Apocalípsis 13:12 - Ñandeyara Ñe'ẽ

¹² Ha oiporupaite pe monstruo tenondere autoridad henondépe, ha pe yvy ha umi yvypóra kuérape oadorauka pe monstruo tenonderépe, upe oñekytĩ va'ekuépe omano haguãicha ha okuera va'ekue.

Tûpâ Ñandeyára 1913

¹² Ja pe maymbá iñypyrumbŷ puacacue iya pe maymba ambuépe ja oñembopuacá iyŷpype voi yepe. Ja opa co yby ja opa ybypóra cuerape jae ombuetéucá pe mbae maymbá iñypyrumbŷguape pe iñikytî jague omano jaguâichagua jesâi yeby vaecue.

Ñandejára Ñe’ẽ

¹² Ha ipu'aka avei pe tymba vai guasu peteĩháicha henondépe, ha oheja oñemomba'e guasu pe tymba vai guasu tenondevegua, pe okuera vaekue oñekytĩ vai haguégui.

Ñandejara Ñe’ẽ ✟

¹² Ha ipu'aka avei pe tymba vai guasu peteĩháicha henondépe, ha oheja oñemomba'e guasu pe tymba vai guasu tenondevegua, pe okuera vaekue oñekytĩ vai haguégui.

Ñanderuete Ñe’ẽ Porã 2015

¹² Ko mymba kóva oiporu pe mymba tenondegua pu’aka hesa renondépe ha oñeha’ãmba opaite tetãyguakuéra omomba’eguasu hag̃ua pe mymba tenondeguápe, upe oguerekova’ekue hetére pe jekutu vai omano hag̃uáicha, ha okuera jevyva’ekue.

Apocalípsis 13:12 Referencias Cruzadas

2 Tesalonicayguakuérape 2:4

Upéva oñemoĩ, ha opu'ã vaerã opa hérava tupã rehe terã oñemomba'eguasúva rehe oguapy peve ipahápe Tupã Ñandejára tupaópe, Tupã Ñandejára ramo guáicha.

Apocalípsis 13:2

Ha pe monstruo ahecha va'ekue ojogua jaguaretépe, ha ipy oso pýicha, ha ijuru katu león jurúicha. Ha pe tejujagua ome'ẽ ichupe ipu'akakue ha itrono, ha omanda guasu haguã.

Apocalípsis 13:8

Upe mónstruope oadora yvypóra kuéra oĩ haguéicha, héra kuéra oĩ'ỹva pe kuatiañe'ẽ tekovete reheguápe ko mundo oiko ñepyrũ ramo guare guive, pe Ovecha Ra'y omano va'ekue oguerekóva.

Apocalípsis 14:11

Ha pe itormento ratatĩngue ojupi vaerã tapia guarã, ha ndopytu'u va'erãi ára ha pyharépe umi omomba'eguasúva pe mónstruope ha pe ha'angápe, terã umi oguerekóva ojehe pe héra marca.

Apocalípsis 14:9

Ha peteĩ ángel mbohapyha, hatã he'i: --Oime ramo omomba'eguasúva pe monstruo ha ha'angápe, ha ohejáva oñemoĩ pe imárca isyva terã ipo rehe,

Apocalípsis 16:2

Ha pe ángel tenondegua oho ha oñohẽ yvy ári pe icópa pegua, ha opa umi oguerekóva pe monstruo marca ha omomba'eguasúva pe ha'anga rehe, osẽ peteĩ llaga ivai ha hasýva.

Apocalípsis 17:8

Pe monstruo rehecha va'ekue niko peteĩ oikove va'ekue yma, ha opáichavo ndoikovevéima, ha upéicharamo jepe ojupíta pe yvykua pypukúgui oho mboyve pe oñehundi haguãme. Ha umi yvy arigua kuéra oguereko'ỹva héra pe tekovete rehegua kuatia ñe'ẽme ko mundo oiko ñepyrũ guive tuicha oñemondýi vaerã ohechávo pe monstruo yma oikove va'ekue ndoikoveveimaha, opáichavo, ou jevy vaerã.

Apocalípsis 19:20

Ha pe monstruo ojeapresa, ha hendive upe ñemoñe'ẽhára japu ojapo va'ekue techapyrã imilágrova pe monstruo renondépe. Umíva umi techapyrã rupi pe ñemoñe'ẽhára japu ombotavy va'ekue umi omoĩuka va'ekuépe ojehe pe monstruo marca ha oadora va'ekue pe monstruo ra'anga. Pe monstruo ha pe ñemoñe'ẽhára japu ojeity hekove reheve pe lago tata ha azufre reheve opupúvape.

Apocalípsis 20:4

Ha ahecha trono kuéra, ha umi oguapývape hi'ári kuéra oñeme'ẽ autoridad oporojuzga haguã. Ahecha avei umi oñeñakã'o va'ekue ánga kuéra omoherakuã hague rehe Jesús réra ha Tupã Ñandejára ñe'ẽ, umi oadora'ỹ va'ekue pe mónstruope terã ha'angápe, ha ndohejái va'ekue oñemoĩ pe monstruo marca isyva terã ipo rehe; ha oikove jevy, ha oreina Cristo ndive mil años.