Apocalípsis 12:17 - Ñandeyara Ñe'ẽ

¹⁷ Upéva rehe, pe tejujagua ipochyetevéntema pe kuña rehe, ha oho oñorairõ umi iñemoñare kuéra opyta va'ekue ndive, umi iñe'ẽrendúva ndive Tupã Ñandejára rembiapoukapýpe ha ojeroviáva Jesucristo rehe.

Tûpâ Ñandeyára 1913

¹⁷ Upeape pe mbae vaí ipochŷeté tarova upe cuña coty coty, ja ojo oñorayrô jaguâ pe cuña reŷicuera ambuecue ndive yaévo umi ombuayéva Tûpâ Ñandeyára rembiapoucapy ja umi Jesús mojerâcuâjára ndive.

Ñandejára Ñe’ẽ

¹⁷ Pe teju jagua ipochyeterei upe kuña ndive, ha oho oñorãirõ iñemoñare kuéra rembyre ndive, umi iñe'ẽ rendúva Tupã rembiapoukapýpe ha ojeroviáva Jesús he'i vaekuére.

Ñandejara Ñe’ẽ ✟

¹⁷ Pe teju jagua ipochyeterei upe kuña ndive, ha oho oñorãirõ iñemoñare kuéra rembyre ndive, umi iñe'ẽ rendúva Tupã rembiapoukapýpe ha ojeroviáva Jesús he'i vaekuére.

Ñanderuete Ñe’ẽ Porã 2015

¹⁷ Ipochyeterei pe tejujagua pe kuña ndive, upévare oho oñorãirõ hag̃ua ambue iñemoñare ndive, umi ojapóva Ñanderuete rembiapoukapykuéra ha ojeroviáva Hesu Crísto rehe.

Apocalípsis 12:17 Referencias Cruzadas

Matéo 28:20

ha pembo'e ichupe kuéra tojapopa opa umi che ha'e va'ekue peẽme. Ha peikuaa, che aimeha penendive opa árape ko mundo paha peve. Amén.

Juan 8:44

Pende ru niko Aña; ha peẽ imba'e, ha pejapose hembipota. Aña niko porojukahára va'ekue iñepyrũha guive, ha ijapu eterei ha ndaiporiete pe añeteguamíva ipype. Oñe'ẽ ramo japu mante he'i; ijapúgui ha japu rúgui voi ha'e.

1 Corintoyguakuérape 2:1

Che ryvy kuéra, aha ramo guare pene rendápe, amombe'u haguã peẽme pe Tupã Ñandejára ñe'ẽ ndaiporúi va'ekue ñe'ẽ arandu terã ñe'ẽ poravopyre.

1 Pédro 5:8

Peikokuaákena ha peñeñangareko pe mba'epochy pene rairõva oiko rehe león okororõvaicha pende jerekuévo oheka mávapepa ho'úta.

1 Juan 2:3

Ñane ñe'ẽrendu ramo umi Tupã Ñandejára rembiapoukapýpe, jaikuaa jaikuaaha ichupe.

1 Juan 5:10

Pe ojeroviáva Tupã Ñandejára Ra'y rehe oguereko pe kuaaukapyre ipype voi, pe oguerovia'ỹva Tupã Ñandejárape katu ombojapu ichupe, ndogueroviái hague rehe pe Tupã Ñandejára he'i va'ekue oikuaaukávo Ta'ýra reheguáva.

1 Juan 5:2

Jahayhu ramo Tupã Ñandejárape ha jajapo ramo hembiapoukapy, jaikuaa jahayhuha avei umi Tupã Ñandejára ra'y kuérape.

Apocalípsis 1:2

ha Juan omombe'u opa umi mba'e ohecha va'ekue ha pe Tupã Ñandejára ñe'ẽ ha pe Jesucristo oikuaauka va'ekue ichupe.

Apocalípsis 1:9

Che, Juan, pene hermano ha pene irũ pe Jesucristo jehasa asýpe, ha pe iréinope ha pe hayhupápe jaropu'akávape, aime va'ekue preso pe isla Patmos héravape, añemoñe'ẽ hague rehe Tupã Ñandejára ñe'ẽ rehe ha amoherakuã hague rehe Jesucrístope.

