Apocalípsis 12:10 - Ñandeyara Ñe'ẽ

¹⁰ Upéi ahendu peteĩ ñe'ẽ hatãva pe yvágape, he'íva: --Oguahẽma pe ñane Tupã Ñandejára salvación, pe ipu'aka, pe iréino, ha pe Icristo autoridad, oñemosẽma rehe yvágagui pe omoĩ vaími va'ekue ñane hermano kuérape, pe omoĩ vaími va'ekue ichupe kuéra ára ha pyharépe Tupã Ñandejára renondépe.

Tûpâ Ñandeyára 1913

¹⁰ Upeicha ajendu peteî osapucai tuvichava yvape jeiva: Coanga oicoma ñane mârâ-ŷ-já iyáma oñembo puaca acavé jaguâ ja oñemo mburuvicha guasúeté eteve jaguâ Tûpâ Ñandeyárape, ja iyáma Cristope oguerecopá jaguâ opambae ipo guype, oyeitŷmajá reje pe ñande reŷicuera moîvaísejára, pe oporomoîvaíjaré ichupecuera Tûpâ Ñandeyára ypype ára ja pyjare.

Ñandejára Ñe’ẽ

¹⁰ Ha upévo ahendu peteĩ ñe'ẽ hatã oúva yvágagui, he'íva: “Oguahẽma pysyrõha ára, oguahẽ ñane Tupã pu'aka ha iñesãmbyhy, ha Hemimbou pu'akapa; oñemosẽ pe oñe'ẽ vaíva ñane pehẽnguére, pe ára ha pyhare oñe'ẽ vaíva hese kuéra, ñane Tupã renondépe.

Ñandejara Ñe’ẽ ✟

¹⁰ Ha upévo ahendu peteĩ ñe'ẽ hatã oúva yvágagui, he'íva: “Oguahẽma pysyrõha ára, oguahẽ ñane Tupã pu'aka ha iñesãmbyhy, ha Hemimbou pu'akapa; oñemosẽ pe oñe'ẽ vaíva ñane pehẽnguére, pe ára ha pyhare oñe'ẽ vaíva hese kuéra, ñane Tupã renondépe.

Ñanderuete Ñe’ẽ Porã 2015

¹⁰ Ha oñehendu ñe’ẽpuguasu yvágaguio he’íva: Ko’ág̃a og̃uahẽma Ñanderuete salvacion, iñesãmbyhy ha ipu’aka, ha ita’ýra Hesu Crísto oisãmbyhy hag̃ua, oñemombógui yvy ape ári ñane hermanokuéra mombe’u vaihára, ñanemoĩ vaiva’ekue ára ha pyharépe Ñanderuete renondépe.

Apocalípsis 12:10 Referencias Cruzadas

Matéo 26:64

Ha Jesús he'i ichupe: --Upéicha, upe nde ere háicha. Ha ha'e avei peẽme, pehecha va'erãha ko kuimba'éicha ou va'ekue yvy ári oguapy ramo Tupã Ñandejára ipu'akáva akatúape ha ou ramo arai ári yvágagui.

Matéo 28:18

Upérõ Jesús oñemboja hendápe kuéra ha he'i ichupe kuéra: --Oñeme'ẽmba chéve autoridad yvágape ha yvýpe.

Matéo 6:10

Tou ne reino, tojejapo ne rembipota yvy ári yvága peguáicha.

Lúcas 11:2

Ha Jesús he'i ichupe kuéra: --Peñembo'e jave peje: Ore Ru reiméva yvágape, toñemomarangatu nde réra. Tou ne reino. Tojejapo ne rembipota, yvága peguáicha yvy ári avei.

Lúcas 22:31

He'i avei Ñandejára Jesucristo: --Simón, Simón, péinako Satanás ojerure kuri pende rehe pene mbokuchu haguã trigo oñembokuchu háicha yrupẽme;

1 Corintoyguakuérape 5:4

Peñembyaty Ñandejára Jesucristo rérape, ha che aiméta che espíritupe penendive, ha Ñandejára Jesucristo autoridad rupi,

2 Corintoyguakuérape 12:9

ha he'i va'ekue chéve: “Che niko romombarete, ha upévante upe nde reikotevẽva pe che pu'akakue ojehechakuaavégui pe máva ikangy ramo.” Upéva rehe avy'a uvei che kangykue rehe, ojehechauka haguã che pype pe Cristo pu'aka.

Títope 2:3

Upéicha avei kuñakarai kuéra ta heko kuñakarai, ani ijurumby'ỹi terã ani ika'útei, toporombo'e iporãva rehe.

1 Pédro 5:8

Peikokuaákena ha peñeñangareko pe mba'epochy pene rairõva oiko rehe león okororõvaicha pende jerekuévo oheka mávapepa ho'úta.

Apocalípsis 11:15

Pe ángel sieteha ombopu pe itrompéta, ha oñehendu hatã oñe'ẽ joáva yvágape ha he'íva: Reino kuéra yvy arigua Tupã Ñandejára ha Icristo mba'epáma, ha ha'e mburuvicha guasu vaerã tapia guarã.

Apocalípsis 2:26

Pe ovencévape ha ojapóva che rembipota ipaha peve, amoĩta tetã nguéra ipoguýpe che Ru omoĩ haguéicha che poguýpe, ha omanda pohýita hese kuéra fierro oguereko ramo guáicha ipópe, ojokapáta mba'yru ñai'ũguiguáicha.

Apocalípsis 7:10

Ha hatã osapukái, ha he'i: Pe salvación niko ou ñande Tupã Ñandejára gui, oguapýva hína pe trónope, ha pe Ovecha Ra'ýgui.