Apocalípsis 13:14 - Ñandeyara Ñe'ẽ

¹⁴ Ha umi techaukapyrã rupi ojapóva pe monstruo tenondere renondépe, ombotavy umi yvypóra kuérape ha he'i ichupe kuéra ojapo haguã pe monstruo ra'anga, upe oñekytĩ va'ekue espádape, ha upéicharamo jepe nomanói.

Tûpâ Ñandeyára 1913

¹⁴ Ja omombia avei umi ybyariguape umi jechapyrâ rupi iyáva ichupe oyapo jaguâ upe maymba renondepe. Ja jei umi ybyari cuera jicuaivape omopuâ jaguâ peteî taângá pe maymba yoguajarâ upe oñekytîmbyre pe kyse pucupe, ja upeicha rejeve yepe oicove vaecue.

Ñandejára Ñe’ẽ

¹⁴ Ha umi mba'e hechapyrã rupi, ojehejáva chupe ojapo pe tymba vai guasu peteĩha renondépe, ombotavy opa yvy ári oikóvape, ha he'i chupe kuéra ojapo haguã pe tymba vai guasu ra'ãnga, ojekutu vai ramo jepe oikovéva kyse puku rãimbépe.

Ñandejara Ñe’ẽ ✟

¹⁴ Ha umi mba'e hechapyrã rupi, ojehejáva chupe ojapo pe tymba vai guasu peteĩha renondépe, ombotavy opa yvy ári oikóvape, ha he'i chupe kuéra ojapo haguã pe tymba vai guasu ra'ãnga, ojekutu vai ramo jepe oikovéva kyse puku rãimbépe.

Ñanderuete Ñe’ẽ Porã 2015

¹⁴ ombotavy hag̃ua ichupekuéra umi mba’e techapyrã rupi, oñeme’ẽgui ichupe pu’aka ojapo hag̃ua ko’ã mba’e techapyrãva pe mymba tenondegua resa renondépe, oguerekova’ekue pe jekutu vai kyse pukuetégui ha oikove jevy, upévare upe mymba mokõiha ojapouka peteĩ ta’ãnga tuicháva upe mymba tenondeguápe g̃uarã.

Apocalípsis 13:14 Referencias Cruzadas

2 Tesalonicayguakuérape 2:4

Upéva oñemoĩ, ha opu'ã vaerã opa hérava tupã rehe terã oñemomba'eguasúva rehe oguapy peve ipahápe Tupã Ñandejára tupaópe, Tupã Ñandejára ramo guáicha.

Apocalípsis 12:9

Ha oñemosẽ yvágagui pe tejujagua guasu, upe mbói ymaiteguare hérava Aña ha Satanás, pe ombotavýva opa yvypóra kuérape. Ha'e ha hi'ángel kuéra oñemombo yvy ári.

Apocalípsis 13:1

Ha añembo'y pe mar rembe'ýpe, ha ahecha ojupi pe márgui peteĩ monstruo siete iñakãva ha diez hatĩva. Ha peteĩ teĩ hatĩ rehe oguereko corona, ha iñakã nguéra rehe oguereko peteĩ téra oñe'ẽ vaíva Tupã Ñandejára rehe.

Apocalípsis 13:15

Ha pe monstruo mokõihávape oñembopu'aka omoingove haguã pe monstruo tenonderegua ra'anga, ikatu haguã upe ta'anga oñe'ẽ ha ojukaukapa opa umi omomba'eguasu'ỹvape ichupe.

Apocalípsis 13:8

Upe mónstruope oadora yvypóra kuéra oĩ haguéicha, héra kuéra oĩ'ỹva pe kuatiañe'ẽ tekovete reheguápe ko mundo oiko ñepyrũ ramo guare guive, pe Ovecha Ra'y omano va'ekue oguerekóva.

Apocalípsis 14:11

Ha pe itormento ratatĩngue ojupi vaerã tapia guarã, ha ndopytu'u va'erãi ára ha pyharépe umi omomba'eguasúva pe mónstruope ha pe ha'angápe, terã umi oguerekóva ojehe pe héra marca.

Apocalípsis 14:9

Ha peteĩ ángel mbohapyha, hatã he'i: --Oime ramo omomba'eguasúva pe monstruo ha ha'angápe, ha ohejáva oñemoĩ pe imárca isyva terã ipo rehe,

Apocalípsis 15:2

Ahecha avei peteĩ mar vidrioguigua joguaha ojehe'áva tata reheve, ha umi ipu'aka va'ekue pe monstruo ha pe ha'anga rehe ha pe héra número rehe, oñembo'y hikuái upe mar vidrioguigua ári, arpa Tupã Ñandejára ome'ẽ va'ekue ichupe kuéra reheve.

Apocalípsis 16:13

Ha ahecha osẽ pe tejujagua jurúgui, ha pe monstruo jurúgui he pe ñemoñe'ẽhára japu jurúgui mbohapy espíritu vai ojoguáva ju'ípe.

Apocalípsis 16:2

Ha pe ángel tenondegua oho ha oñohẽ yvy ári pe icópa pegua, ha opa umi oguerekóva pe monstruo marca ha omomba'eguasúva pe ha'anga rehe, osẽ peteĩ llaga ivai ha hasýva.

Apocalípsis 18:23

Ha ndohesape mo'ãvéi nde pype lámpara rendy, ha noñehendu mo'ãvéi vy'a mendaha pegua ayvu, umi ne moñemuhára kuéra mba'e guasu va'ekue yvy ári, ha rembotavy va'ekue opa tetã nguérape nde paje kuéra rupi.

Apocalípsis 19:20

Ha pe monstruo ojeapresa, ha hendive upe ñemoñe'ẽhára japu ojapo va'ekue techapyrã imilágrova pe monstruo renondépe. Umíva umi techapyrã rupi pe ñemoñe'ẽhára japu ombotavy va'ekue umi omoĩuka va'ekuépe ojehe pe monstruo marca ha oadora va'ekue pe monstruo ra'anga. Pe monstruo ha pe ñemoñe'ẽhára japu ojeity hekove reheve pe lago tata ha azufre reheve opupúvape.

Apocalípsis 2:10

Ani rekyhyje pe rehasa asýtavagui; Aña oitýta cárcelpe peẽ kuéravape pejepy'ara'ã haguã, ha pehasa asýta diez días pukukue. Ejeroviáke remano meve, ha che ame'ẽta ndéve pe tekovete rehegua premio.

Apocalípsis 20:10

Ha pe Aña, ombotavy va'ekue ichupe kuéra, ojeity pe lago tata ha azufre reheveguápe, ojeity haguépe avei pe monstruo ha pe ñemoñe'ẽhára japu; ha upépe oñeatormenta vaerã ára ha pyharépe arapave'ỹ meve guarã.

Apocalípsis 3:10

Ha'e kuri, ndéve ne paciencia haguã ha upéicha rejapo. Upéva rehe añangarekóta nde rehe pe jehasa asy guasu árape oútava yvy ári, oipy'ara'ã haguã yvypóra kuérape.