ¡Ái anga umi yvy arigua ha mar pegua kuéra! Aña oguejy rehe peẽme pochyete reheve, oikuaágui hi'ára mbykymaha.

Apocalípsis 15:5

Ko'ã mba'e rire ama'ẽ, ha ahecha ojepe'a yvágape pe tabernáculo pegua santuario.

Apocalípsis 18:20

Pevy'a upe ojehu va'ekue rehe ichupe, yvága, ha peẽ apóstol kuéra ha ñemoñe'ẽhára kuéra, ha opa umi Tupã Ñandejára rehegua kuéra; ocondenávo ichupe Tupã Ñandejára ojapo peẽme justicia.

Apocalípsis 21:3

Ha ahendu peteĩ ñe'ẽ hatãva yvágagui, he'íva: Péina ko'ãga Tupã Ñandejára santuario oĩ yvypóra apytépe. Ha Tupã Ñandejára oiko vaerã hendive kuéra, ha ha'e kuéra hesegua vaerã, ha Tupã Ñandejára voi oĩ vaerã hendive kuéra Itupã Ñandejára kuéra ramo.

Apocalípsis 4:1

Ko'ã mba'e rire ama'ẽ ha ahecha peteĩ okẽ ojepe'áva yvágape, ha pe ñe'ẽ trompeta púichava ahendu tenonde va'ekue, he'i chéve: --Ejupi ko'ápe, ha ahechaukáta ndéve umi mba'e ojehu vaerã ko'ã mba'e rire.

Apocalípsis 4:4

Ha upe trono jerekuévo oĩve veinticuatro trono ha umíva ári oguapy veinticuatro karai kuéra oñemondéva ao morotĩme ha corona oroguiguáva iñakã rehe kuéra.

Apocalípsis 5:13

Ha ahendu avei opa umi mba'e ojejapo va'ekuépe, oĩva yvágape, yvy ári, yvyguýpe, márpe ha opa umi mba'e ipype kuéra oĩva, he'i ramo: Pe trónope oguapývape ha pe Ovecha Ra'ýpe, toñemomba'eguasu, toñemoherakuã, toñembotuicha ha toñembopu'aka, tapia guarã.

Apocalípsis 7:15

Upéva rehe oĩ hikuái pe Tupã Ñandejára trono renondépe, ha oservi ichupe ára ha pyharépe itupaópe, ha pe oguapýva pe trónope, ha'ete voi oñangareko vaerã hese kuéra.

Apocalípsis 7:9

Ko'ã mba'e rire ama'ẽ, ha ahecha peteĩ atyguasu, avave ikatu'ỹ vaerã oipapa, opa tetã, ha tetãygua, ha tribu, ha ñe'ẽ rehegua, oñembo'ýva hína pe trono ha pe Ovecha Ra'y renondépe, oñemondéva ao morotĩme ha oguerekóva pindo rogue ipópe kuéra.