Apocalípsis 12:11 - Ñandeyara Ñe'ẽ

¹¹ Ha ha'e kuéra ipu'aka va'ekue hese pe Ovecha Ra'y ruguy rupi ha pe ñe'ẽ hese omoherakuã va'ekue rupi, ha na hakate'ỹi va'ekue hekove kuéra rehe, tekotevẽta ramo jepe omano.

Tûpâ Ñandeyára 1913

¹¹ Jaecuera ipuacama jese pe Ovecha Ray ruguy reje ja pe ñeê ichuguigua omojerâcuâ vaecue reje avei, ja jaecuera jâcâteŷ-ŷ-jague reje oguecove cuera reje omano meve yepe.

Ñandejára Ñe’ẽ

¹¹ ñane pehẽngue kuéra ipu'aka hese, pe Ovecha ra'y ruguy oñehẽ vaekue rupive, ha pe marandu ha'e kuéra omyasãiva rupive; ndokyhyjéi ome'ẽ haguã hekove, ha oĩ omano haguãicha opa ára.

Ñandejara Ñe’ẽ ✟

¹¹ ñane pehẽngue kuéra ipu'aka hese, pe Ovecha ra'y ruguy oñehẽ vaekue rupive, ha pe marandu ha'e kuéra omyasãiva rupive; ndokyhyjéi ome'ẽ haguã hekove, ha oĩ omano haguãicha opa ára.

Ñanderuete Ñe’ẽ Porã 2015

¹¹ Ha’ekuéra ombopoguy katu ichupe pe Ovechara’y ruguy rupi, ha omyasãi porã haguére Hesu Crísto iñe’ẽ ha hekove rupi, ha nahakate’ỹi hekovekuéra rehe, tekotevẽ ramojepe omano Hesu Crísto rehehápe.

Apocalípsis 12:11 Referencias Cruzadas

Lúcas 14:26

--Oime ramo oúva che rendápe, ha ohayhuvéva itúvape, isýpe, hembirekópe, ta'ýra kuérape, tyvýra kuérape, teindýra kuérape, ha oguekove jepe, ndaikatúi oiko che remimbo'e ramo.

Juan 16:33

Ha'éko peẽme opa ko'ã mba'e pende py'aguapy haguã pejerovia rupi che rehe. Peẽ peiko asy vaerã ko yvy ári, opáichavo, ani pekyhyje, che che pu'aka va'ekue ko mundo rehe ha amoĩ va'ekue ko mundo che poguýpe.

Apostolkuéra 20:24

Opáichavo, mba'eve ko'ã mba'e nda che py'apýi; che rekove jepe namomba'éi che jupe guarã, ajapopa guive che rembiapo vy'a pópe ha hekoitépe pe Ñandejára Jesús he'i va'ekue chéve, amoherakuã haguã pe Tupã Ñandejára mborayhu kuaapyrã.

Apostolkuéra 21:13

Upérõ Pablo he'i: --¿Mba'ére piko pene rasẽ ha che momba'embyasy peína? Che aimemba ndaha'éi añeñapytĩ haguã añó, amano haguã avei Jerusalénpe Ñandejára Jesús réra rehe, tekotevẽ ramo.

Romayguakuérape 16:20

Ha pe Tupã Ñandejára ñane mbopy'aguapýva, voiete omoĩta Satanáspe pende pyguýpe. Ñandejára Jesucristo ta pende rovasa.

1 Corintoyguakuérape 15:57

Upéicharamo jepe ñame'ẽ vaerã las gracias Tupã Ñandejárape, ñane mbopu'aka rehe pe mano rehe Ñandejára Jesucristo pu'aka rupi.

1 Juan 4:4

Che ra'y kuéra, peẽ niko Tupã Ñandejára mba'e, ha pende pu'aka umi tekove japu rehe, ipu'akavégui pe Espíritu oĩva pende pype pe espíritu umi yvypórape oĩvagui.

1 Juan 5:5

Ndaipóri ipu'akáva ko mundo rehe oguerovia'ỹ ramo Jesús Tupã Ñandejára Ra'yha.

Apocalípsis 1:2

ha Juan omombe'u opa umi mba'e ohecha va'ekue ha pe Tupã Ñandejára ñe'ẽ ha pe Jesucristo oikuaauka va'ekue ichupe.