Apocalípsis 11:7

Ha oñemoñe'ẽmbáma ramo katu pe monstruo ojupíva pe yvykua pypukúgui oñorairõta hendive kuéra, ha ipu'akáta hese kuéra ha ojukáta ichupe kuéra.

Apocalípsis 12:16

pe yvy katu oipytyvõ pe kuñáme, oipe'a ijuru ha omokõ pe río, pe tejujagua opoi va'ekue ijurúgui.

Apocalípsis 13:7

Ojeheja avei ichupe oñorairõ umi Tupã Ñandejára reheguáva ndive, ha ipu'aka hese kuéra, ha oñeme'ẽ ichupe autoridad opa tribu, ha tetãygua, ha ñe'ẽ ha tetã nguéra ári.

Apocalípsis 14:12

Upéva rehe, umi Tupã Ñandejára reheguáva, iñe'ẽrendúva hembiapoukapy kuérape ha Jesús rehe ojeroviáva, ipaciencia vaerã.

Apocalípsis 17:14

Oñorairõ vaerã pe Ovecha Ra'y ndive, ha pe Ovecha Ra'y ipu'aka vaerã hese kuéra, ha'e ha'égui karai kuéra Jára ha mburuvicha kuéra Ruvicha, ha umi oĩvape hendive Tupã Ñandejára ohenói ha oiporavo va'ekue, ha jeroviaha ha'e kuéra.

Apocalípsis 17:6

Ha ahecha pe kuña oka'u umi Tupã Ñandejára rehegua kuéra ha umi ojejuka va'ekue omoherakuã hague rehe Jesús réra ruguýpe. Ha ahechávo upéva, che py'andyiete apytávo.

Apocalípsis 18:20

Pevy'a upe ojehu va'ekue rehe ichupe, yvága, ha peẽ apóstol kuéra ha ñemoñe'ẽhára kuéra, ha opa umi Tupã Ñandejára rehegua kuéra; ocondenávo ichupe Tupã Ñandejára ojapo peẽme justicia.

Apocalípsis 19:10

Ha che añesũ pe ángel renondépe aadora haguã ichupe, ha'e katu he'i chéve: --Aníke rejapo upéicha, che niko Tupã Ñandejára rembiguáinte avei nde ha ne hermano kuéra Jesús ñe'ẽ rehe ojeroviáva ndive. Eadora Tupã Ñandejárape. Umi Tupã Ñandejára rérape oñemoñe'ẽva niko oikuaauka pe Jesús ñe'ẽ.

Apocalípsis 19:19

Ha ahecha pe mónstruope ha umi yvy arigua mburuvicha kuéra ijejército kuéra reheve, oñembyaty va'ekue oñorairõ haguã upe oguapýva ndive kavaju ári, ha ijejército kuéra ndive.

Apocalípsis 20:4

Ha ahecha trono kuéra, ha umi oguapývape hi'ári kuéra oñeme'ẽ autoridad oporojuzga haguã. Ahecha avei umi oñeñakã'o va'ekue ánga kuéra omoherakuã hague rehe Jesús réra ha Tupã Ñandejára ñe'ẽ, umi oadora'ỹ va'ekue pe mónstruope terã ha'angápe, ha ndohejái va'ekue oñemoĩ pe monstruo marca isyva terã ipo rehe; ha oikove jevy, ha oreina Cristo ndive mil años.

Apocalípsis 22:14

Ovy'a vaerã umi ojohéivo ijao, ikatu haguã ohupity pe yvyra máta oporomoingovéva, ha oike haguã pe ciudad rokẽ rupi.

Apocalípsis 6:9

Pe Ovecha Ra'y oipe'ávo pe cinco selloha, ahecha pe altarguýpe, umi ojejuka va'ekue ánga kuéra Tupã Ñandejára ñe'ẽ rehe, ha omoherakuã hague rehe pe ñe'ẽ.