Apocalípsis 1:9

Che, Juan, pene hermano ha pene irũ pe Jesucristo jehasa asýpe, ha pe iréinope ha pe hayhupápe jaropu'akávape, aime va'ekue preso pe isla Patmos héravape, añemoñe'ẽ hague rehe Tupã Ñandejára ñe'ẽ rehe ha amoherakuã hague rehe Jesucrístope.

Apocalípsis 11:7

Ha oñemoñe'ẽmbáma ramo katu pe monstruo ojupíva pe yvykua pypukúgui oñorairõta hendive kuéra, ha ipu'akáta hese kuéra ha ojukáta ichupe kuéra.

Apocalípsis 12:17

Upéva rehe, pe tejujagua ipochyetevéntema pe kuña rehe, ha oho oñorairõ umi iñemoñare kuéra opyta va'ekue ndive, umi iñe'ẽrendúva ndive Tupã Ñandejára rembiapoukapýpe ha ojeroviáva Jesucristo rehe.

Apocalípsis 19:10

Ha che añesũ pe ángel renondépe aadora haguã ichupe, ha'e katu he'i chéve: --Aníke rejapo upéicha, che niko Tupã Ñandejára rembiguáinte avei nde ha ne hermano kuéra Jesús ñe'ẽ rehe ojeroviáva ndive. Eadora Tupã Ñandejárape. Umi Tupã Ñandejára rérape oñemoñe'ẽva niko oikuaauka pe Jesús ñe'ẽ.

Apocalípsis 2:13

Che aikuaa ne rembiapokue, ha aikuaa reikoha Satanás omandahápe. Opáichavo, na nde resaráiri che réragui, rejerovia tapia uvei che rehe, umi ára, Antipas, che testigo fiel, ojejuka ramo guare pende apytépe, pe Satanás oikohápe.

Apocalípsis 2:17

Pe ijapysáva, tohendu pe Espíritu Santo he'íva umi iglésia kuérape: Pe ovencévape ha'ukáta pe maná ñeñongatuhápe oĩvagui, ha ame'ẽta ichupe peteĩ ita morotĩ, ha oĩta hese peteĩ téra pyahu avave oikuaa'ỹva, upe oguerekótava mante.

Apocalípsis 2:26

Pe ovencévape ha ojapóva che rembipota ipaha peve, amoĩta tetã nguéra ipoguýpe che Ru omoĩ haguéicha che poguýpe, ha omanda pohýita hese kuéra fierro oguereko ramo guáicha ipópe, ojokapáta mba'yru ñai'ũguiguáicha.

Apocalípsis 2:7

Pe ijapysáva, tohendu pe Espíritu Santo he'íva umi iglésia kuérape: Umi ovencévape ha'ukáta pe yvyra máta oikovévagui oĩva Tupã Ñandejára paraísope.”

Apocalípsis 20:4

Ha ahecha trono kuéra, ha umi oguapývape hi'ári kuéra oñeme'ẽ autoridad oporojuzga haguã. Ahecha avei umi oñeñakã'o va'ekue ánga kuéra omoherakuã hague rehe Jesús réra ha Tupã Ñandejára ñe'ẽ, umi oadora'ỹ va'ekue pe mónstruope terã ha'angápe, ha ndohejái va'ekue oñemoĩ pe monstruo marca isyva terã ipo rehe; ha oikove jevy, ha oreina Cristo ndive mil años.

Apocalípsis 3:12

Pe ovencévape, amoĩta columna ramo che Tupã Ñandejára tupaópe, ha opyta vaerã upépe tapia guarã, ha hese amoĩta che Tupã réra ha pe che Tupã ciudad réra, pe Jerusalén pyahu oguejýva yvágagui, che Tupã Ñandejára rendágui, ha amoĩta avei hese che réra pyahu.

Apocalípsis 3:21

Pe ovencévape amboguapýta chendive che trónope, pe che avence haguéicha ha aguapy che Ru ndive itrónope.

Apocalípsis 3:5

Pe ovencéva oñemonde vaerã ao morotĩme ha ndaipe'ái chéne héra kuéra pe kuatiañe'ẽ tekovete reheguágui, amombe'u vaerã uvei pe héra che Ru ha hi'ángel kuéra renondépe:

Apocalípsis 6:9

Pe Ovecha Ra'y oipe'ávo pe cinco selloha, ahecha pe altarguýpe, umi ojejuka va'ekue ánga kuéra Tupã Ñandejára ñe'ẽ rehe, ha omoherakuã hague rehe pe ñe'ẽ.